ટ્રમ્પે પાકિસ્તાનની આબરું કાઢી: ભરી બેઠકમાં શહબાઝ શરીફને નાના બાળકની જેમ ઊભા કરી પીએમ મોદીના વખાણ કર્યા
વોશિંગટન, 20 ફેબ્રુઆરી 2026: અમેરિકાના રાષ્ટ્રપતિ ડોનાલ્ડ ટ્રમ્પે પાકિસ્તાનના વડા પ્રધાન શાહબાઝ શરીફ સાથે અલગ વલણ અપનાવ્યું છે. ટ્રમ્પે પોતાના વખાણ કરતાં શરીફને ઊભા રહેવાનો આદેશ આપ્યો. આ ઘટના બોર્ડ ઓફ પીસની પહેલી બેઠક દરમિયાન બની હતી, જ્યાં ટ્રમ્પ ભારત અને પાકિસ્તાન વચ્ચે લશ્કરી તણાવ ઓછો કરવાનો શ્રેય લેતા દેખાયા હતા. ટ્રમ્પે દાવો કર્યો હતો કે તેમણે બંને દેશો વચ્ચે મધ્યસ્થી કરી હતી અને જો લડાઈ બંધ ન થાય તો ટેરિફ લાદવાની ધમકી આપી હતી.
Trump to Pak PM- Stand up
Shahbaz Sharif immediately stands up 🤣🤣pic.twitter.com/YwMljX6gsF
— Frontalforce 🇮🇳 (@FrontalForce) February 20, 2026
ડોનાલ્ડ ટ્રમ્પે કહ્યું, “પાકિસ્તાન અને ભારત, આ એક મોટો મુદ્દો હતો. મને લાગે છે કે તમારે (શરીફ) ઉભા થવું જોઈએ. ચાલો, મહેરબાની કરીને ઉભા થાઓ. પાકિસ્તાન અને ભારત, તમારો ખૂબ ખૂબ આભાર.” ત્યારબાદ યુએસ રાષ્ટ્રપતિએ પુનરોચ્ચાર કર્યો કે શરીફે દાવો કર્યો હતો કે ટ્રમ્પે બંને દેશો વચ્ચે યુદ્ધવિરામ કરાવીને 25 મિલિયન લોકોના જીવ બચાવ્યા છે.
ટેરિફ નીતિ દ્વારા દબાણ સર્જાયું
ટ્રમ્પે કહ્યું કે તેમણે ટેરિફ નીતિનો ઉપયોગ શાંતિ કરાર સુધી પહોંચવા માટે દબાણ તરીકે કર્યો. તેમણે કહ્યું, “મેં બંનેને ફોન કર્યો. હું વડા પ્રધાન નરેન્દ્ર મોદીને ખૂબ સારી રીતે ઓળખું છું. મેં તેમને કહ્યું કે જો તમે લોકો આ મુદ્દાનો ઉકેલ નહીં લાવો, તો હું તમારા બંનેમાંથી કોઈ સાથે વેપાર કરાર પર હસ્તાક્ષર કરીશ નહીં, અને પછી અચાનક અમે એક કરાર પર પહોંચી ગયા.”
શરીફે ટ્રમ્પનો આભાર માન્યો
પાકિસ્તાનના વડા પ્રધાન શાહબાઝ શરીફે બોર્ડ ઓફ પીસ મીટિંગમાં ભારત-પાકિસ્તાન સંઘર્ષમાં યુદ્ધવિરામ માટે યુએસ પ્રમુખ ડોનાલ્ડ ટ્રમ્પનો આભાર માન્યો. શરીફે કહ્યું કે ઓપરેશન સિંદૂર દરમિયાન પરિસ્થિતિ અત્યંત સંવેદનશીલ બની ગઈ હતી, અને બંને પક્ષો વચ્ચે તણાવ ઝડપથી વધી રહ્યો હતો.
ભારતે દાવાને નકારી કાઢ્યો
આ દરમિયાન, એ પણ નોંધવું જોઈએ કે ભારતે ગયા વર્ષે મે મહિનામાં થયેલી લશ્કરી અથડામણમાં ત્રીજા પક્ષની મધ્યસ્થીનાં તમામ દાવાઓને સતત નકારી કાઢ્યા છે. ભારતનું કહેવું છે કે પાકિસ્તાન સાથે સંઘર્ષ બંધ કરવાનો કરાર બંને દેશોની સેનાઓના ડાયરેક્ટર જનરલ ઓફ મિલિટરી ઓપરેશન્સ (DGMOs) વચ્ચે સીધી વાતચીત પછી થયો હતો. ભારતે 7 મેના રોજ ઓપરેશન સિંદૂર શરૂ કર્યું. ભારત દ્વારા આ કાર્યવાહી આતંકવાદી માળખાને નિશાન બનાવી હતી. પહેલગામમાં થયેલા આતંકવાદી હુમલાના જવાબમાં આ ઓપરેશન શરૂ કરવામાં આવ્યું હતું.
આ પણ વાંચો: સાવધાન: શિયાળા બાદ સીધું ચોમાસું? આવતીકાલે આ વિસ્તારમાં પડશે ધોધમાર વરસાદ, હવામાન વિભાગની આગાહી
