Court કોર્ટ-કચેરી-ન્યાયતંત્રટ્રેન્ડિંગ

બંગાળમાં 31 બેઠકો પર હારના અંતરથી વધુ મત SIR માં કપાયા, TMC પહોંચ્યું સુપ્રીમ કોર્ટ

TMC vs BJP West Bengal 2026 election results SC hearing: પશ્ચિમ બંગાળ વિધાનસભા ચૂંટણી 2026 માં ભાજપ સામે મળેલી કારમી હાર બાદ તૃણમૂલ કોંગ્રેસ (TMC) હવે કાયદાકીય લડાઈના મૂડમાં છે. સોમવારે સુપ્રીમ કોર્ટમાં સ્પેશિયલ ઇન્ટેન્સિવ રિવિઝન (SIR) સંબંધિત કેસની સુનાવણી દરમિયાન TMC એ દલીલ કરી હતી કે બંગાળની 31 બેઠકો પર ચૂંટણી પરિણામો SIR પ્રક્રિયાને કારણે પ્રભાવિત થયા છે.

TMC ની દલીલ: હારના માર્જિન કરતા કપાયેલા વોટ વધુ

TMC ના વકીલ અને સાંસદ કલ્યાણ બેનર્જીએ કોર્ટમાં દાવો કર્યો હતો કે, બંગાળની 31 બેઠકો*એવી છે જ્યાં ભાજપના ઉમેદવારના જીતનું અંતર (Margin) તે બેઠક પર SIR પ્રક્રિયા હેઠળ રદ કરવામાં આવેલા મતોની સંખ્યા કરતા ઓછું છે. જો આ મતો કાપવામાં ન આવ્યા હોત, તો આ બેઠકોનું પરિણામ કંઈક અલગ હોત. ભવાનીપુર બેઠક (જ્યાંથી મમતા બેનર્જી હાર્યા છે) સહિત અનેક બેઠકો પર આ તફાવત નિર્ણાયક રહ્યો છે. એક બેઠક પર તો TMC ઉમેદવાર માત્ર 862 મતોથી હાર્યા છે, જ્યારે ત્યાં SIR હેઠળ 5432 મતો રદ કરવામાં આવ્યા હતા.

સુપ્રીમ કોર્ટે શું કહ્યું?

ચીફ જસ્ટિસ સૂર્યકાંત અને જસ્ટિસ જોયમાલ્યા બાગચીની બેન્ચે આ દલીલો સાંભળ્યા બાદ સ્પષ્ટ કર્યું કે, જો મમતા બેનર્જી કે અન્ય 31 બેઠકોના ઉમેદવારોને લાગે છે કે પરિણામ ખોટું આવ્યું છે, તો તેઓ આ માટે અલગથી નવી અરજી (Fresh Petition) દાખલ કરી શકે છે. દરેક બેઠકના તથ્યો અલગ હોઈ શકે છે, તેથી વ્યક્તિગત રીતે ‘ઇલેક્શન પિટિશન’ દાખલ કરવાનો વિકલ્પ ખુલ્લો છે.

શું છે SIR વિવાદ?

SIR એટલે કે ‘સ્પેશિયલ ઇન્ટેન્સિવ રિવિઝન’. ચૂંટણી પહેલા મતદાર યાદીની આ ખાસ ચકાસણી દરમિયાન લાખો મતદારોના નામ યાદીમાંથી હટાવવામાં આવ્યા હતા. TMC નો આરોપ છે કે આ પ્રક્રિયામાં તેમના સમર્થકોના નામ જાણીજોઈને નિશાન બનાવીને કાપી નાખવામાં આવ્યા હતા, જેની અસર અંતિમ પરિણામો પર પડી છે.

આ પણ વાંચોઃ PM મોદીએ એક વર્ષ સુધી સોનું ન ખરીદવાની અપીલ કેમ કરી? જાણો દેશની અર્થવ્યવસ્થા અને સોનાના ભાવ પર શું પડશે અસર

આ પણ વાંચોઃ StockMarketCrash : એવિએશન અને ટ્રાવેલ શેરોમાં ઘટાડો : 195 મીનીટમાં 9500 કરોડ રૂપિયાનું ધોવાણ

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

Back to top button