પંજાબી સિંગરની થઈ ધરપકડ: ચંદીગઢમાં શો પહેલા પોલીસ ગાયકને પોલીસ સ્ટેશન લઈ ગઈ

ચંદીગઢ, 9 ફેબ્રુઆરી: 2025: ચંદીગઢ પોલીસે પંજાબી ગાયકની ધરપકડ કરી છે. પંજાબી ગાયક હાર્ડી સંધુની પોલીસે અટકાયત કરી, પૂછપરછ કરી અને બાદમાં છોડી મૂકવામાં આવ્યો. શનિવારે સેક્ટર 34 એક્ઝિબિશન ગ્રાઉન્ડ ખાતે પંજાબી ગાયક હાર્ડી સંધુના શો પહેલા પરવાનગીના મુદ્દાને લઈને પોલીસે તેની અટકાયત કરી હતી. જોકે, પોલીસે પરવાનગીની ચકાસણી કર્યા પછી હાર્ડી સંધુને પોલીસ સ્ટેશનમાંથી છોડી દીધો.

પ્રખ્યાત પંજાબી ગાયક હાર્ડી સંધુને શનિવારે સાંજે સેક્ટર 34 માં એક ફેશન શોમાં તેમના ગીત પહેલા ચંદીગઢ પોલીસે અટકાયતમાં લીધા હતા. એવું કહેવામાં આવ્યું હતું કે સંધુ પરવાનગી વિના ગાવા જઈ રહ્યો છે. ફેશન શોમાં ફક્ત સંગીત વગાડવાની મંજૂરી હતી, પરંતુ સંધુએ ગાવાનું શરૂ કર્યું, જેના કારણે તેને કસ્ટડીમાં લેવામાં આવ્યો.

એસએચઓએ જણાવ્યું હતું કે ગાવાની પરવાનગી પણ સંગીત હેઠળ આવે છે, જેની ચકાસણી કરવામાં આવી છે. જોકે, ફેશન શોના આયોજકોએ જણાવ્યું કે તેમણે પરવાનગી લીધી છે ત્યારે પરિસ્થિતિ બદલાઈ ગઈ. તેણે તેના દસ્તાવેજો પણ બતાવ્યા. આ પછી, હાર્ડી સંધુને મુક્ત કરવામાં આવ્યો, પરંતુ આ ઘટનાએ તેને ખૂબ જ પરેશાન કરી દીધો. તેમણે આ મામલો ઉચ્ચ અધિકારીઓ સમક્ષ પણ ઉઠાવ્યો છે.

આ પણ વાંચો,,,સામંથા સાથે ડિવોર્સ પર નાગા ચૈતન્યએ પહેલી વાર આપ્યું રિએક્શન