લગ્નના 8 દિવસ બાદ અનિરુદ્ધે શેર કરી કાવ્યા મારન સાથેની ખાસ તસવીરો
Anirudh-Kavya Wedding: પ્રખ્યાત મ્યુઝિક કમ્પોઝર અનિરુદ્ધ રવિચંદર અને IPL ટીમ સનરાઇઝર્સ હૈદરાબાદ (SRH)ની માલિક કાવ્યા મારનના લગ્નને એક અઠવાડિયું વીતી ગયું છે. હવે લગ્નના આશરે 8 દિવસ બાદ અનિરુદ્ધે પોતાના લગ્ન સમારોહની કેટલીક અનસીન તસવીરો સોશિયલ મીડિયા પર શેર કરી છે. આ તસવીરોમાં તે પત્ની કાવ્યા મારન પર પ્રેમ વરસાવતો જોવા મળી રહ્યો છે.
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X

અનિરુદ્ધ રવિચંદર અને કાવ્યા મારને 11 નવેમ્બરના રોજ ગ્રીસમાં લગ્ન કર્યા હતા. બંનેના લગ્નની તસવીરો અનિરુદ્ધે અગાઉ પણ સોશિયલ મીડિયા પર શેર કરી હતી. હવે તેણે લગ્નના ફંક્શનની કેટલીક વધુ ખાસ પળો ચાહકો સાથે શેર કરી છે.
કાવ્યા સાથે મસ્તી કરતા જોવા મળ્યા અનિરુદ્ધ

અનિરુદ્ધે પોતાના ઇન્સ્ટાગ્રામ એકાઉન્ટ પર શેર કરેલી તસવીરોમાં તે કાવ્યા સાથે મસ્તી કરતો જોવા મળે છે. એક તસવીરમાં બંને એકબીજા સાથે ખુશીની પળો માણી રહ્યાં છે, જ્યારે બીજી તસવીરમાં મ્યુઝિક કમ્પોઝર કાવ્યા સાથે લગ્નના ફંક્શનમાં એન્ટ્રી કરતા જોવા મળે છે.

આ પણ વાંચો:સુરતમાં ગમખ્વાર અકસ્માત, ટ્રકની અડફેટે કિશોરનું મોત
પરિવાર સાથે પણ જોવા મળ્યું કપલ

અનિરુદ્ધે શેર કરેલી એક તસવીરમાં આ કપલ પોતાના પરિવાર સાથે જોવા મળી રહ્યું છે. આ તસવીરો શેર કરતી વખતે તેણે કેપ્શનમાં લખ્યું હતું, “મારા માટે જાદુનો સૌથી મનપસંદ અહેસાસ.” અનિરુદ્ધની આ પોસ્ટ સામે આવ્યા બાદ ચાહકો પણ કપલની તસવીરોને પસંદ કરી રહ્યા છે. લગ્નની ખાસ પળો ફરી એકવાર સોશિયલ મીડિયા પર ચર્ચામાં આવી છે.
21 નવેમ્બરે ચેન્નાઈમાં યોજાશે ગ્રાન્ડ રિસેપ્શન

ગ્રીસમાં લગ્ન કર્યા બાદ હવે અનિરુદ્ધ અને કાવ્યા 21 નવેમ્બરે ચેન્નાઈમાં ભવ્ય રિસેપ્શન યોજવાના છે. આ ખાસ સમારોહમાં મનોરંજન, રાજકારણ, ક્રિકેટ અને ફિલ્મ જગતની અનેક જાણીતી હસ્તીઓ હાજરી આપે તેવી અપેક્ષા છે. હવે ચાહકોની નજર આ ગ્રાન્ડ રિસેપ્શન પર છે, જ્યાં અનેક જાણીતા ચહેરાઓ એકસાથે જોવા મળી શકે છે.












