સાવધાન! Aadhaar App વાપરતી વખતે આ 5 ભૂલો તમને પડી શકે છે ભારે, ડેટા લીક થવાનું વધી જશે જોખમ

નવી દિલ્હીઃ 24 ફેબ્રુઆરી, 2026: આધાર એપ (Aadhaar App) નો ઉપયોગ કરતી વખતે કરવામાં આવતી નાની બેદરકારી તમારા અંગત ડેટાને જોખમમાં મૂકી શકે છે. મોબાઈલ નંબર, સરનામું અને બેંક વિગતો જેવી સંવેદનશીલ માહિતી ખોટા હાથોમાં ન જાય તે માટે કેટલીક બાબતોનું ધ્યાન રાખવું અત્યંત જરૂરી છે.

ભૂલથી પણ ન કરો આ 5 મોટી ભૂલો

1. નકલી આધાર એપ ડાઉનલોડ કરવી સૌથી મોટી ભૂલ પ્લે સ્ટોર પર અસલી એપ જેવી જ દેખાતી નકલી એપ ડાઉનલોડ કરવાની છે. હંમેશા ડેવલપરનું નામ અને રિવ્યુ ચેક કરો. અજાણી લિંક પરથી ક્યારેય એપ ડાઉનલોડ ન કરો.

2. OTP શેર કરવાની ભૂલ આધાર સાથે જોડાયેલું કોઈપણ કામ OTP વગર શક્ય નથી. જો તમે કોઈ અજાણ્યા વ્યક્તિને ફોન કે મેસેજ પર OTP આપો છો, તો તે તમારા એકાઉન્ટમાં ઘૂસણખોરી કરી શકે છે. કોઈ પણ બેંક કે સરકારી અધિકારી ક્યારેય OTP માંગતા નથી.

3. પબ્લિક WiFi નો ઉપયોગ રેલ્વે સ્ટેશન, મોલ કે કેફેના ફ્રી WiFi પર ક્યારેય આધાર એપ લોગિન ન કરો. હેકર્સ આવા નેટવર્ક પર નજર રાખતા હોય છે. હંમેશા તમારા પર્સનલ મોબાઈલ ડેટાનો જ ઉપયોગ કરો.

4. મોબાઈલમાં સ્ક્રીન લોક ન હોવું જો તમારા ફોનમાં પાસવર્ડ, ફિંગરપ્રિન્ટ કે ફેસ લોક નથી અને ફોન ખોવાઈ જાય, તો કોઈ પણ સરળતાથી તમારી વિગતો જોઈ શકે છે. એપ લોક ફીચરનો પણ અવશ્ય ઉપયોગ કરો.

5. બાયોમેટ્રિક લોક ફીચર બંધ રાખવું આધાર એપમાં Biometric Lock ની સુવિધા હોય છે. જો તે બંધ હોય તો તમારી ફિંગરપ્રિન્ટનો દુરુપયોગ થઈ શકે છે. એપમાં જઈને આ ફીચર ઓન રાખો અને જ્યારે જરૂર હોય ત્યારે જ તેને ટેમ્પરરી અનલોક કરો.

ઘણા લોકો e-Aadhaar ડાઉનલોડ કરી પાસવર્ડ હટાવ્યા વગર ફાઈલ ગમે ત્યાં શેર કરી દે છે, જે સુરક્ષાની દ્રષ્ટિએ જોખમી છે.