સેંગોલ બનાવનાર વુમ્મિડી એથિરાજુનું નિધન, PM મોદીએ વ્યક્ત કર્યો શોક
NEW DELHI : ભારતની આઝાદી સમયે ઐતિહાસિક સેંગોલના નિર્માણમાં મહત્ત્વની ભૂમિકા ભજવનાર વુમ્મિડી એથિરાજુનું નિધન થયું છે. તેમના નિધન પર વડાપ્રધાન નરેન્દ્ર મોદી અને તમિલનાડુના રાજ્યપાલ રાજેન્દ્ર વિશ્વનાથ આર્લેકરે શોક વ્યક્ત કર્યો છે.
વડાપ્રધાન નરેન્દ્ર મોદીએ સોશિયલ મીડિયા પ્લેટફોર્મ ‘X’ પર પોસ્ટ કરીને વુમ્મિડી એથિરાજુના નિધન પર દુઃખ વ્યક્ત કર્યું હતું. તેમણે લખ્યું કે તિરુ વુમ્મિડી એથિરાજુના નિધનથી તેમને ખૂબ જ દુઃખ થયું છે. તમિલનાડુના પ્રતિષ્ઠિત પરિવાર સાથે સંબંધ ધરાવતા એથિરાજુને ઐતિહાસિક સેંગોલના નિર્માણમાં તેમના યોગદાન માટે હંમેશાં યાદ કરવામાં આવશે. આ સેંગોલ ભારતના પ્રથમ વડાપ્રધાન જવાહરલાલ નેહરુને અર્પણ કરવામાં આવ્યું હતું.
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
પીએમ મોદીએ વધુમાં જણાવ્યું કે વર્ષો બાદ 2023માં કેન્દ્ર સરકારને નવા સંસદ ભવનમાં સેંગોલને ગૌરવપૂર્ણ સ્થાન આપવાનો અવસર મળ્યો હતો. તે સમયે તેમને વુમ્મિડી એથિરાજુને મળવાની અને રાષ્ટ્ર તથા સંસ્કૃતિ માટે તેમના યોગદાન બદલ આભાર વ્યક્ત કરવાની તક મળી હતી.
PM મોદીએ લખ્યું કે એથિરાજુનું જીવન અને તેમની કારીગરી ભારતની સમૃદ્ધ પરંપરાઓ તથા દેશની રાષ્ટ્રીય યાત્રા વચ્ચેના મહત્ત્વપૂર્ણ સંબંધનું પ્રતીક છે. તેમણે શોકગ્રસ્ત પરિવાર અને તેમના ચાહકો પ્રત્યે સંવેદના વ્યક્ત કરી હતી.
એથિરાજુના યોગદાનને હંમેશાં ગૌરવ સાથે યાદ કરાશે
તમિલનાડુના રાજભવન તરફથી પણ શોક સંદેશ જાહેર કરવામાં આવ્યો હતો. રાજ્યપાલ રાજેન્દ્ર વિશ્વનાથ આર્લેકરે જણાવ્યું કે તિરુ વુમ્મિડી એથિરાજુનું નિધન થયું છે. તેમણે વર્ષ 1947માં માત્ર 20 વર્ષની ઉંમરે પવિત્ર સેંગોલના નિર્માણમાં ઐતિહાસિક ભૂમિકા ભજવી હતી. રાજ્યપાલે જણાવ્યું કે સેંગોલ ભારતના સભ્યતાગત વારસા, ન્યાયપૂર્ણ શાસન અને આઝાદી સમયે સત્તાના હસ્તાંતરણનું પ્રતીક છે. તેના નિર્માણમાં એથિરાજુના યોગદાનને હંમેશાં શ્રદ્ધા અને ગૌરવ સાથે યાદ કરવામાં આવશે. તેમણે એથિરાજુના જીવન અને કારીગરીને દેશના ઇતિહાસના મહત્ત્વપૂર્ણ અધ્યાયનો હિસ્સો ગણાવ્યો હતો. સાથે જ શોકગ્રસ્ત પરિવાર પ્રત્યે સંવેદના વ્યક્ત કરીને દિવંગત આત્માની શાંતિ માટે પ્રાર્થના કરી હતી.
