Karisma Kapoor એ Ex પતિ સંજય કપૂરના જન્મદિવસ પર શેર કરી પોસ્ટ, જાણો પ્રિયાએ શું કર્યું?
- સંજય કપૂરના જન્મદિવસ પર કરિશ્મા કપૂર અને તેના બાળકો સમાયરા અને કિયાન કપૂરે સંજયને ભાવનાત્મક શ્રદ્ધાંજલિ આપી છે, જેની એક ઝલક તેણે ઇન્સ્ટાગ્રામ પર શેર કરી છે
HD ન્યુઝ ડેસ્કઃ સ્વર્ગસ્થ ઉદ્યોગપતિ સંજય કપૂરના અવસાન બાદ તેમના પરિવારમાં મિલકતનો વિવાદ વધ્યો છે. સંજયની ભૂતપૂર્વ પત્ની અને અભિનેત્રી કરિશ્મા કપૂરના બાળકોએ પણ વસિયતનામામાં પોતાનો હક દાવો કર્યો છે. દરમિયાન ગઈકાલે (15 ઓક્ટોબર) સંજય કપૂરના જન્મદિવસ પર કરિશ્મા કપૂર અને તેના બાળકો સમાયરા અને કિયાન કપૂરે સંજયને ભાવનાત્મક શ્રદ્ધાંજલિ આપી છે, જેની એક ઝલક તેણે ઇન્સ્ટાગ્રામ પર શેર કરી છે.
બાળકોએ કેક કાપીને યાદ કર્યા
કરિશ્માએ તેની ઈન્સ્ટાગ્રામ સ્ટોરી પર કેકનો ફોટો શેર કર્યો, જેમાં લખ્યું હતું હેપ્પી બર્થડે પપ્પા. તેણે પોસ્ટ સાથે સફેદ હાર્ટનું ઇમોજી પણ મૂક્યું છે. આ તસવીર તેના બાળકો દ્વારા તેમના સ્વર્ગસ્થ પિતાને યાદ કરવા તરફ ઈશારો કરે છે.
કરિશ્માની બહેન અને અભિનેત્રી કરીના કપૂર ખાને પણ તેની ઈન્સ્ટાગ્રામ સ્ટોરી પર આ પોસ્ટ રી-પોસ્ટ કરી છે. તેણે લખ્યું છે કે મારા સામુ અને કિયુના પિતા હંમેશા તમને સુરક્ષિત રાખશે.
View this post on Instagram
સંજયની પત્ની પ્રિયા સચદેવે શ્રદ્ધાંજલિ આપી
કરિશ્માથી છૂટાછેડા પછી સંજય સાથે લગ્ન કરનારી તેની પત્ની પ્રિયા સચદેવે પણ પોતાના સોશિયલ મીડિયા એકાઉન્ટ પર એક ભાવનાત્મક પોસ્ટ શેર કરી છે. તેણે સંજય સાથે પોતાનો અને બાળકોનો એક જૂનો વીડિયો પણ શેર કર્યો, જેમાં ભગવદ ગીતાનું એક અવતરણ પણ ઉમેર્યું છે.
પોતાની પોસ્ટમાં તેમણે લખ્યું છે કે કેટલાક આત્માઓ જતા નથી, તેઓ ફક્ત ફેલાય છે… તમે દરેક જગ્યાએ છો, છતાં અહીં જ પાસે છો. જન્મદિવસની શુભેચ્છાઓ.
આ પણ વાંચોઃ દિવાળીની પાર્ટીમાં નોરા ફતેહીના બોલ્ડ લુકે લોકોનું ધ્યાન ખેંચ્યું, ઋત્વિક GF સાથે, જુઓ સેલિબ્રિટીઝના Photos
