વ્હાઇટ હાઉસમાં ટ્રમ્પનો પુજાપાઠ, ઈરાન સાથેના યુદ્ધ વચ્ચે ટ્રમ્પે ભગવાન પાસે માંગી શક્તિ, Video

ઈરાન સાથે ચાલી રહેલા તણાવ વચ્ચે અમેરિકાના રાષ્ટ્રપતિ ડોનાલ્ડ ટ્રમ્પે પોતાના કાર્યાલયમાં ખ્રિસ્તી પદ્ધતિથી પુજા કરી છે. આ ઘટનાનો વિડિયો સોશિયલ મીડિયામાં ઝડપથી વાયરલ થઈ રહ્યો છે. આ પહેલી વાર છે કે જાહેર રીતે ટ્રમ્પને ઓવલ ઓફિસમાં પ્રાર્થના કરતા જોવામાં આવ્યા છે. ટ્રમ્પે દેશની સુરક્ષા અને રાષ્ટ્રની રક્ષા માટે આ પુજા કરી હોવાનું કહેવામાં આવે છે. વ્હાઇટ હાઉસમાં ટ્રમ્પના સહાયક ડેન સ્કેવિનોએ વીડિયો શેર કર્યો અને લખ્યું – “God Bless America.”

અમેરિકન મીડિયા મુજબ ડોનાલ્ડ ટ્રમ્પે પ્રાર્થના માટે ઓવલ ઓફિસમાં અમેરિકાના અનેક ખ્રિસ્તી પાદરીઓને આમંત્રિત કર્યા હતા. આ બાદ ટ્રમ્પ પોતાની ઓફિસમાં પોતાની સીટ પર બેઠા. ત્યારબાદ પાદરીઓની હાજરીમાં પ્રાર્થનાની પ્રક્રિયા શરૂ કરવામાં આવી. આ પ્રાર્થના રાષ્ટ્રની સુરક્ષા અને શાંતિ માટે કરવામાં આવી હોવાનું જણાવવામાં આવે છે. આ સમગ્ર કાર્યક્રમ વ્હાઇટ હાઉસમાં યોજાયો હતો અને તેનો વિડિયો સોશિયલ મીડિયામાં ઝડપથી વાયરલ થઈ રહ્યો છે.

પુજા દરમિયાન એક પાદરીએ અમેરિકા અને તેના નેતૃત્વ માટે ખાસ દુઆ કરી હતી. પાદરીએ કહ્યું કે તેઓ ભગવાન પાસે પ્રાર્થના કરે છે કે તેઓ અમેરિકા પર પોતાની કૃપા અને સુરક્ષા જાળવી રાખે. તેમણે આગળ કહ્યું કે, “હું પ્રાર્થના કરું છું કે તમે અમારા સૈનિકો અને અમારા સશસ્ત્ર દળોમાં સેવા આપતા બધા પુરુષો અને સ્ત્રીઓ પર તમારી કૃપા અને રક્ષણ વરસાવતા રહો.” પાદરીએ વધુમાં પ્રાર્થના કરતાં કહ્યું: “હે ભગવાન, અમે પ્રાર્થના કરીએ છીએ કે તમે અમારા રાષ્ટ્રપતિ ડોનાલ્ડ ટ્રમ્પને અમારા દેશનું નેતૃત્વ કરવા માટે જરૂરી શક્તિ અને માર્ગદર્શન આપતા રહો.” આ પ્રાર્થના ઓવલ ઓફિસમાં યોજાઈ હતી, જ્યાં દેશની સુરક્ષા અને સૈનિકોની સલામતી માટે દુઆ કરવામાં આવી હતી.

Happening Now in the Oval Office at the @WhiteHouse.

God Bless the USA!

🙏❤️🇺🇸🦅 pic.twitter.com/Ebi7DnAnhK

— Dan Scavino (@Scavino47) March 5, 2026

5 વર્ષ પછી ફરી યુદ્ધમાં ફસાયું અમેરિકા

2021 માં, અમેરિકાએ અફઘાનિસ્તાનમાંથી પોતાના સૈનિકો પાછા ખેંચવાનો નિર્ણય લીધો. આ પછી, અમેરિકા ક્યાંય પણ સીધા યુદ્ધના મેદાનમાં ઉતર્યું નથી. હવે, 2026 માં, ઈરાન સાથે તેનું યુદ્ધ શરૂ થઈ ગયું છે. અમેરિકા પોતે આ યુદ્ધમાં ઉતર્યું છે.

ઈરાન યુદ્ધમાં અત્યાર સુધીમાં છ અમેરિકી સૈનિકો માર્યા ગયા છે. એક્સિઓસના સર્વે મુજબ, 50 ટકાથી વધુ અમેરિકનો યુદ્ધનો વિરોધ કરે છે.

બીજી તરફ, ટ્રમ્પ પર મિડલ ઈસ્ટના મુસ્લિમ દેશોનું પણ દબાણ છે. એસોસિએટેડ પ્રેસના જણાવ્યા અનુસાર, બે ગલ્ફ દેશોએ ટ્રમ્પ પ્રત્યે નારાજગી વ્યક્ત કરી છે. ચાલી રહેલા ઈરાન-અમેરિકા યુદ્ધમાં તેહરાને 12 આરબ દેશો પર હુમલો કર્યો છે.

આ પણ વાંચો: ‘અમે ભારત સાથે ચીન જેવી ભૂલ નહીં કરીએ…’, વેપાર કરાર પર ટ્રમ્પના ખાસ ક્રિસ્ટોફરનું મોટું નિવેદન