આ ભારતીય કંપની લાવશે કેમેરા વાળો AI સ્માર્ટ ગ્લાસ, વોઇસ કમાંડથી થશે પેમેન્ટ

નવી દિલ્હી, 7 નવેમ્બર, 2025: ભારતીય કંપની લેન્સકાર્ટ પોતાના AI કેમેરા સ્માર્ટગ્લાસ સાથે સ્માર્ટ વેરેબલ માર્કેટમાં ઝંપલાવવાની તૈયારી કરી રહી છે. કંપનીના સ્માર્ટગ્લાસનું નામ B હશે અને તેને ડિસેમ્બરમાં લોન્ચ કરવામાં આવશે. કંપનીનું કહેવુ છે કે આ ડિવાઇસમાં કંફર્ટની સાથે સાથે અદ્યતન ટેકનોલોજી મળશે. તેમજ તે તેના AI અને કેમેરા ટેકનોલોજીને ડેવલપર્સ અને બીજી કન્ઝ્યુમર એપ્સ માટે ઍક્સેસિબલ બનાવશે, જેનો અર્થ છે કે ફૂડ ડિલીરી, ફિટનેસ અને એન્ટરટેઇનમેન્ટ વગેરે એપ્સમાં તે સ્માર્ટગ્લાસને ઇંટીગ્રેટ કરી શકાશે, તેનાથી ફક્ત લાઇફસ્ટાઇલ ગેઝેટ બનીને નહી રહેતા મલ્ટીપર્પઝ વેરેબલ ડિવાઇસ બની જશે.

આ હશે ફીચર્સ

લેન્સકાર્ટના B સ્માર્ટગ્લાસમાં સ્નેપડ્રેગન AR1 Gen 1 ચિપસેટનો ઉપયોગ કરવામાં આવશે. તેમાં હેન્ડ્સ-ફ્રી ફોટો અને વિડિયો કેપ્ચર માટે સોની કેમેરા હશે. તેમાં ગુગલ જેમિની પર ચાલતું બિલ્ટ-ઇન AI આસિસ્ટન્ટ પણ હશે. તે માણસોની જેમ વપરાશકર્તાઓ સાથે વાતચીત કરી શકશે, હેન્ડ્સ-ફ્રી UPI ચુકવણી જેવા વિવિધ કાર્યો કરી શકશે અને લાઇવ ટ્રાન્સલેશન કરી શકશે.

માત્ર 40 ગ્રામ વજન

લેન્સકાર્ટ કહે છે કે સ્માર્ટગ્લાસ કંફોર્ટને ધ્યાનમાં રાખીને ડિઝાઇન કરવામાં આવ્યા છે અને તેનું વજન ફક્ત 40 ગ્રામ હશે. આ બજારમાં પહેલાથી ઉપલબ્ધ ઘણા સ્માર્ટગ્લાસ કરતાં 20 ટકા હળવા છે. કંપની કહે છે કે તેનો ઉદ્દેશ્ય ભારતનો પ્રથમ ફુલ-સ્ટેક પહેરી શકાય તેવો ઇકોસિસ્ટમ બનાવવાનો છે. આ માટે, તેણે અનેક ટેકનોલોજી સ્ટાર્ટઅપ્સમાં રોકાણ કર્યું છે.

મેટા રે-બેન સ્માર્ટગ્લાસ સ્પર્ધાનો સામનો કરશે

લેન્સકાર્ટના B સ્માર્ટગ્લાસ સીધી મેટા રે-બેન સ્માર્ટગ્લાસ સાથે સ્પર્ધા કરશે. રે-બેન મેટા જનરલ 1 સ્માર્ટગ્લાસ 21 નવેમ્બરે ભારતમાં લોન્ચ થઈ રહ્યા છે અને ફ્લિપકાર્ટ, એમેઝોન અને રિલાયન્સ ડિજિટલ દ્વારા વેચવામાં આવશે. તેઓ મેટા AIનો સમન્વય કરે છે, જેનાથી વપરાશકર્તાઓ પ્રશ્નો પૂછી શકે છે અને સુવિધાઓને નિયંત્રિત કરી શકે છે. UPI લાઇટ પેમેન્ટ સપોર્ટ ટૂંક સમયમાં ઉમેરવામાં આવશે, જેનાથી વોઇસ કમાન્ડ દ્વારા રૂ. 1,000 સુધીની ચુકવણી કરી શકાશે.

આ પણ વાંચોઃ ચાંદી મુદ્દે અમેરિકાની મોટી ઘોષણા, ભારત અને દુનિયા પર થશે અસર