ફંડીંગ મામલેના મતદાનમાં ફરી ટ્રમ્પ સરકારનો પરાજય, અમેરિકામાં શટડાઉન પૂરુ થવાની આશા પર પાણી ફરી વળ્યુ
વોશિંગ્ટન, 4 ઓક્ટોબર, 2025: અમેરિકન સરકાર શટડાઉનના ત્રીજા દિવસમાં પ્રવેશી ચૂકી છે અને તેને ખત્મ કરવાની આશા પર પાણી ફરી વળ્યુ છે. શુક્રવારે સેનેટમાં સરકારને ફંડીંગ આપવા માટે થયેલા મતદાનમાં ડેમ્રોક્રેટ્સે વિરોધ કર્યો હતો, જેનાથી રિપબ્લિકન બીલ પસાર થઇ શક્યુ ન હતું. બીલને પસીર કરવા માટે 60 મતોની જરૂર હતી, પરંતુ તે સંખ્યા પૂરી થઇ શકી ન હતી.
કોંગ્રેસે આરોગ્ય લાભ વધારવા જોઇએ
ડેમોક્રેટ્સનું કહેવુ છે કે કોંગ્રેસે આરોગ્ય લાભો વધારવા જોઇએ, જ્યારે રિપબ્લિકન સતત હાઉસ પાસ્ડ બીલ પર ભાર મુકીને તેને દબાવવાનો પ્રયત્ન કરી રહ્યા હતા. પ્રમુખ ડોનાલ્ડ ટ્રમ્પે સરકારી છટણી અને ખર્ચમાં કાપ મૂકવાની તૈયારીઓ શરૂ કરી દીધી છે. સેનેટ ફિલિબસ્ટર નિયમોને કારણે, ભલે તેમની પાસે બહુમતી હોય રિપબ્લિકનને બિલ પસાર કરવા માટે ડેમોક્રેટ્સના સમર્થનની જરૂર છે. ડેમોક્રેટ્સે આ મુદ્દા પર વ્યૂહાત્મક લાભ મેળવવા અને વિસ્તૃત આરોગ્ય લાભોની માંગને પ્રાથમિકતા આપવા માટે તેમની 47 બેઠકોનો ઉપયોગ કર્યો છે.
1.3 મિલિયન કામદારો ગંભીર નાણાકીય કટોકટીનો સામનો કરી રહ્યા છે
વ્હાઇટ હાઉસના પ્રેસ સેક્રેટરી કેરોલિન લીવિટે જણાવ્યું હતું કે શટડાઉન લાખો અમેરિકનો માટે ગંભીર નાણાકીય મુશ્કેલીનું કારણ બની રહ્યું છે. યુએસ આર્મી, નેવી, એરફોર્સ, મરીન કોર્પ્સ, કોસ્ટ ગાર્ડ અને સ્પેસ ફોર્સના 1.3 મિલિયન કર્મચારીઓ અવેતન વેતનનો સામનો કરી રહ્યા છે. ટેક્સાસના ફોર્ટ હૂડ નજીક આર્મ્ડ સર્વિસીસ YMCA ફૂડ પેન્ટ્રીમાં લશ્કરી પરિવારોની અભૂતપૂર્વ લાઇનો જોવા મળી હતી.
WIC કાર્યક્રમ પણ જોખમમાં છે, જેના કારણે આશરે 7 મિલિયન માતાઓ, શિશુઓ અને ઓછી આવક ધરાવતા પરિવારો સહાયની પહોંચથી વંચિત છે. સમગ્ર યુએસમાં 13,000 એર ટ્રાફિક કંટ્રોલર્સ પગાર વિના કામ કરી રહ્યા છે. રાષ્ટ્રીય પૂર વીમા કાર્યક્રમ બંધ થવાથી કુદરતી આફતો દરમિયાન પરિવારો સુરક્ષા વિના રહેશે.
યુએસ અર્થતંત્ર પર અસર
શટડાઉનના કારણે વરિષ્ઠ નાગરિકો અને અપંગો માટે સામાજિક સુરક્ષા સેવાઓ પણ મર્યાદિત થઈ ગઈ છે. વધુમાં, યુદ્ધના ભૂતપૂર્વ સૈનિકોને નાગરિક જીવનમાં પાછા ફરવા માટે સહાય મળી રહી નથી. યુએસ અર્થતંત્ર પર પણ ગંભીર અસર પડી છે. શટડાઉનના કારણે દર અઠવાડિયે GDPમાં 15 અબજ ડોલરનું નુકસાન થઈ શકે છે. શટડાઉન એક મહિના સુધી ચાલુ રહેવાથી 43,000 વધુ લોકો બેરોજગાર થઈ શકે છે, અને નાના વ્યવસાયોને ફેડરલ લોન મેળવવામાં વિલંબનો સામનો કરવો પડશે.
આ પણ વાંચોઃ ઓક્ટોબર 2025માં ક્યારે ઉજવવામાં આવશે દિવાળી? આ વખતે પણ અસમંજસ?