Deeply saddened by the passing of Thiru Vummidi Ethiraj Ji. Hailing from a distinguished family based in Tamil Nadu, he will always be remembered for his efforts in crafting the historic Sengol that was presented to Former Prime Minister Nehru. Many years later, in 2023, it was our Government which had the honour of giving the Sengol a place of pride in the new Parliament building. During that time, I had the honour of meeting Thiru Vummidi Ethiraj Ji and expressing gratitude for what he has done for our nation and culture. His life and craftsmanship represent a remarkable connection between India’s glorious traditions and our national journey. My heartfelt condolences to his family and admirers. Om Shanti.
திரு உம்மிடி எத்திராஜ் அவர்களின் மறைவை அறிந்து மிகவும் வேதனையடைந்தேன். தமிழ்நாட்டை பூர்வீகமாகக் கொண்ட ஒரு பாரம்பரியமிக்க குடும்பத்திலிருந்து வந்த இவர், முன்னாள் பிரதமர் நேருவுக்கு வழங்கப்பட்ட வரலாற்றுச் சிறப்புமிக்க செங்கோலை வடிவமைத்தமைக்காக என்றும் நினைவுகூரப்படுவார். பல ஆண்டுகளுக்குப் பின்பு, 2023-ல், புதிய நாடாளுமன்றக் கட்டடத்தில் அந்த செங்கோலுக்கு உரிய கௌரவத்தை வழங்கி சிறப்பிக்கும் வாய்ப்பு எங்கள் அரசுக்கு கிடைத்தது. அப்போது திரு உம்மிடி எத்திராஜ் அவர்களை சந்தித்து, நமது நாட்டிற்கும் கலாச்சாரத்திற்கும் அவர் ஆற்றிய பங்களிப்பிற்காக நன்றி தெரிவிக்கும் பாக்கியம் எனக்குக் கிடைத்தது. அவரது வாழ்க்கையும், கலைத்திறனும், இந்தியாவின் பெருமைமிக்க வளமான பாரம்பரியத்திற்கும் நமது நாட்டின் வளர்ச்சிப் பயணத்திற்கும் இடையிலான போற்றத்தக்க தொடர்பை பிரதிபலிக்கின்றன. அவரது குடும்பத்தினருக்கும், ஆதரவாளர்களுக்கும் எனது ஆழ்ந்த இரங்கலைத் தெரிவித்துக் கொள்கிறேன். ஓம் சாந்தி.
— Narendra Modi (@narendramodi) October 21, 2026
આ પણ વાંચો:ગોળીબારના બે દિવસ બાદ કામ પર પરત ફર્યા ટાઇગર શ્રોફ! બિશ્નોઈ ગેંગનો કોઈ ખોફ નથી
માત્ર 20 વર્ષની ઉંમરે બનાવ્યું હતું ઐતિહાસિક સેંગોલ
વુમ્મિડી એથિરાજુએ વર્ષ 1947માં માત્ર 20 વર્ષની ઉંમરે પવિત્ર સેંગોલના નિર્માણમાં મહત્ત્વપૂર્ણ યોગદાન આપ્યું હતું. સેંગોલ ભારતીય સભ્યતા, ન્યાયપૂર્ણ શાસન અને દેશની આઝાદી સમયે સત્તા હસ્તાંતરણની ઐતિહાસિક પરંપરાનું પ્રતીક માનવામાં આવે છે. વર્ષ 2023માં નવા સંસદ ભવનમાં સેંગોલને વિશેષ સ્થાન આપવામાં આવ્યું હતું. આ રીતે ભારતના ઐતિહાસિક વારસા સાથે જોડાયેલા એથિરાજુનું યોગદાન ફરી એકવાર દેશભરમાં ચર્ચામાં આવ્યું હતું. તેમના નિધનથી ઐતિહાસિક કારીગરી અને રાષ્ટ્રીય વારસાના ક્ષેત્રે એક મહત્ત્વપૂર્ણ વ્યક્તિત્વ ગુમાવ્યું છે.
