22 વર્ષનો સિરિયલ કિલર, કાળા કપડાં પહેરી મહિલાઓ પર કરતો હુમલો, પ્રેમમાં દગો મળતા બની ગયો હત્યારો

ઉત્તર પ્રદેશઃ 16 ઓક્ટોબર, 2025: ઉત્તર પ્રદેશના ગોરખપુર જિલ્લા જેલમાં એક એવો કેદી બંધ છે, જેને માત્ર કાળા કપડાં પહેરવાનો શોખ છે અને મહિલાઓ પર હુમલો કરીને તેમને પીડામાં જોઈને તેને ખૂબ આનંદ આવે છે. પ્રેમમાં દગો ખાધેલો આ યુવાન કેદી જેલમાં બંધ હોવા છતાં, તેની હરકતો અહીં પણ યથાવત છે. જેલ વહીવટી તંત્ર તેના પર ખાસ નજર રાખે છે. તેને રાત્રે પણ ઊંઘ આવતી નથી અને ઘણીવાર મોંથી બીટબોક્સિંગ કરીને અન્ય કેદીઓનું મનોરંજન પણ કરે છે.

હત્યારાની લવ સ્ટોરી

બાસગાંવ પોલીસ સ્ટેશન વિસ્તારના ઝંગહા સ્થિત મંગલપુર ટોલાનો રહેવાસી અજય નિષાદ ધોરણ 10 સુધી ભણેલો છે. વર્ષ 2022 દરમિયાન તેને એક યુવતી સાથે પ્રેમ થયો, એક દિવસ તે તેને મળવા તેના ઘરે પહોંચ્યો. પરંતુ પરિજનોએ તેને પકડી લીધો અને ખૂબ માર માર્યો, તેનું મોં કાળું કરીને પોલીસને સોંપી દીધો. અજયનું કહેવું છે કે આ દરમિયાન તેની પ્રેમિકાએ પણ તેનો સાથ ન આપ્યો અને મોં ફેરવી લીધું. 6 મહિના સુધી જેલના સળિયા પાછળ રહ્યા પછી 2024માં જ્યારે તે જામીન પર બહાર આવ્યો, ત્યારે તેને યુવતીઓ અને મહિલાઓ પ્રત્યે નફરત થઈ ગઈ હતી.

હુમલો કરીને ચહેરો બગાડી દેતો

સૂમસામ વિસ્તારમાં જ્યારે પણ કોઈ મહિલાને જોતો, તેના પર હુમલો કરતો અને ચહેરો બગાડીને છોડી દેતો. અજયના કહેવા મુજબ, તેને આવું કરવામાં ખૂબ આનંદ આવતો હતો અને જ્યારે પણ તે મહિલાઓને પીડાતી જોતો ત્યારે તેને સંતોષ મળતો. આ દરમિયાન તે ખુલ્લા પગે રહેતો, જેના કારણે તેને હુમલો કરીને ભાગવામાં સરળતા રહેતી. અત્યાર સુધીમાં તે પાંચ મહિલાઓ પર હુમલો કરી ચૂક્યો હતો, જેમાં એકનું મૃત્યુ પણ થયું હતું.

કાળા કપડાંમાં કરતો હત્યા

આ દરમિયાન એક બીજી ખાસ વાત એ હતી કે તે માત્ર કાળા કપડાં જ પહેરતો હતો અને એવી જગ્યા પસંદ કરતો જ્યાં સીસીટીવી કેમેરા ન લાગેલા હોય. પોલીસ તેની સતત શોધ કરી રહી હતી, પરંતુ તે પકડમાં આવતો નહોતો. જુલાઈ 2025માં તેણે આવી જ એક ઘટનાને અંજામ આપતા એક યુવતી પર જીવલેણ હુમલો કરીને તેને ઘાયલ કરી દીધી. પરંતુ આ વખતે તે પોલીસની પકડમાંથી બચી શક્યો નહીં અને પકડાઈ ગયો. ત્યારથી તે જેલની સળિયા પાછળ છે.

કાળા કપડાંની કરે છે ડિમાન્ડ

હુમલો કરતી વખતે કાળા કપડાં પહેરવાની વાતનો ખ્યાલ ત્યારે આવ્યો જ્યારે તે જેલમાં મળવા આવતા પરિજનો પાસેથી માત્ર કાળા કપડાંની માંગ કરતો અને કહેતો કે કાળા કપડાં લાવવાનું ભૂલતા નહીં. ખાસ કરીને શનિવારના દિવસે તે કાળા કપડાં જરૂર પહેરે છે. તેનું માનવું છે કે આ શનિદેવનો દિવસ છે જે તેની રક્ષા કરશે.

આ અંગે જેલ અધિક્ષક દિલીપ પાંડેનું કહેવું છે કે સાયકો કિલર અજય નિષાદ પર વિશેષ નજર રાખવામાં આવે છે. તે રાત્રે પણ જલ્દી સૂતો નથી, ક્યારેક-ક્યારેક મોંમાંથી ડીજેનો અવાજ પણ કાઢે છે. જાણવા મળ્યું છે કે તે ડીજેનો વ્યવસાય પણ કરતો હતો અને તેનો શોખીન છે. આને કારણે તે અન્ય કેદીઓમાં પણ લોકપ્રિય છે.

પરિજનોને તે અવારનવાર કહે છે કે, ‘હું ક્યારે જેલમાંથી બહાર આવીશ?’ ઘરના લોકો પણ તેને દિલાસો આપે છે કે જલ્દી જ છૂટી જશે. પરિજનોનું કહેવું છે કે અજય નિર્દોષ છે, હત્યારો નથી. પરિસ્થિતિઓને કારણે આવું કરી રહ્યો છે. જેલ અધિક્ષકનું કહેવું છે કે તે ક્યારે હુમલાખોર બની જાય તેનું કંઈ નક્કી નથી, તેથી તેના પર વિશેષ નજર રાખવામાં આવે છે.

આ પણ વાંચો:શું તમારી કારનું સસ્પેન્શન ખરાબ થઈ રહ્યું છે, આખી એસેમ્બલી બદલતા પહેલા આ મહત્વપૂર્ણ બાબત જાણી લો

આ પણ વાંચો: નકલી દસ્તાવેજોના આધારે 30 વર્ષથી ભારતમાં રહેતી બાંગ્લાદેશી કિન્નર, ‘ગુરુ મા’ તરીકે પૂજતા હતા લોકો