SAFF મહિલા ચેમ્પિયનશિપ: ભારતીય ટીમે છઠ્ઠી વખત ટાઈટલ જીત્યું

SAFF Women’s Championship: ભારતીય મહિલા ફૂટબોલ ટીમે ભારતનું નામ વિશ્વભરમાં રોશન કર્યું છે. SAFF (સાઉથ એશિયન ફૂટબોલ ફેડરેશન) વુમેન્સ ચેમ્પિયનશિપની ફાઇનલમાં ભારતે બાંગ્લાદેશને 3-1થી હરાવીને રેકોર્ડ છઠ્ઠી વખત ખિતાબ જીત્યો છે.

ગોવાના માર્ગાઓમાં શનિવારે રમાયેલા ફાઇનલ મેચમાં ભારતીય ટીમે પ્રભુત્વ જમાવ્યું હતું. પ્યારી જાજા (42મા મિનિટ), સન્ફિદા (46મા મિનિટ) અને લિંડા કોમ (82મા મિનિટ)ના ગોલ્સની મદદથી ભારતે સરળ જીત મેળવી. બાંગ્લાદેશ તરફથી રિતુ પોર્નાએ ઇન્જ્યુરી ટાઇમમાં એક ગોલ કર્યો હતો.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

વ્યક્તિગત સન્માન

ટૂર્નામેન્ટમાં શાનદાર પ્રદર્શન કરનાર સન્ફિદાને મોસ્ટ વેલ્યુએબલ પ્લેયર (MVP)નો એવોર્ડ આપવામાં આવ્યો. જ્યારે અવેકા સિંહને ટૂર્નામેન્ટમાં સૌથી વધુ 4 ગોલ કરવા બદલ ટોપ સ્કોરરનું સન્માન મળ્યું.

ગ્રેસ ડાંગમેઇનું સન્ન્યાસ આ ખિતાબી જીત સાથે ભારતીય ટીમની અનુભવી ખેલાડી ગ્રેસ ડાંગમેઇએ આંતરરાષ્ટ્રીય ફૂટબોલમાંથી સન્ન્યાસ લેવાની જાહેરાત કરી છે. 2013માં ડેબ્યુ કરનાર ગ્રેસે ભારત માટે 93 મેચ રમીને 24 ગોલ કર્યા હતા અને 3 SAFF ખિતાબ જીત્યા હતા.

આ જીત સાથે ભારતે 2010થી 2019 સુધીના પોતાના સતત 5 ખિતાબના રેકોર્ડને વધુ મજબૂત કર્યો છે. છેલ્લા બે ખિતાબ બાંગ્લાદેશે જીત્યા હતા, જેનો બદલો આ વખતે ભારતીય ટીમે લીધો છે.

આ જીત ભારતીય મહિલા ફૂટબોલ માટે એક મોટી સિદ્ધિ સાબિત થઈ છે અને ટીમના ભવિષ્ય માટે પણ આશાનું કિરણ છે.

આ પણ વાંચો : પેપર લીકના દાવાને NTAએ ફગાવી દીધો, વિદ્યાર્થીઓની આપી ખાસ સલાહ