Gold Silver Price: સોના-ચાંદીના ભાવ બદલાયા, જાણો લેટેસ્ટ રેટ
Gold Silver Price Today: લગ્નની મોસમ વચ્ચે સોના-ચાંદીના ઘરેણાં ખરીદનારાઓ માટે સારા સમાચાર છે. બુલિયન બજારમાં સોના-ચાંદીના ભાવમાં ઘટાડો થયો છે. 22 એપ્રિલ બુધવારે સોનાના ભાવમાં 10 ગ્રામ દીઠ 105 રૂપિયાનો ઘટાડો થયો છે, જ્યારે ચાંદી 836 રૂપિયા પ્રતિ કિલો સસ્તી થઈ ગઈ છે. હવે ચાંદીનો ભાવ ઘટીને 2,49,677 રૂપિયા પ્રતિ કિલો થઈ ગયો છે. જ્યારે 24 કેરેટ સોનાનો ભાવ ઘટીને 152250 રૂપિયા પ્રતિ 10 ગ્રામ થઈ ગયો છે.
22 કેરેટ ગોલ્ડ અને 18 કેરેટ સોનાના ભાવ
IBJA મુજબ આજે 22 કેરેટ સોનાના 10 ગ્રામનો ભાવ 96 રુપિયા ઘટીને 1,39,461 થયો છે, જેમાં GSTનો સમાવેશ થતો નથી. 18 કેરેટ સોનાના ભાવમાં પણ આજે 78 રુપિયાનો ઘટાડો થયો છે. 18 કેરેટ સોનાના 10 ગ્રામનો ભાવ હવે 1,14,188 થયો છે, જેમાં પણ GSTનો સમાવેશ થતો નથી.
14 અને 23 કેરેટ સોનાના ભાવ
આજે બુલિયન બજારમાં 23 કેરેટ સોનાનો ભાવ 105 રૂપિયા ઘટીને 151,640 રૂપિયા થયો હતો. આ દરમિયાન 14 કેરેટ સોનાનો ભાવ 62 રૂપિયા ઘટીને 89,066 રૂપિયા થયો હતો.
ઓલ ટાઈમ હાઈથી 23,871 રૂપિયા સસ્તું સોનું
IBJAના દરો અનુસાર સોનાના ભાવ હવે બુલિયન બજારમાં ₹176,121ના સર્વકાલીન ઉચ્ચતમ સ્તરથી ₹23,871 સસ્તા થયા છે. દરમિયાન ચાંદીના ભાવ તેમના સર્વકાલીન ઉચ્ચતમ સ્તરથી ₹136,256 ઘટ્યા છે. મહિનાના મધ્યભાગથી સોનામાં ₹6,847 અને ચાંદીમાં ₹18,223નો ઘટાડો થયો છે. IBJA દિવસમાં બે વાર દર જાહેર કરે છે. એક વખત બપોરે 12.15 આસપાસ અને બીજા બપોરે પાંચ વાગ્યાની આસપાસ. આ રેટ બપોરે 12 વાગ્યા વાળા છે.
MCX પર સોના અને ચાંદીના ભાવ શું છે?
બુલિયન બજારથી વિપરીત આજે બપોરે 1:30 વાગ્યાની આસપાસ MCX વાયદા બજારમાં સોનાનો વાયદો ₹153,456 પર ટ્રેડ થઈ રહ્યો હતો, જે 1.18 ટકાનો વધારો દર્શાવે છે. બીજી તરફ ચાંદીનો ભાવ ₹250,100 પ્રતિ કિલોગ્રામ પર ટ્રેડ થઈ રહ્યો હતો, જે 2.21 ટકાનો વધારો દર્શાવે છે.
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
શું સોના અને ચાંદીના ભાવ વધુ ઘટશે?
કેડિયા કોમોડિટીઝના પ્રમુખ અજય કેડિયા માને છે કે ભૂ-રાજકીય તણાવને કારણે સોના અને ચાંદીમાં વધઘટ ચાલુ રહી શકે છે. જો યુદ્ધવિરામ ચાલુ રહેશે તો ચાંદી 2.55 લાખના સ્તરને સ્પર્શી જશે. દરમિયાન સોનું પણ 1.58 લાખથી 1.60 લાખની વચ્ચેના સ્તરે પહોંચી શકે છે.
