યુદ્ધમાં ઇઝરાયેલના હુમલાનો ભોગ બનેલા ઇરાનના ખામેનીના સલાહકાર  5 દિવસ પછી જીવતા નીકળ્યા

• શામખાની ઇરાનમાં સર્વોચ્ચ નેતા ખામેનીના જમણા હાથ ગણાય છે, જીવિત હોવાનું નિવેદન પોતે જ આપ્યું

એચડીન્યૂઝ ડેસ્ક, 20 જુન 2025: Iran Israel war, 5 દિવસ પહેલા ઈરાનના સુપ્રીમ લીડર અલી ખામેનીના નજીકના સાથી શામખાનીની હત્યાના સમાચાર આવ્યા હતા. ઇઝરાયલે શામખાનીની હત્યાનો દાવો કર્યો હતો. ઈરાને પણ તેનો ઇનકાર કર્યો ન હતો. હવે, 5 દિવસ પછી, શામખાનીએ પોતે એક નિવેદન બહાર પાડ્યું છે, જેમાં તેમણે કહ્યું છે કે તેઓ જીવિત છે. આ ઘટનાના પગલે યુદ્ધની સ્થિતિમાં ભારી તર્ક વિતર્ક ઉભા થયા છે.

મોસાદના હુમલામાં ઘાયલ થયા

ઇઝરાયલના રાજ્ય મીડિયા ફાર્સ ન્યૂઝે શમખાનીનું સંપૂર્ણ નિવેદન પ્રકાશિત કર્યું છે. તેમાં કહેવામાં આવ્યું છે કે શમખાની હજુ પણ જીવિત છે. તેઓ 5 દિવસ પહેલા થયેલા હુમલામાં ઘાયલ થયા હતા. આ હુમલો મોસાદ દ્વારા કરવામાં આવ્યો હતો. શમખાનીને ઈરાનના સર્વોચ્ચ નેતા ખામેનીના જમણા હાથ માનવામાં આવે છે.

શામખાની પરમાણુ પ્રોજેક્ટના પ્રભારી

જોકે શમખાનીનું પદ ઈરાનના સર્વોચ્ચ નેતા ખામેનીના સલાહકારનું છે, પરંતુ તેમને ખામેનીના સૌથી નજીકના મિત્ર પણ માનવામાં આવે છે. શામખાની પરમાણુ પ્રોજેક્ટના પ્રભારી છે. આવી સ્થિતિમાં, તેમના મૃત્યુના સમાચાર જે રીતે આવ્યા તેનાથી ઈરાન ચોંકી ગયું હતું. અગાઉ તેઓ   ઈરાનની સુપ્રીમ નેશનલ સિક્યુરિટી કાઉન્સિલના ભૂતપૂર્વ સચિવ રહી ચૂક્યા છે.

રાષ્ટ્રપ્રમુખ અને સર્વોચ્ચ નેતા વચ્ચે સંકલનનું કામ

શમખાનીનું મુખ્ય કામ રાષ્ટ્રપ્રમુખ અને સર્વોચ્ચ નેતા વચ્ચે સંકલન કરવાનું પણ છે. હવે જે રીતે શમખાનીના જીવિત હોવાના સમાચાર પ્રકાશમાં આવ્યા છે. આ નિવેદન બાદ ઇઝરાયલની ચિંતા વધારી શકે છે.

ઈરાન હવે આક્રમક બનશે

ઈરાન હવે આક્રમક રીતે પોતાના પરમાણુ કાર્યક્રમનો વિસ્તાર કરી શકે છે. અમેરિકાના મતે, ઈરાન પરમાણુ શસ્ત્રો બનાવવાની ખૂબ નજીક છે. તેને ફક્ત ખામેનીની પરવાનગીની જરૂર છે.

ઈરાની ડોકટરો દ્વારા ગુપ્ત સ્થળોએ સારવાર

ઈરાની મીડિયા અનુસાર, શામખાની ગંભીર રીતે ઘાયલ છે અને ઈરાની ડોકટરો દ્વારા તેમની સારવાર કરવામાં આવી રહી છે. ખામેનીની ગુપ્ત સ્થળોએ સારવાર કરવામાં આવી રહી છે.

9 પરમાણુ વૈજ્ઞાનિકોની ઇઝરાયેલે હત્યા કરી છે

ઈઝરાયલે અત્યાર સુધીમાં 9 પરમાણુ વૈજ્ઞાનિકો અને ઈરાનના લગભગ 10 લશ્કરી કમાન્ડરોની હત્યા કરી છે. ઈઝરાયલ ઈરાનના તે લોકો પર નજર રાખી રહ્યું છે જે પરમાણુ કાર્યક્રમમાં સામેલ છે.  ઈરાનમાં આવા લોકોની સંખ્યા લગભગ 3 ડઝન છે. આમાં સુપ્રીમ લીડર અલી ખામેની અને ઈરાનના રાષ્ટ્રપતિનો સમાવેશ થાય છે.

આ પણ વાંચો: દુબઇની આર્થિક સહાયથી કંગાળ પાકિસ્તાન અર્થતંત્ર કેટલા વર્ષ સુધી સુધારશે?

આ પણ વાંચો: સાતમી વખત અટક્યું શુભાંશુ શુક્લાનું અવકાશી મિશન: હવે ક્યારે લોન્ચ થશે?