WPL ઓક્શન 2026: દીપ્તિ શર્મા ₹3.20 કરોડમાં વેચાઈ, પણ IPLની તુલનામાં મહિલા ખેલાડીઓ હજુ પાછળ

નવી દિલ્હી: વિમેન્સ પ્રીમિયર લીગ (WPL)ની બીજી સીઝન માટેનું મેગા ઓક્શન આજે દિલ્હીમાં સંપન્ન થયું, જેમાં કુલ 277 ખેલાડીઓ પર બોલી લગાવવામાં આવી. આ હરાજીમાં 194 ભારતીય અને 83 વિદેશી ખેલાડીઓનો સમાવેશ થતો હતો. આ ઓક્શનમાં ભારતીય ઓલરાઉન્ડર દીપ્તિ શર્મા સૌથી વધુ ચર્ચામાં રહી, જેમણે પોતાના નામે વધુ એક મોટો રેકોર્ડ નોંધાવ્યો.

WPL 2026 માટે UP Warriorzએ રાઈટ ટુ મેચ (RTM)નો ઉપયોગ કરીને દીપ્તિ શર્માને ₹3.20 કરોડમાં પોતાની ટીમમાં પાછી સામેલ કરી. આ બોલી તેમને લીગના ઇતિહાસની બીજી સૌથી મોંઘી ભારતીય ખેલાડી બનાવે છે.

WPL 2026માં વિદેશી ખેલાડીઓની લોટરી

દીપ્તિ શર્મા ઉપરાંત અન્ય વિદેશી સ્ટાર ખેલાડીઓએ પણ આ હરાજીમાં મોટી રકમ મેળવી હતી, જે નીચે મુજબ છે:

આ મોટી બોલીઓ મહિલા ક્રિકેટમાં વધતા રોકાણ અને ખેલાડીઓની પ્રતિભાના મૂલ્યને દર્શાવે છે, પરંતુ જ્યારે તેની સરખામણી ઈન્ડિયન પ્રીમિયર લીગ (IPL) સાથે કરવામાં આવે છે, ત્યારે રકમનો મોટો તફાવત સ્પષ્ટપણે દેખાઈ આવે છે.

IPL 2025: પુરુષ ખેલાડીઓ WPL કરતા 8 ગણા આગળ

WPLના ટોપ પ્રાઇસની તુલના IPL સાથે કરીએ તો આ અંતર સ્પષ્ટપણે દેખાય છે. IPL 2025માં સૌથી મોંઘા ખેલાડીઓની બોલી WPLની તુલનામાં અનેકગણી વધારે હતી.

IPL 2025ની હરાજીમાં ટોચના ખેલાડીઓની કિંમત આ મુજબ હતી:

જ્યાં WPL 2026ની સૌથી ઊંચી બોલી ₹3.20 કરોડ છે, ત્યાં IPL 2025ની સૌથી ઊંચી બોલી ₹27 કરોડ સુધી પહોંચી હતી. આનો અર્થ એ છે કે IPLનું ટોપ પ્રાઇસ WPLના ટોપ પ્રાઇસ કરતાં લગભગ 8 થી 9 ગણું વધારે છે.

જોકે WPL હજી તેની શરૂઆતના તબક્કામાં છે, આ તફાવત દર્શાવે છે કે મહિલા ક્રિકેટને હજી પણ પુરુષ ક્રિકેટની સમાન કમાણી સુધી પહોંચવા માટે લાંબી મજલ કાપવાની છે.