VIDEO: ચાલુ મેચમાં મેદાનમાં કૂતરો ઘૂસી આવ્યો, ઓસ્ટ્રેલિયાના કપ્તાને દોડીને બહાર ભગાડ્યો

VIRAL VIDEO: ઓસ્ટ્રેલિયન ટીમ હાલમાં વેસ્ટ ઇન્ડીઝના પ્રવાસે છે, જ્યાં તે યજમાન ટીમ સામે ત્રણ મેચની ટેસ્ટ સિરીઝ રમી રહી છે. આ સિરીઝની બીજી મેચ બંને ટીમો વચ્ચે ગ્રેનાડા મેદાન પર રમાઈ રહી છે, જેમાં અત્યાર સુધી બે દિવસની રમત પૂર્ણ થઈ છે. આ મેચના બીજા દિવસે, જ્યારે વિન્ડીઝની ટીમ તેની પ્રથમ ઇનિંગમાં 253 રન બનાવીને ઓલઆઉટ થઈ ગઈ હતી, ત્યારે ઓસ્ટ્રેલિયાએ દિવસની રમતના અંતે, તેની બીજી ઇનિંગમાં 2 વિકેટ ગુમાવીને 12 રન બનાવ્યા હતા અને તેની લીડ 45 રન થઈ ગઈ હતી. મેચના બીજા દિવસે, મેદાન પર એક એવી ઘટના પણ જોવા મળી, જેમાં અચાનક ખેલાડીઓમાં થોડો ગભરાટ જોવા મળ્યો હતો.

A brief intrusion by a furry friend 😅

WI 124/4 (33) #WIvAUS | #FullAhEnergy pic.twitter.com/mZpN0PcGnS

— Windies Cricket (@windiescricket) July 4, 2025

મેદાનમાં અચાનક એક કૂતરો આવ્યો, પેટ કમિન્સે તેને બહાર કાઢ્યો

આ ટેસ્ટ મેચના બીજા દિવસે વેસ્ટ ઇન્ડીઝની ટીમ પોતાની પહેલી ઇનિંગમાં બેટિંગ કરી રહી હતી, ત્યારે 32.2 ઓવર પછી અચાનક એક કૂતરો મેદાનની અંદર ઘૂસી આવી હતો. આ કૂતરાને જોઈને બધા ખેલાડીઓ આશ્ચર્યચકિત થઈ ગયા, ત્યારે ઓસ્ટ્રેલિયન કેપ્ટન પેટ કમિન્સે જઈને તેને બાઉન્ડ્રી લાઇનની બહાર મોકલી દીધો. આ દરમિયાન, રમતને થોડા સમય માટે રોકવી પડી. જોકે, આ પહેલી વાર નથી જ્યારે મેચ દરમિયાન આવી ઘટના જોવા મળી હોય. થોડા દિવસો પહેલા જ શ્રીલંકા અને બાંગ્લાદેશ વચ્ચેની ODI સિરીઝની પહેલી મેચમાં, અચાનક મેદાનની અંદર સાપ આવી જવાને કારણે રમત થોડા સમય માટે બંધ થઈ ગઈ હતી.

મેચ રોમાંચક વળાંક પર પહોંચી

જો આપણે ગ્રેનાડા ટેસ્ટ મેચની વાત કરીએ તો, બોલરોએ રમતના 2 દિવસ દરમિયાન શ્રેષ્ઠ પ્રદર્શન કર્યું છે. જેમાં બીજા દિવસે કુલ 12 વિકેટ પડી હતી. ઓસ્ટ્રેલિયન ટીમે તેના બીજા દાવમાં ફક્ત 12 રનની અંદર તેના બંને ઓપનિંગ બેટ્સમેન ગુમાવી દીધા હતા. આમાં સેમ કોન્સ્ટાસ પોતાનું ખાતું પણ ખોલી શક્યો ન હતો, જ્યારે ઉસ્માન ખ્વાજા ફક્ત 2 રન બનાવી શક્યો હતો. દિવસની રમતના અંતે, કેમેરોન ગ્રીન 6 રન સાથે રમી રહ્યા હતા જ્યારે નાઈટવોચમેન તરીકે આવેલા નાથન લિયોન 2 રન સાથે રમી રહ્યા હતા.

આ પણ વાંચો: શું ટીમ ઈંડિયાની કમાન એક ગુજરાતી ખેલાડીના હાથમાં હશે? કપ્તાન બનવાના સવાલ પર રવીન્દ્ર જાડેજાએ આપ્યો આવો જવાબ