WhatsApp યુઝર્સ આનંદો, સ્ટેટસ અપડેટ માટે શાનદાર ફિચર; જોઈને તમે પણ કહેશો વાહ ભાઈ વાહ

HD ન્યુઝ ડેસ્ક, 17 એપ્રિલ 2025 :    WhatsApp સ્ટેટસ અપડેટ્સ માટે એક શક્તિશાળી ફીચર આવી ગયું છે. આ ફીચરના આગમન સાથે, યુઝર્સ તેમના સ્ટેટસ અપડેટમાં 90 સેકન્ડ સુધીના વીડિયો પોસ્ટ કરી શકશે. હવે યુઝર્સને સ્ટેટસ અપડેટમાં મૂકવા માટે લાંબા વીડિયો કન્ટેન્ટને અલગ અલગ ભાગોમાં વિભાજીત કરવાની જરૂર રહેશે નહીં. વોટ્સએપમાં આ નવા ફીચર વિશે માહિતી WABetaInfo દ્વારા આપવામાં આવી છે. WABetaInfo એ એન્ડ્રોઇડ 2.25.12.9 માટે WhatsApp બીટામાં આ નવી સુવિધા જોઈ અને તેનો સ્ક્રીનશોટ પણ શેર કર્યો. શેર કરેલા સ્ક્રીનશોટમાં, તમે વીડિયો સ્ટેટસ લિમિટ વધારવાની સુવિધા જોઈ શકો છો.

હવે તમે તમારા સ્ટેટસ અપડેટમાં 1.30 મિનિટ સુધીના વીડિયો પોસ્ટ કરી શકો છો
વોટ્સએપમાં આ નવા ફીચરથી વીડિયો સ્ટેટસનો સમયગાળો 60 સેકન્ડથી વધારીને 90 સેકન્ડ કરવામાં આવ્યો છે. વીડિયો સ્ટેટસનું ડ્યૂરેશન વધારીને, યુઝર્સ હવે વીડિયો સ્ટેટસ અપડેટ્સમાં પોતાની લાગણીઓ વધુ સારી રીતે વ્યક્ત કરી શકશે. ગયા વર્ષે, કંપનીએ વીડિયો સ્ટેટસ અપડેટ 30 સેકન્ડથી વધારીને 1 મિનિટ કર્યું હતું. કંપની ધીમે ધીમે નવા ફિચર રોલઆઉટ કરી રહી છે. આગામી દિવસોમાં બીટા વર્ઝન બધા યુઝર્સ સુધી પહોંચશે.

📝 WhatsApp beta for Android 2.25.12.9: what's new?

WhatsApp is rolling out a feature to share video status updates up to 90 seconds long, and it's available to some beta testers!
Some users can get this feature by installing certain previous updates.https://t.co/qff05DwuZJ pic.twitter.com/mWl8vRsESO

— WABetaInfo (@WABetaInfo) April 14, 2025

સ્ટેબલ વર્ઝન ટૂંક સમયમાં રોલઆઉટ થઈ શકે છે
જો તમે બીટા યુઝર છો, તો તમે તમારા સ્ટેટસ અપડેટમાં 90-સેકન્ડનો વીડિયો પોસ્ટ કરીને આ સુવિધા ચકાસી શકો છો. જો વીડિયો સ્ટેટસ અપડેટમાં સામેલ છે, તો આ સુવિધા તમારા સુધી પહોંચી ગઈ છે. જોકે, જો તમે આ કરી શકતા નથી, તો આવનારા દિવસોમાં તે તમારા સુધી પહોંચી શકે છે. WhatsApp કેટલાક યુઝર્સને તેમના ડિવાઈસ સુધી આ સુવિધા પહોંચવા વિશે મેસેજ મોકલીને સૂચિત કરી રહ્યું છે. કંપની આ સુવિધાનું બીટા પરીક્ષણ કરી રહી છે. બીટા પરીક્ષણ પૂર્ણ થયા પછી, તેનું સ્ટેબલ વર્ઝન દરેક માટે રિલીઝ કરવામાં આવશે.

એડવાન્સ ચેટ પ્રાઈવસી ફિચરને મેનેજ કરવાનો ઓપ્શન
વોટ્સએપ ટૂંક સમયમાં યુઝર્સની ચેટ પ્રાઇવસી માટે એક નવું ફીચર લાવી શકે છે. WABetaInfo અનુસાર, WhatsApp સત્તાવાર બીટા રિલીઝ પહેલા તેની એડવાન્સ ચેટ પ્રાઈવસી ફિચરને રિફાઈન કરી રહ્યું છે. એકવાર તે રોલઆઉટ થઈ ગયા પછી, યુઝર્સ એડવાન્સ્ડ ચેટ પ્રાઈવસી ફિચર રિફાઈન કરી શકશે. WABetaInfo એ એન્ડ્રોઇડ 2.25.12.21 માટે WhatsApp બીટામાં આ સુવિધા જોઈ છે. WABetaInfo એ આનો સ્ક્રીનશોટ પણ શેર કર્યો છે. આમાં તમે ઓન-ઓફ ટૉગલ સાથે એડવાન્સ્ડ ચેટ પ્રાઇવસીનો વિકલ્પ જોઈ શકો છો.

રિપોર્ટ અનુસાર, જો એડવાન્સ્ડ ચેટ પ્રાઇવસી વિકલ્પ સક્રિય કરવામાં આવે છે, તો ઈમેજીસ અને વીડિયોઝ જેવી મીડિયા ફાઇલો ડિવાઈસની ગેલેરીમાં આપમેળે સેવ થશે નહીં. ઉપરાંત, જો યુઝર્સે કોઈપણ ચેટ માટે આ સુવિધા સક્રિય કરી હોય, તો તે ચેટની પૂરી હીસ્ટ્રીને એક્સપોર્ટ કરી શકાશે નહીં. વોટ્સએપનું આ અપકમિંગ ફીચર ચેટ અને ગ્રુપ માટે વૈકલ્પિક રહેશે.

આ પણ વાંચો : અસુરક્ષિત અમદાવાદ? અસામાજિક તત્વોએ જાહેરમાં યુવકનું અપહરણ કરી…