ટોપ ન્યૂઝટ્રેન્ડિંગવર્લ્ડ

ચીનમાં કંઈક મોટું થવાનું છે, તાઇવાનનું હવાઈ ક્ષેત્ર 40 દિવસ માટે કેમ બંધ કર્યું?

Middle East War: મિડલ ઈસ્ટ યુદ્ધનો આજે 38મો દિવસ છે અને તેનો પ્રભાવ હવે આખી દુનિયામાં સ્પષ્ટ જોવા મળી રહ્યો છે. આ વચ્ચે ચીનમાંથી એક ચોંકાવનારી ખબર સામે આવી રહી છે. ચીને તાઈવાન દ્વીપ પર 40 દિવસ માટે પોતાનું એર સ્પેસ બંધ કરી દીધું છે.

27 એપ્રિલથી 6 મે સુધી ચીને તાઈવાન નજીકના મોટા એર સ્પેસને બંધ કરી દીધું છે. વોલ સ્ટ્રીટ જર્નલની રવિવારની એક રિપોર્ટ મુજબ, ચીને કોઈ સ્પષ્ટતા કર્યા વિના પોતાના સમુદ્રી વિસ્તારને 40 દિવસ માટે બંધ રાખવાની નોટિસ જારી કરી છે. આ એર સ્પેસ દક્ષિણ કોરિયા નજીકના યલો સમુદ્રથી લઈને જાપાન નજીક પૂર્વ ચીન સમુદ્ર સુધી ફેલાયેલું છે.

ચીનનું આ પગલું એવા સમયે સામે આવ્યું છે જ્યારે અમેરિકા ઈરાનમાં ફસાયેલું છે અને લશ્કરી સાધનો આ પ્રદેશમાંથી મધ્ય પૂર્વમાં ખસેડવામાં આવ્યા છે. પહેલા આવા એર સ્પેસ બંધ કરવાના નિર્ણય સામાન્ય રીતે સૈન્ય અભ્યાસ માટે લેવાતા હતા અને તે પણ માત્ર થોડા દિવસો માટે જ. પરંતુ આ વખતે આટલા લાંબા સમય માટે એર સ્પેસ બંધ કરવાનો નિર્ણય લેવામાં આવ્યો છે, જેના પાછળનું સાચું કારણ હજી સુધી જાહેર કરવામાં આવ્યું નથી.

ચીન દ્વારા આરક્ષિત કરાયેલો આ વિસ્તાર તાઈવાનના મુખ્ય દ્વીપથી પણ મોટો છે. તેમાં શાંઘાઈના ઉત્તર અને દક્ષિણમાં આવેલા સમુદ્રકાંઠાના હવાઈ ક્ષેત્રો પણ સામેલ છે. અમેરિકન ફેડરલ એવિએશન એડમિનિસ્ટ્રેશન મુજબ, આ વિસ્તાર દક્ષિણ કોરિયા તરફના પીળા સમુદ્રથી લઈને દક્ષિણમાં જાપાન તરફના પૂર્વ ચીન સમુદ્ર સુધી ફેલાયેલો છે.

રિપોર્ટમાં જણાવાયું છે કે ભૂતકાળમાં આવા જ પ્રકારની ચેતવણીઓનો ઉપયોગ ઉડ્ડયન અધિકારીઓને ચીની લશ્કરી કવાયતો પ્રત્યે ચેતવણી આપવા માટે કરવામાં આવતો હતો, જે સામાન્ય રીતે થોડા જ દિવસો સુધી ચાલતા હતા. પરંતુ આ વખતે બેઇજિંગે આ વિસ્તારમાં કોઈપણ પ્રકારના સૈન્ય અભ્યાસની જાહેરાત કરી નથી, જેના કારણે “તાઈવાન આસપાસની સૈન્ય ઉડાનોમાં આવેલા અસ્પષ્ટ વિરામ બાદ એક નવું એવિએશન રહસ્ય ઉભું થયું છે.”

આ પણ વાંચો: ઈરાને પાકિસ્તાનના યુદ્ધવિરામ પ્રસ્તાવને નકારી કાઢ્યો, કહ્યું – મધ્યસ્થો મારફતે મોકલાયેલા…

Back to top button