ઘરમાં નવા મહેમાનના આગમનની તૈયારીઓ, સામંથા-રાજે કરાવ્યું ખાસ અનુષ્ઠાન
Samantha Ruth Prabhu : સાઉથ સિનેમાની જાણીતી અભિનેત્રી સામંથા રૂથ પ્રભુ આજકાલ પોતાની જિંદગીના ખાસ તબક્કામાંથી પસાર થઈ રહી છે. અભિનેત્રી ટૂંક સમયમાં માતા બનવાની છે અને પતિ રાજ નિદિમોરુ સાથે પોતાના પહેલા બાળકના સ્વાગતની તૈયારીઓમાં વ્યસ્ત છે. આ દરમિયાન સામંથાએ પોતાના ઘરે ખાસ ધાર્મિક પૂજાનું આયોજન કર્યું હતું, જેમાં પરિવારના નજીકના સભ્યો પણ સામેલ થયા હતા.

અભિનેત્રીએ આ ખાસ પ્રસંગની કેટલીક તસવીરો સોશિયલ મીડિયા પર શેર કરી છે. આ તસવીરોમાં સામંથા અને રાજ પરંપરાગત અંદાજમાં પૂજા-પાઠ કરતા અને પરિવારના વડીલોના આશીર્વાદ લેતા જોવા મળી રહ્યાં છે. તસવીરો સામે આવ્યા બાદ ચાહકો પણ આ કપલને શુભેચ્છાઓ પાઠવી રહ્યા છે.
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
લાલ રંગના સુંદર પોશાકમાં જોવા મળી સામંથા

સામંથાએ ઇન્સ્ટાગ્રામ પર તસવીરોની એક શ્રેણી શેર કરી છે, જેમાં તેમના ઘરે યોજાયેલા ધાર્મિક કાર્યક્રમની ઝલક જોવા મળી રહી છે. એક તસવીરમાં અભિનેત્રી લાલ રંગના સુંદર સૂટમાં જોવા મળે છે, જ્યારે તેમના પતિ રાજ નિદિમોરુ ક્રીમ રંગના કુર્તા અને સફેદ પાયજામામાં નજરે પડે છે. બંને એકબીજાની સામે જોઈ રહ્યાં છે. ભલે તસવીરમાં તેમના ચહેરા કેમેરા તરફ નથી, પરંતુ તેમની વચ્ચેની સુંદર બોન્ડિંગ સ્પષ્ટ જોવા મળે છે.
પરિવારના વડીલોના આશીર્વાદ લેતા જોવા મળ્યાં કપલ

અન્ય તસવીરોમાં સામંથા પરિવારના વડીલો પાસેથી આશીર્વાદ લેતી જોવા મળે છે. કેટલીક તસવીરોમાં આ કપલ ધાર્મિક વિધિઓમાં ભાગ લેતું પણ નજરે પડે છે. આ કાર્યક્રમમાં પરિવારના નજીકના સભ્યો હાજર રહ્યા હતા અને આવનારા નવા મહેમાન માટે સૌએ શુભકામનાઓ પાઠવી હતી. સામંથાએ આ તસવીરો દ્વારા પોતાના અંગત જીવનની ખાસ પળો ચાહકો સાથે શેર કરી છે.
જૂન 2026માં પ્રેગ્નન્સીની ચર્ચા થઈ હતી તેજ

સામંથાની પ્રેગ્નન્સીને લઈને જૂન 2026માં ચર્ચાઓ તેજ બની હતી. અભિનેત્રીએ પોતાની ફિલ્મ ‘મા ઇન્ટી બંગારામ’ના સફળતા સમારોહ દરમિયાન માતા બનવાના સમાચારની પુષ્ટિ કરી હોવાનો અહેવાલ છે. આ દરમિયાન તેણે પોતાના કામ અને આગામી યોજનાઓ વિશે પણ વાત કરી હતી. અભિનેત્રીએ જણાવ્યું હતું કે ફિલ્મ બાદ તે થોડા સમય માટે કામમાંથી બ્રેક લેશે, જેથી માતૃત્વના નવા અનુભવ પર ધ્યાન આપી શકે.

સામંથાએ કહ્યું હતું કે, ‘મા ઇન્ટી બંગારામ’ બાદ પોતાની પરિસ્થિતિને ધ્યાનમાં રાખીને તેને થોડો બ્રેક લેવો પડશે અને મેટરનિટી લીવ પર જવું પડશે. ત્યારબાદ તે ચાહકો માટે નવી ફિલ્મ સાથે પરત ફરશે.
1 ડિસેમ્બર 2025ના રોજ રાજ નિદિમોરુ સાથે કર્યા હતા લગ્ન

સામંથા રૂથ પ્રભુ અને ફિલ્મ નિર્માતા રાજ નિદિમોરુએ 1 ડિસેમ્બર, 2025ના રોજ લગ્ન કર્યા હતા. બંનેએ કોઈમ્બતુર સ્થિત ઈશા ફાઉન્ડેશનમાં અત્યંત ખાનગી સમારોહમાં લગ્ન કર્યા હતા. આ લગ્નમાં માત્ર પરિવારના સભ્યો અને નજીકના મિત્રો જ હાજર રહ્યા હતા. સામંથાએ લગ્નના દિવસે જ સોશિયલ મીડિયા પર તસવીરો શેર કરીને પોતાના સંબંધને સત્તાવાર જાહેર કર્યો હતો.
‘ધ ફેમિલી મેન 2’ના સેટ પર વધેલી નિકટતા
સામંથા અને રાજ વચ્ચેની ઓળખ તથા નિકટતા તેમના પ્રોફેશનલ સહયોગ દરમિયાન વધી હતી. બંનેએ વેબ સિરીઝ ‘ધ ફેમિલી મેન 2’માં સાથે કામ કર્યું હતું. આ સિરીઝમાં સામંથાએ રાજીનું મહત્ત્વનું પાત્ર ભજવ્યું હતું, જેને દર્શકો તરફથી સારો પ્રતિસાદ મળ્યો હતો. ત્યારબાદ બંને ‘સિટાડેલ: હની બન્ની’ અને ફિલ્મ ‘મા ઇન્ટી બંગારામ’ સાથે પણ જોડાયેલા રહ્યા હતા.

વર્લ્ડ પિકલબોલ લીગ બાદ શરૂ થઈ હતી સંબંધોની ચર્ચા
સામંથા અને રાજના સંબંધોને લઈને ચર્ચાઓ ત્યારે શરૂ થઈ હતી, જ્યારે અભિનેત્રીએ વર્લ્ડ પિકલબોલ લીગની કેટલીક તસવીરો શેર કરી હતી. આ તસવીરોમાં તે ચેન્નાઈ સુપર ચેમ્પ્સને સપોર્ટ કરતી જોવા મળી હતી અને તેની સાથે રાજ નિદિમોરુ પણ હાજર હતા. ત્યારબાદ બંનેના સંબંધોને લઈને અટકળો શરૂ થઈ હતી. જોકે, કપલે લગ્નની જાહેરાત કરીને પોતાના સંબંધને સત્તાવાર મહોર મારી દીધી હતી.












