‘તું હંમેશા મારી નાની છોકરી રહીશ’, ત્રિશાલા માટે સંજય દત્તની ખાસ પોસ્ટ
Sanjay Dutt : સંજય દત્તે પુત્રી ત્રિશાલાના જન્મદિવસ પર પોતાના ઇન્સ્ટાગ્રામ એકાઉન્ટ પરથી તેની સાથેની તસવીરો શેર કરતાં લખ્યું, “તું ભલે ગમે તેટલી મોટી થઈ જાય, હંમેશા મારી નાની બાળકી જ રહેશે. જન્મદિવસ મુબારક ત્રિશાલા, તને હંમેશા પ્રેમ કરતો રહીશ.”
ત્રિશાલા દત્તના જન્મદિવસ પર સંજય દત્તે તેની સાથે વિતાવેલા ક્વોલિટી ટાઇમની તસવીરો શેર કરી છે. તેમની આ સુંદર પોસ્ટે ફેન્સના દિલ જીતી લીધા છે. કોમેન્ટ સેક્શનમાં પણ ફેન્સ બર્થડે વિશ કરતા જોવા મળી રહ્યા છે. જ્યારે અભિનેત્રી શિલ્પા શિરોડકરે હાર્ટ ઈમોજી મૂકીને પ્રેમ વ્યક્ત કર્યો છે.
સંજય દત્તના પ્રથમ લગ્ન રિચા શર્મા સાથે થયા હતા, જેમની પુત્રી ત્રિશાલા છે. ત્રિશાલા ભલે યુએસ (અમેરિકા) માં રહેતી હોય, પરંતુ તેની અને સંજય દત્ત વચ્ચે ખાસ બોન્ડિંગ છે. તે અવારનવાર પિતા સાથે સોશિયલ મીડિયા પર તસવીરો શેર કરતી રહે છે.
ત્રિશાલા દત્ત સોશિયલ મીડિયા પર ખૂબ જ એક્ટિવ છે, પરંતુ ગ્લેમર અને ફિલ્મી દુનિયાથી દૂર રહે છે. તે એક સાયકોથેરાપિસ્ટ તરીકે કામ કરે છે અને તે જ કારણે તે યુએસના ન્યૂયોર્કમાં રહે છે.
વર્ષ 1996 માં રિચા શર્મા (ત્રિશાલા દત્તની માતા) નું નિધન થયું હતું. ત્યારબાદ તેનો ઉછેર યુએસમાં જ તેના નાના-નાની પાસે થયો છે. જોકે પિતા સંજય દત્તની સાથે જ માન્યતા દત્ત (સંજય દત્તની ત્રીજી પત્ની) અને તેમના બાળકો સાથે પણ ત્રિશાલાનું બોન્ડિંગ ખૂબ જ સારું છે.
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
આ પણ વાંચો:ઈડરની શાળામાં મધ્યાહન ભોજન બાદ 45થી વધુ બાળકોને ફૂડ પોઈઝનિંગની અસર
આ પણ વાંચો:ઈડરની શાળામાં મધ્યાહન ભોજન બાદ 45થી વધુ બાળકોને ફૂડ પોઈઝનિંગની અસર
