રિલાયન્સ Jioના રોકાણકારોને મોટો મોકો, 13 લાખ કરોડના બજાર મૂડીકરણ સાથે ટોપ-4માં સામેલ થશે કંપની

મુંબઇ, 3 સપ્ટેમ્બર, 2025: રિલાયન્સ ઇન્ડસ્ટ્રીઝની સંદેશાવ્યવહાર કંપની Jio આઇપીઓ બજારમા ધૂમ મચાવવા તૈયાર છે. જોકે હજુ એક વર્ષનો સમય છે, પરંતુ લિસ્ટેડ થતા જ તે બજાર મૂડીકરણ (એમકેપ)ની દ્રષ્ટિએ દેશની ટોચની 4 કંપનીઓમાં સામેલ થઇ શકે છે. બ્રોકરેજ હાઉસોનું માનવું છે કે લિસ્ટીંગ થયા બાદ Jioનું મૂલ્યાંકન 11થી 13.5 લાખ કરોડ (134થી 154 અબજ ડોલર)થઇ શકે છે. પાછલા 20 વર્ષોમાં રિલાયન્સ ગ્રુપનો આ પહેલો આઇપીઓ છે. Jioને આગામી એક દશકો પણ પૂરો થઇ જશે. બ્રોકરેજ હાઉસના અનુસાર Jioમાં મામૂલી 5 ટકા હિસ્સેદારી વેચવા પર પણ 58,000થી 67,500 કરોડ સુધી એકત્રિત કરી શકાય છ. આ આંકડો પાછલા વર્ષે હ્યુન્ડાઇ મોટરમાં એકત્રિત કરાયેલા 27,870 કરોડથી પણ બમણો છે. Jioને વિદેશમાં લઇ જવાની પણ યોજના છે, તેથી આઇપીઓનું સમય મુલ્યાંકનમાં હજુ પણ વધારો થઇ શકે છે.

IPO ગેમ ચેન્જર સાબિત થઈ શકે છે

બ્રોકરેજ હાઉસિસનું કહેવું છે કે Jioની આ IPO ભારતીય શેરબજાર માટે ગેમ ચેન્જર સાબિત થશે. આનાથી બોમ્બે સ્ટોક એક્સચેન્જ (BSE)નું મૂડીકરણ રાતોરાત 13 લાખ કરોડ રૂપિયા સુધી વધશે. રોકાણકારોની સંખ્યા પણ વધશે. આટલો મોટો મુદ્દો બજારમાં તેજીનું વાતાવરણ બનાવશે, કારણ કે Jio પાસે તેના વૈશ્વિક સમકક્ષો સાથે મૂલ્ય બનાવવાની ક્ષમતા છે.

ચાઇના મોબાઇલ પછી બીજા ક્રમનું સૌથી મોટું ઓપરેટર

Jio એ છેલ્લા ક્વાર્ટરમાં દરેક ગ્રાહક પાસેથી 208.80 રૂપિયા કમાયા છે. 50 કરોડ ગ્રાહકો સાથે, તે ચાઇના મોબાઇલ પછી વિશ્વનું બીજું સૌથી મોટું ટેલિકોમ ઓપરેટર બન્યું છે. તે Jio પ્લેટફોર્મ્સની આવકમાં 85 ટકા ફાળો આપે છે.

રિલાયન્સ પાસે 66.3 ટકા હિસ્સો છે

રિલાયન્સ ઇન્ડસ્ટ્રીઝ પાસે Jio પ્લેટફોર્મ્સમાં 66.3 ટકા હિસ્સો છે. મેટા પાસે 10 ટકા હિસ્સો છે અને ગૂગલ પાસે 7.7 ટકા હિસ્સો છે. 16 ટકા હિસ્સો ખાનગી ઇક્વિટી પાસે છે. દલાલ સ્ટ્રીટ પર સૌથી મહત્વપૂર્ણ લિસ્ટિંગ માટે તૈયાર થયેલ Jio તેના પ્રીમિયમ મૂલ્યાંકનને યોગ્ય ઠેરવી શકશે કે નહીં તેના પર બધાની નજર રહેશે.

સેબીએ 13 કંપનીઓના IPOને મંજૂરી આપી છે

સેબીએ અર્બન કંપની સહિત 13 કંપનીઓને IPO લાવવાની મંજૂરી આપી છે, જે કુલ રૂ. 15,000 કરોડ એકત્ર કરશે. પ્રારંભિક જાહેર ઓફર (IPO) માટે મંજૂરી મેળવનાર કંપનીઓમાં જ્યુનિપર ગ્રીન એનર્જી, અલ્કેમ લાઇફસાયન્સ, ઓમ્નિટેક, KSH ઇન્ટરનેશનલ, રવિ ઇન્ફ્રાબિલ્ડ પ્રોજેક્ટ્સનો સમાવેશ થાય છે. મૌરી ટેક, પ્રાયોરિટી જ્વેલ્સ, કોરોના રેમેડીઝ, ઓમ ફ્રેઇટ ફોરવર્ડર્સ, જૈન રિસોર્સ રિસાયક્લિંગ અને પેસ ડિજિટેકને પણ મંજૂરી મળી છે.

આ પણ વાંચોઃ આજથી શરૂ થશે GST કાઉન્સિલની બેઠક, ચાર સ્લેબને બદલે પાંચ અને 18 ટકાના બે જ સ્લેબ રાખવાનો પ્રસ્તાવ