ફિલ્મ ‘રામાયણ’ અને રણબીર કપૂર પર મુકેશ ખન્નાના ફરી આકરા પ્રહાર: વાર્તા સાથે છેડછાડનો આક્ષેપ

Mukesh Khanna Slams ‘Ramayana’ Makers: અભિનેતા મુકેશ ખન્ના વિવિધ સામાજિક અને સાંસ્કૃતિક મુદ્દાઓ પર પોતાનો સ્પષ્ટ મત રાખવા માટે જાણીતા છે અને હાલમાં તેઓ ફિલ્મ ‘રામાયણ’ અંગેની પોતાની તીખી ટિપ્પણીઓને કારણે ફરી એકવાર ચર્ચામાં આવ્યા છે. અગાઉ 5 નવેમ્બર, 2026 ના રોજ રિલીઝ થયેલી આ ફિલ્મ પર પ્રતિક્રિયા આપતા તેમણે ભગવાન રામના પાત્રમાં રણબીર કપૂરના અભિનય અને ચિત્રણને નબળું ગણાવીને ટીકા કરી હતી. હવે તેમણે સોશિયલ મીડિયા પર વધુ એક પોસ્ટ શેર કરીને ફિલ્મના નિર્માતાઓ પ્રત્યે પોતાની નારાજગી અને રોષ વ્યક્ત કર્યો છે.
રણબીરના ચિત્રણ અને વાર્તા સાથેની છેડછાડ પર આક્ષેપ
રણબીર કપૂર દ્વારા ભજવાયેલા ભગવાન રામના પાત્ર અંગે મુકેશ ખન્નાએ અગાઉ કહ્યું હતું કે, “તું રામ જેવો દેખાતો નથી, અને તું તેના જેવો બોલતો નથી. તું એક યોદ્ધાની જેમ બોલે છે.” પોતાની તાજેતરની ઇન્સ્ટાગ્રામ પોસ્ટમાં તેમણે નિર્માતાઓ પર મૂળ કથા સાથે છેડછાડ કરવાનો ગંભીર આરોપ લગાવ્યો છે. તેમણે લખ્યું છે કે ફિલ્મ પર 4,000 કરોડ રૂપિયા ખર્ચવામાં આવ્યા હોવા સામે તેમને કોઈ વાંધો નથી, પરંતુ જો વાર્તાની પવિત્રતા અને મૂળ ભાવના જાળવી રાખીને આટલી રકમ ખર્ચવામાં આવી હોત તો વધુ આનંદ થાત. તેમના મતે કથા સાથે કરાયેલી છેડછાડ કોઈ હિન્દુ સ્વીકારશે નહીં અને તેઓ પોતે પણ આ બાબત સહન કરી શકે તેમ નથી.
ઓછા ખર્ચમાં પણ વિરોધ વગર સફળતા શક્ય હોવાનો દાવો
પોતાની યુટ્યુબ ચેનલ ‘ભીષ્મ ઇન્ટરનેશનલ’ પર શરૂ કરેલી ‘સંપૂર્ણ શ્રી રામ’ શ્રેણીનો ઉલ્લેખ કરતા મુકેશ ખન્નાએ જણાવ્યું કે તેમાં તેઓ રામાયણની મૂળ કથા અને પ્રસંગો પર પોતાનો મત રજૂ કરે છે, જેનો બીજો એપિસોડ પણ રજૂ થયો છે. તેમણે પોસ્ટમાં લખ્યું કે તેમણે ‘સંપૂર્ણ શ્રી રામ’ એ બતાવવા માટે બનાવી છે કે સાચું રામાયણ કેવું હોય છે, અને તેનો ખર્ચ 1 કરોડ, 4,000 કે 1 લાખ પણ નહોતો. જો આ રીતે નિર્માણ થયું હોત તો વિરોધ કે અપમાન વિના પણ સફળતા મળી શકી હોત.
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
બોક્સ ઓફિસ પર 1500 કરોડ ક્લબમાં ‘રામાયણ’
મુકેશ ખન્નાએ પોતાની પોસ્ટમાં આકરા શબ્દો વાપરતા લખ્યું કે આને આપણું રામાયણ કહેવાય છે અને નિર્માતાઓને આ બનાવવામાં શરમ આવવી જોઈએ. બીજી તરફ, નિતેશ તિવારીના દિગ્દર્શનમાં બનેલી ફિલ્મ ‘રામાયણ’ બોક્સ ઓફિસ પર જબરદસ્ત કમાણી કરી રહી છે અને વૈશ્વિક સ્તરે 1500 કરોડ ક્લબમાં સામેલ થઈ ચૂકી છે.
આ પણ વાંચો: ‘રામાયણ’ની સીતાની ભૂમિકા ભજવનાર સાઈ પલ્લવી કેમ પહેરે છે રુદ્રાક્ષની માળા?












