હિન્ડનબર્ગના આંચકા બાદ અદાણી ગ્રુપની જોરદાર વાપસી: 3 વર્ષમાં રૂ. 80,000 કરોડના 33 મોટા સોદા પૂરા કર્યા

નવી દિલ્હીઃ 25 ડિસેમ્બર, 2025: અમેરિકન શોર્ટ-સેલિંગ ફર્મ હિન્ડનબર્ગ રિસર્ચ દ્વારા જાન્યુઆરી 2023માં કરવામાં આવેલા ગંભીર આરોપો છતાં અદાણી ગ્રુપની રફ્તાર અટકી નથી. અદાણી ગ્રુપે આ આરોપોને નકારી કાઢ્યા હતા અને હવે આંકડા સાબિતી આપી રહ્યા છે કે ગ્રુપ પાસે મૂડીની કોઈ કમી નથી. છેલ્લા ત્રણ વર્ષમાં અદાણી ગ્રુપે આશરે 80,000 કરોડ રૂપિયા (9.6 અબજ ડોલર) ના ખર્ચે 33 મહત્ત્વના અધિગ્રહણ (Acquisitions) પૂર્ણ કર્યા છે.

મુખ્ય વ્યવસાયો પર ધ્યાન: કયા સેક્ટરમાં કેટલું રોકાણ?

માર્કેટ ડેટા અને કંપનીના સૂત્રો અનુસાર, અદાણી ગ્રુપની ખરીદી મુખ્યત્વે તેના કોર બિઝનેસ પર કેન્દ્રિત રહી છે:

નોંધનીય છે કે, આ યાદીમાં જેપી ગ્રુપના ₹13,500 કરોડના પ્રસ્તાવિત સોદાનો સમાવેશ થતો નથી.

સૌથી મોટો સોદો અને વ્યૂહાત્મક વાપસી

હિન્ડનબર્ગના અહેવાલ બાદ અદાણી ગ્રુપે પોતાની વિશ્વસનીયતા વધારવા માટે બેલેન્સ-શીટ સુધારવા અને દેવું ઘટાડવા પર ભાર મૂક્યો છે. છેલ્લા ત્રણ વર્ષનો સૌથી મોટો સોદો એપ્રિલમાં ઓસ્ટ્રેલિયાના નોર્થ ક્વીન્સલેન્ડ એક્સપોર્ટ ટર્મિનલ (NQXT) નો હતો, જે અદાણી પોર્ટ્સે રૂ. 21,700 કરોડમાં કર્યો હતો.

સિમેન્ટ અને પોર્ટ સેક્ટરમાં દબદબો

• સિમેન્ટ:અંબુજા સિમેન્ટે સાંગી ઇન્ડસ્ટ્રીઝમાં 74% હિસ્સો ₹5,000 કરોડમાં ખરીદ્યો. આ ઉપરાંત એશિયન કોંક્રિટ્સ, પેન્ના સિમેન્ટ (₹10,422 કરોડ) અને ઓરિએન્ટ સિમેન્ટ (₹8,100 કરોડ) જેવા મોટા અધિગ્રહણ કર્યા.
• પોર્ટ:ગ્રુપે ગોપાલપુર પોર્ટ (₹3,080 કરોડ), કરાઈકલ પોર્ટ અને તાંઝાનિયાના દાર એસ સલામ પોર્ટ (₹330 કરોડ) ખરીદીને વિદેશમાં પણ વિસ્તરણ કર્યું.
• પાવર:લેન્કો અમરકંટક અને વિદર્ભ ઇન્ડસ્ટ્રીઝ જેવા એકમો ખરીદીને ઉર્જા ક્ષેત્રે પકડ મજબૂત કરી.

ભવિષ્યની યોજના: રૂ. 10 લાખ કરોડનું રોકાણ

વિશ્લેષકોના મતે, દેવાના ગુણોત્તરમાં સુધારો થવાથી રોકાણકારોનો ભરોસો પાછો ફર્યો છે. અદાણી ગ્રુપે આગામી 5 વર્ષમાં રૂ. 10 લાખ કરોડના કેપેક્સ (CapEx) પ્રોગ્રામની રૂપરેખા તૈયાર કરી છે. જેમાં ગ્રીનફિલ્ડ પ્રોજેક્ટ્સ અને ઈન્ફ્રાસ્ટ્રક્ચર, એનર્જી તથા લોજિસ્ટિક્સ પોર્ટફોલિયોમાં નવા વિસ્તરણનો સમાવેશ થાય છે.

આ પણ વાંચોઃ કોણ છે ઝાઈમા, જેની ચર્ચા તારિક રહેમાનના પાછા ફરવાથી બાંગ્લાદેશમાં તેજ બની

આ પણ વાંચોઃ ફોક્સકોન મુદ્દે ક્રેડિટ વોર: રાહુલ ગાંધીએ કર્ણાટક સરકારને વખાણી, કેન્દ્રીય મંત્રીએ કહ્યું- ‘મેક ઈન ઈન્ડિયા’ની સફળતા સ્વીકારવા આભાર!