Bigg Boss 20: પિતાની બીમારીનો ઉલ્લેખ કરતાં ભાવુક થઈને રડી પડી આમ્રપાલી દુબે, કહ્યું…

Bigg Boss 20: ‘બિગ બોસ 20’ના તાજેતરના લાઇવ સ્ટ્રીમમાં ભોજપુરી અભિનેત્રી આમ્રપાલી દુબે ભાવુક થઈને રડતી જોવા મળી હતી. વીકએન્ડ કા વારમાં વારંવાર નિશાન બનાવવામાં આવતાં અભિનેત્રી નિરાશ થઈ ગઈ હતી. તેણે કહ્યું કે શોમાં તેના પર વારંવાર બેવડાં ધોરણો અપનાવવાનો આરોપ લગાવવામાં આવે છે, જેનાથી તે પરેશાન થઈ ગઈ છે. (Bigg Boss 20)

આમ્રપાલીએ જણાવ્યું કે જ્યારે પણ તેને બેવડાં ધોરણો અંગે સવાલ કરવામાં આવે છે, ત્યારે તે જવાબ આપીને પોતાની વાત સમજાવવાનો પ્રયાસ કરે છે. અભિનેત્રીના જણાવ્યા અનુસાર, જ્યારે પણ તેને કંઈ ખોટું લાગ્યું છે, ત્યારે તેણે તેની સામે અવાજ ઉઠાવ્યો છે. આ માટે તેને પોતાના મિત્રો સામે પણ ઊભા રહેવું પડ્યું છે. વાતચીત દરમિયાન તેણે પોતાના બીમાર પિતાનો ઉલ્લેખ કરતાં આંસુ રોકી શકી નહોતી.

અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X

પિતાની બીમારી યાદ કરીને રડી પડી આમ્રપાલી

બિગ બોસની લાઇવ ફીડમાં લવપ્રીત સાથે વાતચીત કરતી વખતે આમ્રપાલીએ કહ્યું કે હવે તેનું શોમાં રહેવાનું મન થતું નથી. દરેક વીકએન્ડ કા વારમાં તેના ગેમ પર સવાલો ઉઠાવવામાં આવે છે અને તેના પર બેવડાં ધોરણો અપનાવવાનો આરોપ લગાવવામાં આવે છે. અભિનેત્રીએ પોતાના પિતાની તબિયત અંગે ચિંતા વ્યક્ત કરતાં કહ્યું કે બહાર તેના પિતાની હાલત સારી નથી અને તેમની તબિયત ખૂબ ખરાબ છે. પિતાને આવી સ્થિતિમાં છોડીને તે શોમાં આવી છે, જે તેના માટે ખૂબ મુશ્કેલ રહ્યું છે.

આમ્રપાલીએ વધુમાં કહ્યું કે તે એવા શોનો ભાગ બનવા માગતી નથી, જ્યાં તેને સતત નીચી દેખાડવામાં આવે, નિશાન બનાવવામાં આવે અને બિનજરૂરી રીતે તેની છબી ખરાબ કરવામાં આવે.

આ પણ વાંચો:ગોળીબારના બે દિવસ બાદ કામ પર પરત ફર્યા ટાઇગર શ્રોફ! બિશ્નોઈ ગેંગનો કોઈ ખોફ નથી

ગુલ્લુ-કનિકા વિવાદમાં કેમ પડી હતી આમ્રપાલી?

બીજી તરફ, બિગ બોસના ઘરમાં બનેલી એક અન્ય ઘટના પણ ચર્ચામાં છે. અહેવાલ અનુસાર, અરિશફાએ કનિકા માન, ગુલ્લુ અને માહીના પલંગ પર પાણી નાખી દીધું હતું. આ ઘટના બાદ આમ્રપાલીએ તેનો વિરોધ કર્યો હતો અને પોતાની વાત રજૂ કરી હતી. જોકે, કનિકા અને ગુલ્લુ આમ્રપાલીના આ વલણ સાથે સહમત જોવા મળ્યાં નહોતાં. આ મુદ્દે પોતાની વાત સમજાવતાં આમ્રપાલીએ કહ્યું કે તે આ ઘટનાને બિનજરૂરી રીતે મોટું સ્વરૂપ આપી રહી નહોતી કે નાટક પણ કરતી નહોતી. તેણે જણાવ્યું કે આ ઘટનાને કારણે તેના મિત્રો સ્કાઉટ અને યંગને બહાર સૂવું પડ્યું હતું. આ જ કારણસર તેને લાગ્યું કે આ મુદ્દે અવાજ ઉઠાવવો જરૂરી છે.

આમ્રપાલીની આ ભાવુક પ્રતિક્રિયા બાદ બિગ બોસના ઘરમાં તેના વલણ અને અન્ય સ્પર્ધકો સાથેના સંબંધોને લઈને ચર્ચા તેજ બની છે.

આ પણ વાંચો: ભુવનેશ્વર કુમારની વાપસીથી ટીમ ઈન્ડિયાને શું ફાયદો થશે? કેપ્ટન શ્રેયસ અય્યરે જણાવ્યું ખાસ કારણ