મક્કામાં કાબા સામે બુરખો પહેરેલી મહિલાએ કર્યો ડાન્સ: વીડિયો વાયરલ, લોકોમાં ગુસ્સો
- મુસ્લિમ ધર્મના લોકો મહિલા વિરુદ્ધ કડકમાં કડક કાર્યવાહી કરવા અને કાબામાં ફોન પર પ્રતિબંધ લાદવાની માંગ કરી રહ્યા છે
મક્કા, 10 જૂન: મુસ્લિમો માટે, તેમનું સૌથી પવિત્ર સ્થળ સાઉદી અરેબિયામાં આવેલું મક્કા-મદીના છે. તે આ સ્થાનનું એટલું સન્માન કરે છે કે તે તેનું અપમાન બિલકુલ સહન કરી શકતા નથી. હાલમાં સોશિયલ મીડિયા પર વાયરલ થયેલા એક વીડિયોને લઈને મુસ્લિમ ધર્મના લોકો ખૂબ જ નારાજ જોવા મળી રહ્યા છે. હકીકતમાં,વીડિયોમાં બુરખો પહેરેલી એક મહિલા મક્કામાં કાબાની સામે ડાન્સ કરતી જોવા મળી રહી છે. સોશિયલ મીડિયા પર આ વિવાદાસ્પદ વીડિયો ખૂબ વાયરલ થઈ રહ્યો છે, જેને જોયા બાદ લોકોની ભાવનાઓને ઠેસ પહોંચી છે.
With the #Hajj2024 season approaching, some scenes began to violate the sanctity of this month and hurt the feelings of millions of Muslims in these blessed days, especially since these scenes were taken in front of the Holy Kaaba. pic.twitter.com/O3r2f10boH
— Saudi Arabia’s Reality (@RKSA_en) June 8, 2024
કાબામાં મહિલાએ બનાવી રીલ
વાયરલ થઈ રહેલા આ વીડિયોમાં જોઈ શકાય છે કે લોકો કાબાની સામે ઉભા રહીને દુઆ માંગી રહ્યા છે, જ્યારે કેટલાક લોકો નમાઝ પણ અદા કરી રહ્યા છે. આ દરમિયાન અહીં એક મહિલાએ બુરખો પહેરીને કાબાની સામે ડાન્સ કરીને રીલ બનાવવાનું શરૂ કર્યું. મહિલાનો આ વીડિયો સોશિયલ મીડિયા પર વાયરલ થતાં જ લોકો તેના પર ગુસ્સે થઈ રહ્યા છે. વીડિયો પર મુસ્લિમ ધર્મના લોકો ખૂબ જ ગુસ્સામાં જોવા મળી રહ્યા છે. ટિપ્પણી કરતી વખતે, લોકો આ મહિલા વિરુદ્ધ કાર્યવાહીની માંગ પણ કરી રહ્યા છે. લોકોનું કહેવું છે કે, જો આજે આવા લોકો સામે કાર્યવાહી કરવામાં નહીં આવે તો ધીરે ધીરે આ ચલણ વધશે અને ભવિષ્યમાં લોકો મક્કા અને મદીનામાં માત્ર રીલ બનાવવા જ આવશે.
વીડિયો જોયા પછી લોકો ગુસ્સે થઈ ગયા
વીડિયોને @RKSA_en નામના X હેન્ડલ પરથી શેર કરવામાં આવ્યો છે. વીડિયોના કેપ્શનમાં લખ્યું છે કે, “જેમ જેમ હજ 2024નો સમય નજીક આવી રહ્યો છે, કેટલાક લોકોએ આ મહિનાની પવિત્રતાનું ઉલ્લંઘન કરવાનું શરૂ કર્યું છે અને આ પવિત્ર દિવસોમાં લાખો મુસ્લિમોની ભાવનાઓને ઠેસ પહોંચાડવાનું શરૂ કર્યું છે, ખાસ કરીને ત્યારે જ્યારે પવિત્ર કાબાની સામે આવું કરવામાં આવ્યું.” આ વીડિયો વાયરલ થયા બાદ લોકોએ માંગ કરી છે કે, કાબામાં ફોનને મંજૂરી ન આપવી જોઈએ.
આ પણ જુઓ: જમ્મુ કાશ્મીરમાં શ્રધ્ધાળુઓની બસ ઉપર આતંકી હુમલો, 10 ના મૃત્યુ
