3075 રૂપિયાવાળા FASTag એન્યુઅલ પાસથી કેવી રીતે અલગ છે 1500 રૂપિયાવાળો Toll Pass
Toll Pass Rules: સરકાર 1 નવેમ્બરથી એક નવો વાર્ષિક ટોલ પાસ (Annual Toll Pass) લઈને આવી રહી છે. આ પાસ ખૂબ જ ઓછી કિંમતે ઉપલબ્ધ થશે અને તે ખાસ કરીને બિન-વ્યાપારી વાહન માલિકો (Non-commercial vehicle owners) માટે છે. આ પાસ મેળવવા માટે કેટલીક શરતો પણ નક્કી કરવામાં આવી છે. ઉદાહરણ તરીકે, 1500 રૂપિયાવાળો આ નવો ટોલ પાસ ફક્ત તે જ વાહન માલિકોને મળશે જેઓ નેશનલ હાઈવે ટોલ પ્લાઝાથી 20 કિલોમીટરની ત્રિજ્યા (Range) માં રહે છે.
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
1500 અને 3000 રૂપિયાના પાસની વિગતો
1500 રૂપિયાનો આ પાસ એક વર્ષ માટે માન્ય રહેશે. ધ્યાનમાં રાખો કે નગરપાલિકા કે શહેરની સરહદથી બહાર આવતા ટોલ પ્લાઝા માટે આ પાસની કિંમત 1500 રૂપિયા છે, જ્યારે નગરપાલિકા કે સ્થાનિક શહેરની હદમાં આવતા ટોલ પ્લાઝા માટે આ પાસની કિંમત 3000 રૂપિયા રહેશે.
આ પણ વાંચોઃ શિયાળાના સ્વેટર કે સાડીઓમાં પડી જાય છે નાના કાણાં? જાણો બચાવવાના 6 ઉપાય
આ પાસ 3075 રૂપિયાના સ્ટાન્ડર્ડ FASTag વાર્ષિક પાસ કરતા અલગ છે. FASTag વાર્ષિક પાસ તમામ ખાનગી વાહન માલિકો માટે છે અને તેનો ફાયદો 200 ક્રોસિંગ સુધી મળે છે. તે હાઈવે પર લાંબી મુસાફરી કરવામાં મદદ કરે છે અને તેમાં અંતર કે સીમાની કોઈ શરત હોતી નથી. એટલે કે, જો તમે કોઈ ચોક્કસ ટોલ પ્લાઝાની 20 કિલોમીટરની મર્યાદામાં આવતા હોવ કે ન આવતા હોવ, તો પણ તમે આ પાસ ખરીદી શકો છો.
ક્યાં કામ નહીં કરે આ નવો પાસ?
નવો પાસ 1 નવેમ્બર 2026થી ઉપલબ્ધ થશે અને સરકાર દર વર્ષે એપ્રિલમાં તેની કિંમતોમાં ફેરફાર કરી શકે છે.
-
આ પાસ એવા નેશનલ હાઈવે કે એક્સપ્રેસવે પર કામ નહીં કરે જે ક્લોઝ્ડ યુઝર ફી કલેક્શન સિસ્ટમ (Closed User Fee Collection System) હેઠળ કામ કરે છે.
-
જે જગ્યાઓ પર સર્વિસ રોડ કે અન્ય વૈકલ્પિક રસ્તાઓ ઉપલબ્ધ છે જેનાથી ટોલ બચાવી શકાય, ત્યાંના ટોલ પ્લાઝા પર પણ આ પાસ નહીં મળે. જો તમારા ઘરની નજીક હાલના ટોલ સિવાય કોઈ બીજો રસ્તો હોય જેના પર ટોલ ન લાગતો હોય, તો તમને આ લોકલ ટોલ પાસ નહીં મળે.
