ન્યૂઝીલેન્ડમાં ભારતની જીતની હેટ્રિક, ફરી રચ્યો ઐતિહાસિક રેકોર્ડ
India vs New Zealand: ન્યૂઝીલેન્ડની ધરતી પર ભારતીય ક્રિકેટ ટીમનો દબદબો યથાવત્ રહ્યો છે. પાંચમી અને છેલ્લી T20I મેચમાં ભલે ન્યૂઝીલેન્ડે ભારતને 7 વિકેટે હરાવ્યું હોય, પરંતુ સિરીઝની ટ્રોફી ભારતીય ટીમે પોતાના નામે કરી છે. ભારતે પાંચ મેચની સિરીઝ 3-2થી જીતીને ઇતિહાસ રચ્યો છે. India vs New Zealand
આ જીત સાથે ભારતે ન્યૂઝીલેન્ડમાં સતત ત્રીજી વખત દ્વિપક્ષીય T20 ઇન્ટરનેશનલ સિરીઝ પોતાના નામે કરી છે. પુરુષ ક્રિકેટમાં આ પહેલાં દક્ષિણ આફ્રિકા અને ઇંગ્લેન્ડની ટીમ ન્યૂઝીલેન્ડમાં સતત ત્રણ T20I સિરીઝ જીતવાનો કારનામો કરી ચૂકી છે. હવે ભારતીય ટીમે પણ આ ખાસ ક્લબમાં સ્થાન મેળવી લીધું છે.
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
1 નવેમ્બરે રમાયેલી પાંચમી T20I મેચમાં હાર છતાં ભારતે પાંચ મેચની સિરીઝ 3-2થી જીતી લીધી હતી. આ પહેલાં ભારતીય ટીમે વર્ષ 2020માં ન્યૂઝીલેન્ડને તેની જ ધરતી પર 5-0થી હરાવ્યું હતું. ત્યારબાદ 2022માં પણ ભારતે 1-0થી સિરીઝ જીતી હતી. હવે 2026માં 3-2થી જીત મેળવીને ટીમ ઈન્ડિયાએ સતત ત્રીજી સિરીઝ જીતવાની હેટ્રિક પૂરી કરી છે.
ભારતે ન્યૂઝીલેન્ડને આપ્યો 192 રનનો લક્ષ્યાંક
હેમિલ્ટનમાં રમાયેલી સિરીઝની છેલ્લી મેચમાં ન્યૂઝીલેન્ડના કેપ્ટન મિચેલ સેન્ટનરે ટોસ જીતીને પહેલાં બોલિંગ કરવાનો નિર્ણય લીધો હતો. ભારતીય ટીમની શરૂઆત સારી રહી નહોતી, પરંતુ ઈશાન કિશન અને કેપ્ટન શ્રેયસ અય્યરે આક્રમક બેટિંગ કરીને ઇનિંગ્સને સંભાળી હતી. ઈશાન કિશને માત્ર 32 બોલમાં 61 રન ફટકાર્યા હતા, જ્યારે શ્રેયસ અય્યરે માત્ર 23 બોલમાં 50 રનની તોફાની ઇનિંગ્સ રમી હતી. બંને બેટ્સમેનોના પ્રયાસ છતાં ભારતીય ટીમ મોટો સ્કોર ઊભો કરી શકી નહોતી. ન્યૂઝીલેન્ડના ઝડપી બોલર એડમ મિલ્નેએ શાનદાર બોલિંગ કરતાં ચાર વિકેટ ઝડપી હતી. તેણે 19 રન આપીને ચાર ભારતીય બેટ્સમેનોને પેવેલિયન ભેગા કર્યા હતા. કીવી બોલરોની વાપસીના કારણે ભારતે નિર્ધારિત 20 ઓવરમાં 8 વિકેટ ગુમાવીને 191 રન બનાવ્યા હતા.
𝙒.𝙄.𝙉.𝙉.𝙀.𝙍.𝙎 🏆
#TeamIndia celebrate with the trophy after a T20I series victory to remember 🥳
#NZvIND https://t.co/Xvzm8xYJhQ
— BCCI (@BCCI) November 1, 2026
ટિમ સીફર્ટે ન્યૂઝીલેન્ડને અપાવી શાનદાર શરૂઆત
192 રનના લક્ષ્યાંકનો પીછો કરવા ઉતરેલી ન્યૂઝીલેન્ડની ટીમને ટિમ સીફર્ટે શાનદાર શરૂઆત અપાવી હતી. ખરાબ ફોર્મ સામે ઝઝૂમી રહેલા સીફર્ટે આ મેચમાં જોરદાર વાપસી કરી હતી અને ભારતીય બોલરો સામે આક્રમક બેટિંગ કરી હતી. તેણે 50 બોલમાં 93 રનની શાનદાર ઇનિંગ્સ રમી હતી. જોકે, તે પોતાની સદીથી માત્ર 7 રન દૂર રહી ગયો હતો.
That winning feeling 🏆
#TeamIndia Captain Shreyas Iyer @ShreyasIyer15 receives the #NZvIND T20I Series winner’s trophy from the High Commissioner of India to New Zealand, Her Excellency Ms Maunpuii Saiawi @MuanpuiiSaiawi 🙌
@IndiainNZ https://t.co/2mBXgXXnI9
— BCCI (@BCCI) November 1, 2026
આ પણ વાંચો:ધનતેરસ અને શુક્ર પ્રદોષનો દુર્લભ સંયોગ, ભોલેનાથને આ રીતે કરો પ્રસન્ન
ગ્લેન ફિલિપ્સે બેટથી બતાવ્યો દમ
બીજી તરફ, ગ્લેન ફિલિપ્સે પણ પોતાની શાનદાર ફોર્મ જાળવી રાખી હતી. તેણે 38 બોલમાં અણનમ 65 રન બનાવીને ન્યૂઝીલેન્ડની જીત નિશ્ચિત કરી હતી. આ દરમિયાન ફિલિપ્સે સિરીઝમાં ચોથી વખત 50થી વધુ રન બનાવવાનો રેકોર્ડ પણ નોંધાવ્યો હતો, જેમાં એક સદીનો પણ સમાવેશ થાય છે. ન્યૂઝીલેન્ડે માત્ર 18 ઓવરમાં 3 વિકેટ ગુમાવીને લક્ષ્યાંક હાંસલ કરી લીધો હતો અને છેલ્લી મેચ 7 વિકેટે જીતી હતી. જોકે, આ હારની ભારતીય ટીમની સિરીઝ જીત પર કોઈ અસર થઈ નહોતી. ભારતે 3-2થી સિરીઝ જીતીને ન્યૂઝીલેન્ડની ધરતી પર T20I ક્રિકેટમાં પોતાનો દબદબો ફરી એકવાર સાબિત કર્યો છે.
