ટોપ ન્યૂઝટ્રેન્ડિંગવર્લ્ડ

ઇમરાન ખાનની બહેન તેમને મળી, જાહેર કરી જેલની પરિસ્થિતિ

પાકિસ્તાનમાં વર્ષોથી ચાલી રહેલી ચર્ચા અને અટકળો પછી પાકિસ્તાન તહરીક-એ-ઇન્સાફ (PTI) ના સ્થાપક અને ભૂતપૂર્વ વડા પ્રધાન ઇમરાન ખાનની બહેન ડૉ. ઉઝમા ખાન આખરે તેમને મળી. આ મુલાકાત રાવલપિંડીની અદિયાલા જેલમાં થઈ હતી જ્યાં ઓગસ્ટ 2023 થી ઇમરાન ખાન અનેક આરોપોમાં કેદ છે.

છેલ્લા એક મહિનાથી પરિવારના કોઈ સભ્યને ઇમરાન ખાનને મળવાની મંજૂરી આપવામાં આવી ન હતી જેના કારણે સોશિયલ મીડિયા પર તેમના સ્વાસ્થ્ય અને સુખાકારી અંગે અટકળો ચાલી રહી હતી. ઘણા લોકોએ તો પ્રશ્ન પણ ઉઠાવ્યો હતો કે શું તેઓ જીવિત છે. મંગળવારે ઇમરાન ખાનના સમર્થકોએ પાકિસ્તાનના રસ્તાઓ પર હોબાળો મચાવ્યો. આ પછી ભૂતપૂર્વ વડા પ્રધાનની એક બહેનને આખરે તેમને મળવાની મંજૂરી આપવામાં આવી.

મુલાકાત બાદ ડૉ. ઉઝમા ખાને મીડિયાને જણાવ્યું કે ઇમરાન ખાન સ્વસ્થ છે. તેમને એકાંત કેદમાં રાખવામાં આવ્યા હતા અને માનસિક ત્રાસ આપવામાં આવી રહ્યો હતો. ઇમરાન ખાન ગુસ્સે ભરાયા છે અને તેમણે કહ્યું છે કે જે કંઈ થઈ રહ્યું છે તેના માટે આસીમ મુનીર જવાબદાર છે.

જેલની બહાર કડક સુરક્ષા વ્યવસ્થા

આ મુલાકાત દરમિયાન પાકિસ્તાન પંજાબ સરકારે રાવલપિંડી અને ઇસ્લામાબાદમાં કડક સુરક્ષા વ્યવસ્થા કરી હતી. જેલની બહાર આઠ પોલીસ સ્ટેશન વિસ્તારના સ્ટેશન હાઉસ ઓફિસરો અને વરિષ્ઠ અધિકારીઓ તૈનાત હતા. રાવલપિંડીની આખી પોલીસ ફોર્સ અદિયાલા રોડ પર તૈનાત કરવામાં આવી હતી. અધિકારીઓએ જણાવ્યું હતું કે આઠ કિલોમીટરનો વિસ્તાર સંપૂર્ણપણે સીલ કરવામાં આવ્યો હતો શાળાઓ અને કોલેજો બંધ કરવામાં આવી હતી અને રહેવાસીઓને ફક્ત ઓળખપત્ર બતાવીને જ વિસ્તારમાં પ્રવેશવાની મંજૂરી આપવામાં આવી હતી.

Back to top button