World News : ઈરાન બ્રિટનના પરમાણુ મથકો પર હુમલો કરી શકે છે. રોયલ મરીન્સના ઈ-મેલમાં આ વાતનો ખુલાસો થયો છે. આ ઈ-મેલ સામે આવ્યા બાદ બ્રિટને પોતાના પરમાણુ મથકોની સુરક્ષા વધારવાનું શરૂ કરી દીધું છે. બેઝની આસપાસ સ્ટીલ સુરક્ષા કોર્ડન બનાવવામાં આવી રહ્યું છે, જેથી ઈરાન સમર્થિત હુમલાખોરોને ત્યાં પહોંચતા અટકાવી શકાય. આ તૈયારી એવા સમયે શરૂ થઈ છે જ્યારે ઈરાને યુરોપના કેટલાક ટાર્ગેટ પર હુમલો કરવાની જાહેરાત કરી છે.

ઈરાન ગેરિલા શૈલીમાં બ્રિટનના પરમાણુ મથકો પર હુમલો કરી શકે

ડેઈલી મેલે બ્રિટિશ રોયલ મરીન્સના સૂત્રોને ટાંકીને જણાવ્યું હતું કે, ઈરાની હુમલાખોરો ગેરિલા શૈલીમાં બ્રિટનના પરમાણુ મથકો પર હુમલો કરી શકે છે. તેની તૈયારીની માહિતી મળ્યા બાદ બ્રિટનની ગુપ્તચર એજન્સી એલર્ટ પર છે.

પરમાણુ મથકો પર ડ્રોન હુમલાનો ડર

રિપોર્ટ અનુસાર, બ્રિટન તેના પરમાણુ મથકો પર ડ્રોન હુમલાથી ડરી રહ્યું છે. ગયા વર્ષે યુક્રેને રશિયન ટાર્ગેટ પર ડ્રોન હુમલો કર્યો હતો. આ હુમલાએ રશિયા સહિત સમગ્ર વિશ્વને ચોંકાવી દીધું હતું. તાજેતરમાં, ઈરાનના ડ્રોન હુમલાને ધ્યાનમાં રાખીને, બ્રિટને મિલ્ડનહોલથી યુએસ એરક્રાફ્ટને હટાવ્યું હતું. આ ડરને કારણે બ્રિટનના ડિફેન્સ ચીફ દેશભરમાં તેના બેઝ પર સુરક્ષાને મજબૂત કરવા માટે લગભગ અડધા અબજ પાઉન્ડનું રોકાણ કરી રહ્યા છે.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

પ્રશ્ન- બ્રિટન ઈરાનથી કેમ ડરે છે?

1. ઈરાનના ઈસ્લામિક રિવોલ્યુશનરી ગાર્ડે ધમકી આપી છે કે જો અમેરિકા અને ઈઝરાયેલ તેહરાન પર હુમલો કરશે તો ઈરાન બ્રિટન અને યુરોપમાં અમેરિકન ટાર્ગેટ પર હુમલો કરશે. બ્રિટન અમેરિકાની સાથે નાટોમાં સામેલ છે. અમેરિકાના અનેક ઠેકાણા અહીં આવેલા છે.
2. ઈરાન સુધી બ્રિટનની પહોંચ અમેરિકા કરતાં વધુ સરળ છે. ઈરાનના ચીફ મોજતબા ખમેનીની પણ બ્રિટનમાં પ્રોપર્ટી છે. ઈરાન અહીં સરળતાથી હુમલો કરી શકે છે.
3. ઈરાન પાસે નાના ડ્રોન અને મિસાઈલ હથિયારો છે. આના દ્વારા સરળતાથી હુમલા કરી શકાય છે. તેને સ્કેન કરવું પણ સરળ નથી.

આ પણ વાંચો : નેપાળમાં વહેલી સવારે ભૂકંપના જોરદાર આંચકા, રિક્ટર સ્કેલ પર 4.9ની તીવ્રતા નોંધાઈ