આંધ્ર પ્રદેશની રાજધાની અમરાવતી: મુખ્યમંત્રી ચંદ્રબાબૂ નાયડૂએ જાહેરાત કરી
આંધ્ર પ્રદેશ, 07 એપ્રિલ 2026: અમરાવતીને આંધ્રપ્રદેશની કાયમી રાજધાની જાહેર કરવામાં આવી છે. મુખ્યમંત્રી એન. ચંદ્રબાબુ નાયડુ અને ડેપ્યુટી સીએમ પવન કલ્યાણે પણ તેમના સત્તાવાર X હેન્ડલ પર આ જાહેરાત કરી હતી.
સીએમ ચંદ્રબાબુ નાયડુએ X પર સૂચના શેર કરીને લખ્યું હતું કે, “આંધ્રપ્રદેશની રાજધાની અમરાવતી છે.” નોંધનીય છે કે સંસદના તાજેતરના બજેટ સત્ર દરમિયાન, આંધ્રપ્રદેશ પુનર્ગઠન અધિનિયમ (સુધારા) બિલ, 2026, બંને ગૃહોમાં બહુમતીથી પસાર થયું હતું.
The capital of Andhra Pradesh is Amaravati.
#APThanksIndia#APThanksModiJi #HistoricAmaravatiResolution pic.twitter.com/W4TocOw8nQ
— N Chandrababu Naidu (@ncbn) April 7, 2026
‘રાજધાનીનું લાંબા સમયથી ચાલતું સ્વપ્ન પૂર્ણ થયું છે’
રાષ્ટ્રપતિનો આભાર માનતા ચંદ્રાબાબુ નાયડુએ X પર લખ્યું, “આંધ્રપ્રદેશના લોકો વતી, હું રાષ્ટ્રપતિ દ્રૌપદી મુર્મુજીનો આંધ્રપ્રદેશ પુનર્ગઠન (સુધારા) અધિનિયમ, 2026 ને મંજૂરી આપવા બદલ હૃદયપૂર્વક આભાર માનું છું. આનાથી રાજધાનીનું આપણું લાંબા સમયથી ચાલતું સ્વપ્ન પૂર્ણ થયું છે. હું કેન્દ્ર સરકાર અને વડા પ્રધાન નરેન્દ્ર મોદીનો પણ તેમના વચનને પૂર્ણ કરવા અને આપણા રાજ્યને માર્ગદર્શન આપવા બદલ આભાર માનું છું.”
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
અમરાવતીના વિકાસ તરફ એક મોટું પગલું
સીએમ નાયડુના નેતૃત્વ હેઠળની ટીડીપી-એનડીએ સરકાર દ્વારા આ પહેલને અમરાવતીના ભવિષ્ય તરફ એક મોટું પગલું માનવામાં આવી રહ્યું છે. જ્યારે આંધ્રપ્રદેશનું વિભાજન થયું હતું, ત્યારે ચંદ્રાબાબુ નાયડુએ તેને રાજ્યનું નવું વહીવટી અને રાજકીય કેન્દ્ર બનાવવાની યોજના બનાવી હતી. હવે સ્પષ્ટ છે કે રાજ્યની ફક્ત એક જ રાજધાની હશે, અને તે અમરાવતી હશે. આ નિર્ણયને વહીવટી સ્પષ્ટતા અને વિકાસ તરફ એક મોટું પગલું માનવામાં આવી રહ્યું છે.
આ પણ વાંચો: સોના-ચાંદીના ભાવમાં ફરી વધારો જોવા મળ્યો, જાણો એક તોલાનો શું છે લેટેસ્ટ ભાવ
