Jailer 2 Box Office Collection: સુપરસ્ટાર રજનીકાંત અભિનીત મોસ્ટ અવેટેડ ફિલ્મ “જેલર 2” એ બોક્સ ઓફિસ પર ધૂમ કમાણી કરીને ઈતિહાસ રચી દીધો છે. રિલીઝના માત્ર સાત દિવસના ટૂંકા ગાળામાં જ આ ફિલ્મે ભારતીય બોક્સ ઓફિસ પર ₹300 કરોડનો આંકડો પાર કરી લીધો છે. વર્ષ 2026 માં ₹300 કરોડથી વધુ કમાણી કરનારી ટોપ-5 ફિલ્મોની યાદીમાં શાનદાર સ્થાન મેળવતાં રજનીકાંતના ચાહકોમાં ભારે ઉત્સાહનો માહોલ જોવા મળી રહ્યો છે. નેલ્સન દિલીપકુમારના નિર્દેશનમાં બનેલી આ સિક્વલે થિયેટરોમાં ગર્જના કરી છે.

વિશ્વભરમાં રૂ. 542 કરોડથી વધુનો વ્યાપાર

તાજેતરના આંકડા મુજબ, ફિલ્મે સાતમા દિવસે રાત્રે 9 વાગ્યા સુધીમાં ₹21.50 કરોડનો બિઝનેસ નોંધાવ્યો છે. સમગ્ર દેશમાં 12,470 શો અને 32.3% ની થિયેટર ઓક્યુપન્સી સાથે ફિલ્મનું ભારતમાં કુલ નેટ કલેક્શન ₹310.55 કરોડ સુધી પહોંચી ગયું છે. આ સાથે ઓવરસીઝ માર્કેટ એટલે કે વિદેશી બજારોમાં ફિલ્મે ₹204 કરોડની જંગી કમાણી કરી છે, જેના પરિણામે “જેલર 2” નો ગ્લોબલ બોક્સ ઓફિસ આંકડો ₹542.45 કરોડ પર પહોંચી ગયો છે.

2026 ની સૌથી વધુ કમાણી કરનારી ટોપ-5 ફિલ્મો

કોઈમોઈ (Koimoi) ના રિપોર્ટ અનુસાર, વર્ષ 2026 માં ₹300 કરોડના ક્લબમાં સ્થાન મેળવનારી ટોચની 5 ભારતીય ફિલ્મોની યાદી નીચે મુજબ છે:
1. ધૂરંધર: ધ રીવેન્જ: ₹1108.09 કરોડ
2. દ્રશ્યમ 3: ₹351.82 કરોડ
3. બોર્ડર 2: ₹341.70 કરોડ
4. હનુમાન અંશ: ₹324.08 કરોડ
5. જેલર 2: ₹310.55 કરોડ

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

સતત 7 દિવસની ધમાકેદાર કમાણી

“જેલર 2” એ બોક્સ ઓફિસ પર પ્રથમ દિવસે ₹59.70 કરોડની ભવ્ય ઓપનિંગ સાથે શરૂઆત કરી હતી. ત્યારબાદ બીજા દિવસે ₹37.10 કરોડ, ત્રીજા દિવસે ₹47.25 કરોડ, ચોથા દિવસે ₹55.85 કરોડ, પાંચમા દિવસે ₹42.35 કરોડ અને છઠ્ઠા દિવસે ₹46.80 કરોડનું સંગ્રહ કર્યું હતું. સન પિક્ચર્સના કલાનિધિ મારન દ્વારા નિર્મિત અને અનિરુદ્ધ રવિચંદરના દમદાર મ્યુઝિકથી સજ્જ આ મલ્ટિસ્ટારર ફિલ્મમાં રજનીકાંત ઉપરાંત વિદ્યા બાલન, મોહનલાલ, શિવ રાજકુમાર, યોગી બાબુ, વિનાયકન અને ઋતિક રોશન જેવા મહાન કલાકારો પણ મહત્વની ભૂમિકામાં છે. વર્ષ 2023 માં રિલીઝ થયેલા પ્રથમ ભાગ બાદ આ સિક્વલ દર્શકોની અપેક્ષાઓ પર ખરી ઊતરી છે.

આ પણ વાંચો: Bigg Boss 20: પિતાની બીમારીનો ઉલ્લેખ કરતાં ભાવુક થઈને રડી પડી આમ્રપાલી દુબે, કહ્યું…