અમેરિકામાં મોટી દુર્ઘટના: રનવે પર બે પ્લેન અથડાયા, ભીષણ આગ લાગતા અફરાતફરી મચી
વોશિંગટન, 12 ઓગસ્ટ 2025: અમેરિકામાં બે વિમાનો અથડાયા છે, જેના કારણે ભીષણ આગ લાગી છે. આ અકસ્માત અમેરિકાના મોન્ટાનાના કેલિસ્પેલ સિટી એરપોર્ટ પર થયો હતો. કહેવામાં આવી રહ્યું છે કે એરપોર્ટ પર ઉતરાણ કરી રહેલું એક નાનું વિમાન ત્યાં પાર્ક કરેલા વિમાન સાથે અથડાયું હતું. આ ટક્કર પછી, ભીષણ આગ ફાટી નીકળી હતી, જેના કારણે એરપોર્ટ પર અફરાતફરી મચી ગઈ હતી. જોકે, કોઈને ગંભીર ઈજા થઈ નથી.
લેન્ડિંગ દરમિયાન બીજા વિમાન સાથે અથડાયું
એક નાનું સિંગલ-એન્જિન વિમાન (સોકાટા ટીબીએમ 700 ટર્બોપ્રોપ) ચાર લોકો સાથે બપોરે 2 વાગ્યે કાલિસ્પેલ સિટી એરપોર્ટ પર ઉતરાણ કરવાનો પ્રયાસ કરી રહ્યું હતું. લેન્ડિંગ દરમિયાન, આ વિમાન એરપોર્ટ પર પાર્ક કરેલા બીજા વિમાન સાથે અથડાયું. ટક્કર બાદ ભીષણ આગ ફાટી નીકળી હતી.
🚨🇺🇸 BREAKING: MID-AIR DISASTER ON THE GROUND IN MONTANA
2 planes collided at Kalispell Airport, erupting into a massive fireball.
Details on casualties are still unknown, but rescue crews are flooding the scene in a major emergency response.
Source: @nicksortor pic.twitter.com/wf7CH0gslR
— Mario Nawfal (@MarioNawfal) August 11, 2025
પ્રત્યક્ષદર્શીઓએ શું કહ્યું?
પ્રત્યક્ષદર્શીઓએ જણાવ્યું કે એક વિમાન આવ્યું, રનવેના છેડે ક્રેશ થયું અને બીજા વિમાન સાથે અથડાયું. જે વિમાન ઉતરાણ કરવાનો પ્રયાસ કરી રહ્યું હતું તેમાં આગ લાગી, પરંતુ પાઇલટ અને ત્રણ મુસાફરો જાતે જ બહાર નીકળવામાં સફળ રહ્યા. બે મુસાફરોને નાની ઇજાઓ થઈ અને તેમને એરપોર્ટ પર સારવાર આપવામાં આવી. અન્ય એક પ્રત્યક્ષદર્શીએ જણાવ્યું કે તેણે ક્રેશનો અવાજ સાંભળ્યો અને જોયો. આ વિસ્તારમાં કાળા ધુમાડાના વાદળ છવાયેલા હતા.
ઉત્તરી એરિઝોનામાં વિમાન દુર્ઘટના
તે જ સમયે, અહીં ઉલ્લેખનિય છે કે, ગયા અઠવાડિયે જ યુએસમાં બીજી વિમાન દુર્ઘટના બની હતી. ઉત્તરી એરિઝોનામાં એક તબીબી પરિવહન વિમાન ક્રેશ થયું. અકસ્માત પછી, વિમાનમાં આગ લાગી, જેમાં ચાર લોકોના મૃત્યુ થયા હતા. ન્યૂ મેક્સિકોના અલ્બુકર્ક સ્થિત CSI એવિએશન કંપનીનું આ વિમાન ફ્લેગસ્ટાફથી લગભગ 200 માઇલ (321 કિલોમીટર) ઉત્તરપૂર્વમાં ચિનલે એરપોર્ટ નજીક ક્રેશ થયું. વિમાનમાં સવાર લોકો તબીબી કર્મચારીઓ હતા, જેઓ એક દર્દીને લેવા માટે હોસ્પિટલ જઈ રહ્યા હતા.
આ પણ વાંચો: ટેક્સ્ટાઇલ ક્ષેત્રના મધ્યમ ઉદ્યોગમાં ટેરિફને કારણે આવી શકે છે મંદી, ચાર લાખ લોકોની છટણીનું સંકટ
