ભારતીય ક્રિકેટને શિખર પર પહોંચાડનાર સૌરવ ગાંગુલીને મળશે ક્રિકેટનું સર્વોચ્ચ સન્માન
Sourav Ganguly ICC Hall of Fame: ભારતીય ક્રિકેટને સફળતાના શિખરે પહોંચાડવામાં સૌથી મોટું યોગદાન આપનારા પૂર્વ કેપ્ટન સૌરવ ગાંગુલીને ક્રિકેટનું સૌથી મોટું સન્માન મળવા જઈ રહ્યું છે. તેમના જન્મદિવસના અવસરે આ મહત્વના સમાચાર સામે આવ્યા છે. ભારતીય ક્રિકેટમાં સૌરવ ગાંગુલીના અતુલ્ય યોગદાનને ધ્યાનમાં રાખીને તેમને ‘આઈસીસી હોલ ઓફ ફેમ’ (ICC Hall of Fame) માં સામેલ કરવામાં આવશે. આ સમાચાર આવ્યા બાદ ચાહકો એ જાણવા માટે ઉત્સુક છે કે સૌરવ ગાંગુલી પહેલા અત્યાર સુધી કેટલા ભારતીય ક્રિકેટરોને આ સન્માન મળી ચૂક્યું છે. તમને અહીં આ સવાલનો જવાબ મળી જશે.
આઈસીસી હોલ ઓફ ફેમ (ICC Hall of Fame) શું છે?
સૌથી પહેલા તમારા માટે એ જાણવું જરૂરી છે કે આખરે આઈસીસી હોલ ઓફ ફેમ શું છે. તમને જણાવી દઈએ કે ICC દ્વારા વર્ષ 2009માં આની શરૂઆત કરવામાં આવી હતી. આ વિશ્વના દિગ્ગજ ક્રિકેટરો માટેનું એક વિશેષ સન્માન છે. દર વર્ષે બોર્ડ (ICC) મહાન ખેલાડીઓને આ ખાસ સન્માનથી નવાજે છે.
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
અત્યાર સુધી કેટલા ભારતીય ક્રિકેટર્સ આમાં સામેલ થયા છે?
તમારી જાણકારી માટે જણાવી દઈએ કે આઈસીસી હોલ ઓફ ફેમમાં સામેલ થનારા સૌરવ ગાંગુલી 12મા ભારતીય ક્રિકેટર બનશે. તેમના પહેલા કુલ 11 દિગ્ગજોને આ સન્માન મળી ચૂક્યું છે, જેમાં 9 પુરુષ અને 2 મહિલા ક્રિકેટર્સ સામેલ છે.
પુરુષ ખેલાડીઓ: બિશન સિંહ બેદી, કપિલ દેવ, સુનિલ ગાવસ્કર, અનિલ કુંબલે, રાહુલ દ્રવિડ, સચિન તેંડુલકર, વિનુ માંકડ, વિરેન્દ્ર સેહવાગ અને મહેન્દ્ર સિંહ ધોની.
મહલા ખેલાડીઓ: ડાયના એડુલ્જી અને નીતુ ડેવિડ.
સૌરવ ગાંગુલીનું ઇન્ટરનેશનલ કરિયર
સૌરવ ગાંગુલીએ પોતાના આંતરરાષ્ટ્રીય કરિયરમાં 113 ટેસ્ટ અને 311 વનડે (ODI) મેચ રમી છે.
ટેસ્ટ ક્રિકેટ: ટેસ્ટની 188 ઇનિંગ્સમાં તેમણે 42.17ની એવરેજથી 7,212 રન બનાવ્યા છે, જેમાં 16 સદી અને 35 અડધી સદી સામેલ છે. તેમનો હાઈએસ્ટ સ્કોર 239 રન છે. આ ઉપરાંત ટેસ્ટ ક્રિકેટમાં ‘દાદા’ના નામે 32 વિકેટ પણ નોંધાયેલી છે.
વનડે ક્રિકેટ: વનડે ક્રિકેટની 300 ઇનિંગ્સમાં દાદાએ 11,363 રન બનાવ્યા છે. આ દરમિયાન તેમની એવરેજ 41.02ની રહી હતી. વનડેમાં ગાંગુલીના નામે 22 સદી અને 72 અડધી સદી છે. આ સાથે જ તેમણે વનડેમાં કુલ 100 વિકેટ પણ ઝડપી છે.
આ પણ વાંચો :મેટાએ લોન્ચ કર્યું નવું AI ટૂલ ‘મ્યુઝ’, લોન્ચિંગ સાથે જ પ્રાઇવસી મુદ્દે મોટો વૈશ્વિક વિવાદ શરૂ
