WhatsApp Messenger
ટોપ ન્યૂઝટ્રેન્ડિંગનેશનલ

હાર પર મમતાની પહેલી પ્રતિક્રિયા, ભાજપે 100 બેઠકો ચોરી, પોતાના પર હુમલાનો પણ આરોપ લગાવ્યો

Mihirkumar Parmar Send an email Last Updated: મે 4, 2026
1 minute read
Copy

TMC allegations: પશ્ચિમ બંગાળમાં ભાજપ 200થી વધુ બેઠકો જીતીને બનાવવા માટે તૈયાર છે. TMC 80 બેઠકો સુધી સીમિત થતી દેખાઈ રહી છે. ચૂંટણી પરિણામો બાદ હવે બંગાળમાં નવો વિવાદ ઊભો થયો છે. પશ્ચિમ બંગાળના મુખ્યમંત્રી અને TMC પ્રમુખ મમતા બેનર્જીએ ભાજપ પર બેઠકો લૂંટવાનો આરોપ લગાવ્યો છે. તેમણે કહ્યું કે બંગાળમાં સંપૂર્ણ લૂંટ થઈ છે, પરંતુ અમે પાછા ફરશું. સાથે જ મમતા બેનર્જીએ પોતાના પર હુમલો થયો હોવાનો પણ આરોપ લગાવ્યો છે.

મમતા બેનર્જી ભવાનીપુરમાં કાઉન્ટિંગ સેન્ટર પહોંચી હતી. તેમણે દાવો કર્યો કે ઓળખપત્ર (ID કાર્ડ) હોવા છતાં તેમને અંદર જવા દેવામાં આવ્યા ન હતા. તેમણે કહ્યું કે “ભાજપ દાનવોની પાર્ટી છે, 100થી વધુ બેઠકો તેમણે લૂંટી છે અને છેતરપિંડી કરી છે. ચૂંટણી પંચ ભાજપ પંચ છે.”

તેમણે આરોપ લગાવતા કહ્યું, “મેં ફરિયાદ કરી છે, મનોજ અગ્રવાલને પણ મેં ફરિયાદ કરી છે, મેં પશ્ચિમ બંગાળના CEO, RO અને DEO બધાને ફરિયાદ કરી છે, પરંતુ તેઓ કંઈ કરી રહ્યા નથી. તેઓ મને અંદર જવા દેતા નથી. મારી પાસે આઈડી કાર્ડ છે, છતાં પણ મને અંદર જવા દેતા નથી. આ નૈતિક જીત નથી, આ અનૈતિક જીત છે. ચૂંટણી પંચ, સેન્ટ્રલ ફોર્સ, પ્રધાનમંત્રી અને ગૃહમંત્રીએ જે કર્યું છે તે સંપૂર્ણપણે ગેરકાયદેસર છે. SIRથી શરૂ કરીને, EVM મશીનો લૂંટીને તેમણે આ બધું જાણી જોઈને કર્યું છે. લૂંટ, લૂંટ, લૂંટ થઈ છે.”

મમતા બેનર્જીએ દાવો કર્યો કે, “મને અંદર જવા દેવામાં આવી નથી… આ પક્ષપાતપૂર્ણ છે. તમે CRPFને જોઈ શકો છો. તેમણે મને ધક્કો માર્યો, CRPFની સામે જ. તેમણે દરેક જગ્યાએ ગુંડાઓ તૈનાત કર્યા છે. હું ઉમેદવાર છું, છતાં પણ મને અંદર જવા દેવામાં આવી નથી.”

આ પણ વાંચો: પશ્ચિમ બંગાળ અને આસામમાં ભાજપની ભવ્ય જીત બાદ દિલ્હીમાં ઉજવણી, PM મોદીએ આપ્યું ઐતિહાસિક ભાષણ

Tags
Copy
Back to top button