રાજકારણમાં વિચાર્યુ હતું તેવી મજા નથી, સફર મુશ્કેલ લાગે છે, જાણો કંગના રણૌતે કેમ આવું કહ્યું?

- અભિનયથી રાજકારણમાં આવ્યા પછી કંગનાને આ સફર થોડી મુશ્કેલ લાગે છે. તેણે પોતે સ્વીકાર્યું છે કે તે હજુ સુધી રાજકારણમાં સંપૂર્ણપણે આરામદાયક બની નથી
HD ન્યુઝ ડેસ્કઃ અભિનેત્રીમાંથી સાંસદ બનેલી કંગના રનૌત Kangana Ranaut હાલમાં રાજકારણમાં ખૂબ જ સક્રિય છે. તેણે હિમાચલ પ્રદેશના મંડીથી લોકસભા 2024 ની ચૂંટણી જીતી હતી અને તેના વિસ્તારમાં વિકાસ કાર્યો પર કામ કરવાનું શરૂ કર્યું છે. જોકે અભિનયથી રાજકારણમાં આવ્યા પછી કંગનાને આ સફર થોડી મુશ્કેલ લાગે છે. તેણે પોતે સ્વીકાર્યું છે કે તે હજુ સુધી રાજકારણમાં સંપૂર્ણપણે આરામદાયક બની નથી અને તેને આ કામમાં એટલો આનંદ નથી આવી રહ્યો જેટલો તેણે વિચાર્યું હતું.
કંગનાએ રાજકારણમાં જોડાવાનો પોતાનો અનુભવ શેર કર્યો
કંગના રનૌતે યુટ્યુબ પોડકાસ્ટ ‘આત્મન ઈન રવિ’ (એઆઈઆર) માં વાતચીત દરમિયાન આ વાત કહી હતી. તેણે જણાવ્યું કે ઓફર મળ્યા બાદ તેણે ભાજપમાં જોડાવાનો નિર્ણય લીધો હતો. રાજકારણ વિશેનો પોતાનો અનુભવ શેર કરતા કંગનાએ કહ્યું કે હું તેને સમજવાનો પ્રયાસ કરી રહી છું. અત્યાર સુધી હું એમ કહી શકતી નથી કે મને તેનો આનંદ આવી રહ્યો છે. આ એક અલગ પ્રકારનું કામ છે, એક પ્રકારની સમાજ સેવા છે. મેં ક્યારેય વિચાર્યું ન હતું કે હું લોકોની સેવા કરીશ.
કંગનાએ આગળ કહ્યું કે મેં ચોક્કસપણે મહિલાઓના અધિકારો માટે લડાઈ લડી છે, પરંતુ તે એક અલગ બાબત છે. અહીં લોકો તૂટેલા ગટર અને રસ્તાઓની ફરિયાદો લઈને આવે છે. મને લાગે છે કે હું સાંસદ છું અને આ લોકો પંચાયત સ્તરની સમસ્યાઓ લાવી રહ્યા છે. જ્યારે હું તેમને કહું છું કે આ રાજ્ય સરકારનો મામલો છે, ત્યારે લોકો કહે છે કે તમારી પાસે પૈસા છે, તમે તમારા પોતાના પૈસાથી કરાવી દો.
વડા પ્રધાન બનવા અંગે કંગનાનો જવાબ
જ્યારે તેમને પૂછવામાં આવ્યું કે શું તેઓ ક્યારેય વડા પ્રધાન બનવા માંગે છે, ત્યારે તેમણે જવાબ આપ્યો કે તેમને નથી લાગતું કે તેઓ તે માટે સક્ષમ છે. તેમણે કહ્યું કે મેં અત્યાર સુધી ખૂબ જ સ્વાર્થી જીવન જીવ્યું છે, સમાજ સેવા ક્યારેય મારું ક્ષેત્ર રહ્યું નથી.
કંગનાએ મંડીથી લોકસભા ચૂંટણી જીતી હતી
2024ની લોકસભા ચૂંટણીમાં કંગનાએ મંડી બેઠક પરથી કોંગ્રેસના ઉમેદવાર વિક્રમાદિત્ય સિંહને 74,755 મતોના માર્જિનથી હરાવ્યા હતા. જીતના એક દિવસ પછી જ ચંદીગઢ એરપોર્ટ પર CISF અધિકારી દ્વારા થપ્પડ મારવાની ઘટના પણ સમાચારમાં હતી.
આ પણ વાંચોઃ નીના ગુપ્તાએ જણાવી અધુરા પ્રેમની કહાણી, કોઈએ મને પાગલ જેવો પ્રેમ ન કર્યો!












