ઈરાનનો મોટો નિર્ણય: સ્ટ્રેટ ઓફ હોર્મુઝમાંથી માત્ર જરૂરી સામાનના જહાજોને જ મળશે એન્ટ્રી
Iran Opens Strait of Hormuz for Essential Goods: પશ્ચિમ એશિયામાં ચાલી રહેલા ભીષણ યુદ્ધ વચ્ચે ઈરાન તરફથી એક મહત્વના સમાચાર સામે આવ્યા છે. ઈરાને વ્યૂહાત્મક રીતે અત્યંત મહત્વના ગણાતા ‘સ્ટ્રેટ ઓફ હોર્મુઝ’ (Strait of Hormuz) માંથી પસાર થતા જહાજો માટેના નિયમોમાં થોડી છૂટછાટ આપી છે. જોકે, આ છૂટછાટ પાછળ એક મોટો ‘ટ્વિસ્ટ’ છે.
શું છે નવી શરતો?
ઈરાન સરકારના જણાવ્યા અનુસાર, આ રાહત માત્ર એવા જ જહાજોને મળશે જે જરૂરી સામાન લઈને સીધા ઈરાનના બંદરો તરફ જઈ રહ્યા હોય. કોઈપણ જહાજે આ રસ્તેથી પસાર થતા પહેલા ઈરાની સત્તાવાળાઓનો સંપર્ક કરી મંજૂરી મેળવવી પડશે અને નિર્ધારિત નિયમોનું પાલન કરવું પડશે. વગર પરવાનગીએ કોઈપણ જહાજને પ્રવેશ મળશે નહીં.
શા માટે આ રસ્તો દુનિયા માટે છે ‘લાઈફલાઈન’?
સ્ટ્રેટ ઓફ હોર્મુઝ એ સમુદ્રનો એક સાંકડો માર્ગ છે, જે વિશ્વની અર્થવ્યવસ્થા માટે કોઈ શહેરની મુખ્ય ગલી સમાન છે.
દુનિયાનો 20% તેલ પુરવઠો (દર 5 માંથી 1 જહાજ) અહીંથી પસાર થાય છે. દરરોજ અંદાજે 2 કરોડ બેરલ તેલ આ માર્ગે એશિયા અને યુરોપ સુધી પહોંચે છે.
યુદ્ધ અને રસ્તો બંધ થવાનું કારણ
28 ફેબ્રુઆરી, 2026 ના રોજe અમેરિકા અને ઈઝરાયલે ઈરાન પર “ઓપરેશન એપિક ફ્યુરી” અંતર્ગત ભીષણ હવાઈ હુમલા કર્યા હતા. જેમાં ઈરાનના પરમાણુ મથકો અને હથિયારોના ઠેકાણાઓ નષ્ટ કરવામાં આવ્યા હતા. આ હુમલામાં સર્વોચ્ચ નેતા આયાતુલ્લા ખમેનેઈ સહિત અનેક ઉચ્ચ અધિકારીઓના મોતના અહેવાલ હતા.
જવાબમાં ઈરાને ઈઝરાયલ અને ખાડી દેશોમાં આવેલા અમેરિકી મથકો પર મિસાઈલ હુમલા કર્યા અને સૌથી મોટું પગલું ભરતા ‘હોર્મુઝનો દરવાજો’ બંધ કરી દીધો. આના કારણે સમુદ્રી ટ્રાફિકમાં 95% નો ઘટાડો નોંધાયો હતો, જેનાથી વિશ્વભરમાં તેલના ભાવ આસમાને પહોંચ્યા હતા.
હાલની સ્થિતિ: ભારત સહિત મિત્ર દેશોને રાહત
માર્ચના અંતમાં ઈરાને વલણ નરમ પાડતા જણાવ્યું છે કે જે દેશો તેના દુશ્મન નથી, તેમને રાહત આપવામાં આવશે. ભારત, ચીન, રશિયા અને મલેશિયા જેવા દેશોના જહાજોને મંજૂરી મળી છે. ભારતના LPG ટેન્કરો આ રસ્તેથી નીકળવાનું શરૂ થયું છે, પરંતુ તેના માટે ઈરાનની ફી અને નિયમોનું ચુસ્ત પાલન કરવું અનિવાર્ય છે.
આ પણ વાંચોઃ આરોગ્ય મંત્રીના સૂચનનો અમલ, સુરતમાં ધડાધડ પોસ્ટરો લાગ્યા
આ પણ વાંચોઃ ભારતીય મૂળની રિની સંપત કોણ છે, બની શકે છે વોશિંગ્ટનની મેયર
અમારી WhatsApp ચેનલમાં જોડાવા આ લિંક પર ક્લીક કરો
