હંમેશા બોલિવૂડની પાછળ પડેલા રહે છે, Sitaare Zameen Par ના બહિષ્કાર પર સુનીલ શેટ્ટીએ લીધું સ્ટેન્ડ
- સુનિલ શેટ્ટીએ એક ઈન્ટરવ્યુ દરમિયાન વાત કરતા કહ્યું હતું કે બોલિવૂડ હંમેશા એક સરળ નિશાન બની જાય છે
HD ન્યુઝ ડેસ્ક, 23 મે, 2025ઃ બોલિવૂડ એક્ટર સુનીલ શેટ્ટીએ Suniel Shetty તાજેતરમાં આમિર ખાનની ફિલ્મ Sitaare Zameen Parના બહિષ્કાર પર પોતાની પ્રતિક્રિયા આપી છે. જેમાં તેણે કહ્યું હતું કે બોલિવૂડ ઘણીવાર સરળ નિશાન બની જાય છે અને લોકોએ અભિનેતાના અંગત અભિપ્રાય અને તેની સોશિયલ મીડિયા પ્રવૃત્તિઓ કરતાં તેના કામને વધુ મહત્ત્વ આપવું જોઈએ.
સુનિલ શેટ્ટીએ એક ઇન્ટરવ્યુ દરમિયાન વાત કરતા કહ્યું હતું કે બોલિવૂડ હંમેશા એક સરળ નિશાન બની જાય છે. જ્યારે કોઈ વાત દેશની હોય છે ત્યારે રાજકારણીઓ બોલે છે, પરંતુ જો તે રાષ્ટ્રના હિતમાં હોય, તો અમે તેનું સમર્થન કરીએ છીએ. તેથી જ અમે આવી ફિલ્મો બનાવીએ છીએ. પોતાના ઉદ્યોગ વિશે વધુ વાત કરતાં તેમણે કહ્યું કે હું કહી શકું છું કે દુનિયાના અન્ય કોઈ પણ સ્થળ કરતાં અહીં ભારત-કેન્દ્રિત લોકો વધુ છે. લોકો અમારા કાર્યની પ્રશંસા કરે છે.
જ્યારે તેમને પૂછવામાં આવ્યું કે શું બોલિવૂડે સામાજિક-રાજકીય મુદ્દાઓ પર બોલવું જોઈએ, ત્યારે તેમણે કહ્યું, લોકોએ ભૂતકાળ ભૂલી જવો જોઈએ. આપણે ભૂતકાળના આધારે નિર્ણય ન લેવો જોઈએ, કારણ કે આજે અને તે સમયની તુર્કીની પરિસ્થિતિ ખૂબ જ અલગ છે. જો તમે મોટા સામાજિક કાર્યક્રમોમાં જાઓ છો, તો તમને ક્યારેય ખબર નથી પડતી કે તમે કોની સાથે ફોટો પડાવી રહ્યા છો.
શું છે આખી ઘટના?
આમિર ખાનની આગામી ફિલ્મ Sitaare Zameen Par નો બહિષ્કાર થયો કારણ કે તેની પ્રોડક્શન ટીમે ‘ઓપરેશન સિંદૂર’ના હીરોને અભિનંદન આપતી પોસ્ટ શેર કરી હતી. પરંતુ આ પોસ્ટ મોડી હતી અને તે જ દિવસે રિલીઝ થઈ હતી જ્યારે ફિલ્મનું ટ્રેલર લોન્ચ થયું હતું, જેના કારણે ફિલ્મનો બહિષ્કાર કરવાની હાકલ કરવામાં આવી હતી. આ વિવાદ ત્યારે વધુ વકર્યો જ્યારે સોશિયલ મીડિયા પર ફરી એક જૂનો ફોટો વાયરલ થવા લાગ્યો, જેમાં 2017 માં તુર્કીની મુલાકાત દરમિયાન આમિર તુર્કીના રાષ્ટ્રપતિ સાથે હાથ મિલાવતો જોવા મળ્યો હતો. ઉલ્લેખનીય છે કે આમિર ખાનની ફિલ્મ ‘લાલ સિંહ ચઢ્ઢા’ ની નિષ્ફળતા બાદ, તે ‘સિતારે જમીન પર’ સાથે મોટા પડદા પર પાછા ફરવા જઈ રહ્યો છે.
‘સિતારે જમીન પર’ વિશે
આ ફિલ્મ આમિર ખાનની 2007માં આવેલી ફિલ્મ ‘તારે જમીન પર’ની સિક્વલ છે. આમિર સાથે જેનેલિયા ડિસોઝા મુખ્ય ભૂમિકામાં છે. આ ફિલ્મ સ્પેનિશ ફિલ્મ ‘ચેમ્પિયન્સ’ ની રિમેક છે, જેમાં આમિર ખાન એક બાસ્કેટબોલ કોચની ભૂમિકા ભજવે છે, જે ન્યુરોડાયવર્જન્ટ બાળકોની ટીમને તાલીમ આપે છે. આ ફિલ્મ 20 જૂને રિલીઝ થશે.
આ પણ વાંચોઃ મોસ્કો એરપોર્ટ પર યુક્રેનનો ડ્રોન એટેકઃ ભારતીય સાંસદો સ્હેજમાં બચ્યાઃ જાણો ઘટનાક્રમ
