Gujarat Weather Update: ગુજરાતમાં કુદરત જાણે રૂઠી હોય તેમ ભર ઉનાળે ફરી એકવાર માવઠાની આગાહી કરવામાં આવી છે. અમદાવાદ સહિત સમગ્ર રાજ્યમાં અત્યારે જ્યારે કાળઝાળ ગરમીનો પ્રકોપ જોવા મળી રહ્યો છે, ત્યારે હવામાન વિભાગે ધમધોખતા તાપ વચ્ચે કમોસમી વરસાદની આગાહી કરતા ખેડૂતોમાં ચિંતા વ્યાપી ગઈ છે. હવામાન વિભાગના જણાવ્યા અનુસાર, આગામી ૨૯ અને ૩૦ માર્ચ ૨૦26 દરમિયાન રાજ્યના વાતાવરણમાં મોટો પલટો આવવાની શક્યતા છે.
આ જિલ્લાઓમાં ગાજવીજ સાથે વરસાદની આગાહી
હવામાન ખાતાની આગાહી મુજબ, ખાસ કરીને ઉત્તર ગુજરાત અને સરહદી વિસ્તારોમાં વરસાદી માહોલ જામશે. ૨૯ માર્ચના રોજ કચ્છ અને બનાસકાંઠામાં માવઠાની શરૂઆત થઈ શકે છે. જ્યારે ૩૦ માર્ચના રોજ આ અસર વિસ્તરીને પાટણ, સાબરકાંઠા, અરવલ્લી, દાહોદ અને મહીસાગર જિલ્લાઓ સુધી પહોંચશે. આ વિસ્તારોમાં ગાજવીજ સાથે હળવોથી મધ્યમ વરસાદ પડી શકે છે. આ બે દિવસ માટે તંત્ર દ્વારા ‘યલો એલર્ટ’ જાહેર કરવામાં આવ્યું છે. વરસાદની સાથે ૩૦ થી ૪૦ કિમી પ્રતિ કલાકની ઝડપે પવન ફૂંકાવાની પણ શક્યતા સેવાઈ રહી છે.
— IMD Ahmedbad (@IMDAHMEDABAD) March 26, 2026
” data-index-in-node=”0″>કેમ સર્જાયું માવઠાનું જોખમ?
હવામાન નિષ્ણાતોના જણાવ્યા અનુસાર, હાલમાં બે ‘અપર એર સાયક્લોનિક સર્ક્યુલેશન’ સિસ્ટમ સક્રિય થઈ છે. આ સિસ્ટમની સાથે વેસ્ટર્ન ડિસ્ટર્બન્સ પણ ગુજરાતના વાતાવરણ પર અસર કરશે, જેના કારણે માર્ચના અંતમાં કમોસમી વરસાદી માહોલ સર્જાશે. જોકે, રાહતની વાત એ છે કે આગામી ૭ દિવસ સુધી તાપમાનમાં કોઈ મોટો વધારો જોવા નહીં મળે, ઉલટું વરસાદી માહોલને કારણે મહત્તમ તાપમાનમાં ૨ થી ૩ ડિગ્રીનો ઘટાડો થઈ શકે છે. પવનની દિશા ઉત્તર-પશ્ચિમ તરફની રહેતા દરિયાકાંઠાના વિસ્તારોમાં પણ હલચલ જોવા મળશે, જેના કારણે માછીમારોને દરિયો ન ખેડવા સૂચના અપાઈ છે.
ખેડૂતોની ચિંતામાં વધારો
મહત્ત્વનું છે કે, અગાઉ ૧૯ અને ૨૦ માર્ચે પણ આંધી-વંટોળ સાથે થયેલા વરસાદે અનેક તાલુકાઓમાં કહેર વરસાવ્યો હતો, જેમાં ઉનાળુ પાક અને બાગાયતી પાકોને મોટું નુકસાન થયું હતું. હવે ફરીથી માવઠાની આગાહી થતા તૈયાર પાકને બચાવવા ખેડૂતો મથામણ કરી રહ્યા છે.
ગરમીનો વર્તમાન પારો
ગરમીની વાત કરીએ તો, હાલમાં રાજ્યના અનેક શહેરોમાં તાપમાન ૩૭ થી ૩૮ ડિગ્રીની આસપાસ નોંધાઈ રહ્યું છે. સૌથી વધુ તાપમાન અમરેલીમાં ૩૮.૫ ડિગ્રી નોંધાયું છે, જ્યારે અમદાવાદમાં ૩૭ ડિગ્રી, ગાંધીનગરમાં ૩૬.૫ ડિગ્રી અને રાજકોટમાં ૩૦ ડિગ્રી તાપમાન રહ્યું છે. કંડલામાં લઘુતમ તાપમાન ૧૮.૬ ડિગ્રી નોંધાતા રાત્રિના સમયે સામાન્ય ઠંડક અનુભવાઈ રહી છે.
અમારી WhatsApp ચેનલમાં જોડાવા આ લિંક પર ક્લીક કરો
આ પણ વાંચો: Bharuch: સાયખા GIDCની લુના કેમિકલમાં અકસ્માત, ધુમાડાના ગોટેગોટા ઉડતા શ્રમિકોમાં ભાગદોડ
