કયા દેશોએ ત્રિપક્ષીય લશ્કરી કવાયતોને તીવ્ર બનાવી? ફરીથી યુદ્ધ? વાંચો શું છે સ્થિતિ

• ‘જો ઉત્તર કોરિયાને નિશાન બનાવવામાં આવે તો…’, રશિયાએ આપી ચેતવણી

એચડી ન્યૂઝ ડેસ્ક, 13 જુલાઇ 2025: War Crisis અમેરિકા, જાપાન અને દક્ષિણ કોરિયાને ચેતવણી આપવામાં આવી છે કે, ઉત્તર કોરિયાને નિશાન બનાવવામાં આવશે એ ઠીક નહીં થાય…  આ ટિપ્પણી એવા સમયે આવી છે જ્યારે ઉત્તર કોરિયાના પરમાણુ કાર્યક્રમના જવાબમાં અમેરિકા, જાપાન અને દક્ષિણ કોરિયાએ તેમની ત્રિપક્ષીય લશ્કરી કવાયતોને તીવ્ર બનાવી દીધી છે. શુક્રવારે, ત્રણેય દેશોએ કોરિયન દ્વીપકલ્પ નજીક સંયુક્ત હવાઈ કવાયત હાથ ધરી હતી, જેમાં પરમાણુ શસ્ત્રો વહન કરવામાં સક્ષમ યુએસ બોમ્બરોએ પણ ભાગ લીધો હતો.

રશિયન વિદેશપ્રધાને સુરક્ષા જોડાણ સામે કડક વલણ અપનાવ્યું

રશિયન વિદેશ પ્રધાન સેરગેઈ લવરોવે શનિવારે પૂર્વી ઉત્તર કોરિયાના શહેર વોન્સનમાં યુએસના નેતૃત્વ હેઠળના સુરક્ષા જોડાણ સામે કડક ચેતવણી આપી હતી. લવરોવે યુએસ, દક્ષિણ કોરિયા અને જાપાનને ઉત્તર કોરિયા સામે કોઈપણ લશ્કરી જોડાણથી દૂર રહેવા કહ્યું હતું. તેમનું નિવેદન ઉત્તર કોરિયાના નેતા કિમ જોંગ ઉનને મળ્યા પછી આવ્યું હતું, જ્યાં તેમણે રાષ્ટ્રપ્રમુખ વ્લાદિમીર પુતિન તરફથી શુભેચ્છાઓ પણ પાઠવી હતી.

આ પણ વાંચો:જ્યારે ‘ભારત રત્ન’ પુરસ્કાર બંધ કરાયો…. એ તારીખ હતી 13 જુલાઈ 1977, જાણો નાગરિક સન્માનની વાત

લશ્કરી કવાયત એટલે હુમલાની તૈયારી?

ઉત્તર કોરિયા આ લશ્કરી કવાયતોને હુમલાની તૈયારી તરીકે જુએ છે અને તેથી જ તે તેના પરમાણુ શસ્ત્રોને સ્વરક્ષણના સાધન તરીકે વર્ણવી રહ્યું છે. આ મુદ્દા પર, લાવરોવે કહ્યું, “ઉત્તર કોરિયાનો પરમાણુ કાર્યક્રમ તેમના વૈજ્ઞાનિકોની સખત મહેનતનું પરિણામ છે. અમે તેમના પરમાણુ વિકાસ પાછળના કારણોને સમજીએ છીએ અને તેનું સન્માન કરીએ છીએ.”

યુક્રેન યુદ્ધમાં રશિયાને બિનશરતી સમર્થન

બેઠક દરમિયાન, ઉત્તર કોરિયાના વિદેશ પ્રધાન ચોએ પુનરોચ્ચાર કર્યો કે તેમનો દેશ યુક્રેન યુદ્ધમાં રશિયાને બિનશરતી સમર્થન આપે છે. લાવરોવે રશિયાના કુર્સ્ક સરહદી ક્ષેત્રમાં યુક્રેનિયન ઘૂસણખોરી રોકવામાં ઉત્તર કોરિયાના સૈનિકોએ આપેલા સહયોગ બદલ તેમનો આભાર પણ વ્યક્ત કર્યો.

ઉત્તર કોરિયા અને રશિયા વચ્ચે કયા પ્રકારના સંબંધો?

છેલ્લા વર્ષોમાં ઉત્તર કોરિયા અને રશિયા વચ્ચે લશ્કરી અને આર્થિક સહયોગ વધુ ગાઢ બન્યો છે. ઉત્તર કોરિયા રશિયાને શસ્ત્રો અને દારૂગોળો પૂરો પાડે છે, જ્યારે રશિયા બદલામાં લશ્કરી ટેકનોલોજી અને આર્થિક સહાય પૂરી પાડે છે. આનાથી અમેરિકા, જાપાન અને દક્ષિણ કોરિયાની ચિંતા વધી ગઈ છે કે રશિયા ઉત્તર કોરિયાને આવી સંવેદનશીલ ટેકનોલોજી આપી શકે છે, જે તેના પરમાણુ અને મિસાઇલ કાર્યક્રમને વધુ ખતરનાક બનાવશે.

આ પણ વાંચો:અમદાવાદમાં સીજી રોડ પર હેલ્થ કેર ઓફિસમાંથી ડબ્બા ટ્રેડિંગનો પર્દાફાશ, બે યુવકોની ધરપકડ

આ પણ વાંચો:ફિલ્મ ઈંડસ્ટ્રીમાંથી આવ્યા માઠા સમાચાર, દિગ્ગજ અભિનેતાનું વહેલી સવારે થયું નિધન, મનોરંજન જગતમાં માતમ છવાયો