યુનાઇટેડ એરલાઇન્સના બોઇંગ વિમાનનું ટેકઓફ દરમિયાન એન્જિન થયું ફેઇલ, સમયસર ‘MAYDAY’ કોલથી બચી જાનહાનિ

નવી દિલ્હીઃ 29 જુલાઈ, 2025: United Airlines Flight Engine Failure After Takeoff: યુનાઇટેડ એરલાઇન્સની એક આંતરરાષ્ટ્રીય ફ્લાઇટને ટેકઓફ થયાની થોડી મિનિટો પછી ઇમરજન્સી સ્થિતિનો સામનો કરવો પડ્યો હતો. આ ફ્લાઇટ બોઇંગ 787-8 ડ્રીમલાઇનર દ્વારા સંચાલિત કરવામાં આવી આવી રહી હતી જે વોશિંગ્ટન ડલ્સ એરપોર્ટથી જર્મનીના મ્યુનિક માટે રવાના થઈ હતી. ફ્લાઇટ નંબર UA108 હતો. ટેકઓફ પછી, જ્યારે વિમાન લગભગ 5 હજાર ફૂટની ઊંચાઈએ પહોંચ્યું, ત્યારે તેના ડાબા એન્જિનમાં અચાનક ટેકનિકલ ખામી સર્જાઈ. પરિસ્થિતિની ગંભીરતા જોઈને, પાઇલટ્સે તાત્કાલિક ‘મેડે’ની જાહેરાત કરી, અને બાદમાં હોબાળો મચી ગયો હતો. આ ઘટના 25 જુલાઈ 2025 ના રોજ બની હતી.
ટેકઓફ પછી અપાયો ‘મેડે’ કોલ કરવામાં આવે છે
‘મેડે’ એ આંતરરાષ્ટ્રીય સ્તરે માન્યતા પ્રાપ્ત સિગ્નલ છે જે વિમાનમાં ટેકનિકલ સમસ્યા હોય ત્યારે આપવામાં આવે છે. એન્જિન ખરાબ થતાં જ યુનાઇટેડ એરલાઇન્સના વિમાનના પાઇલટ્સે એર ટ્રાફિક કંટ્રોલર્સ (ATC)નો સંપર્ક કર્યો અને ફ્લાઇટને સુરક્ષિત રીતે વોશિંગ્ટન ડલ્સ એરપોર્ટ પર પાછી લાવવાની પ્રક્રિયા શરૂ કરી.
મળતી માહિતી મુજબ, વિમાન કુલ 2 કલાક અને 38 મિનિટ સુધી હવામાં રહ્યું. આ સમય દરમિયાન, પાઇલટ્સે વોશિંગ્ટનના ઉત્તર-પશ્ચિમ વિસ્તારમાં વિમાનને હોલ્ડિંગ પેટર્નમાં રાખ્યું જેથી બળતણ ધીમે ધીમે અને સુરક્ષિત રીતે ફ્લાઇટમાંથી બહાર નીકળી શકે. બળતણને વેન્ટ કરવું જરૂરી હતું જેથી ઉતરાણ સમયે વિમાન હલકું રહે અને કોઈ અકસ્માત થવાની શક્યતા ન રહે.
કેવી રીતે કરાવ્યું લેન્ડિંગ?
જ્યારે વિમાનમાંથી જરૂરી માત્રામાં બળતણ દૂર કરવામાં આવ્યું, ત્યારે વિમાને વોશિંગ્ટન ડલ્સ એરપોર્ટના રનવે 19 સેન્ટર પર લેન્ડિંગ કરવા માટે ઇન્સ્ટ્રુમેન્ટ લેન્ડિંગ સિસ્ટમ (ILS)નો ઉપયોગ કર્યો. આ સિસ્ટમ પાઇલટ્સને ખરાબ હવામાન અથવા ટેક્નિકલ મુશ્કેલીઓમાં પણ સચોટ લેન્ડિંગ કરવામાં મદદ કરે છે.
લેન્ડિંગ સફળ રહ્યું હતું પરંતુ એન્જિન ફેલ થવાને કારણે, વિમાન રનવે પર પોતાની મેળે આગળ વધી શક્યું નહીં. ત્યારબાદ, ટગ વાહનની મદદથી વિમાનને રનવે પરથી દૂર કરવામાં આવ્યું. રાહતની વાત એ હતી કે આ સમગ્ર ઘટનામાં કોઈ મુસાફર કે ક્રૂ મેમ્બરને ઈજા થઈ નથી.
વિમાનની ટેકનિકલી તપાસ ચાલી રહી છે
પરિસ્થિતિને ધ્યાનમાં રાખીને, વિમાનને તાત્કાલિક ટેક્નિકલ તપાસ માટે ગ્રાઉન્ડ કરવામાં આવ્યું છે. વિમાન હજુ પણ વોશિંગ્ટન ડલ્સ એરપોર્ટ પર પાર્ક કરેલું છે. યુનાઇટેડ એરલાઇન્સ અને યુએસ એવિએશન અધિકારીઓ આ ઘટનાની સંપૂર્ણ તપાસ કરી રહ્યા છે જેથી ભવિષ્યમાં આવી ઘટનાઓ ટાળી શકાય.
આ પણ વાંચોઃ VIDEO: વડાપ્રધાન નરેન્દ્ર મોદીનું લોકસભામાં ઓપરેશન સિંદૂર અંગે નિવેદન LIVE












