એરટેલ અને વોડાફોનને સુપ્રીમ કોર્ટનો ઝટકો, AGR મામલે અરજી ફગાવી
નવી દિલ્હી, 20 મે, 2025: સુપ્રીમ કોર્ટે સંદેશાવ્યવહાર કંપની વોડા-આઇડીયા, એરટેલ અને ટાટા ટેલિસર્વિસીઝની બાકી એડજસ્ટેડ ગ્રોસ રેવન્યુ (AGR) માફ કરવાની અરજી ફગાવી દીધી હતી. જસ્ટીસ જેબી પારડીવાલા અને જસ્ટીસ આર.મહાદેવની ખંડપીઠે આ અરજી ફગાવી દેતા કહ્યુ કે અરજી ખોટી રીતે તૈયાર કરવામાં આવી છે. ખંડપીઠે વોડાફોનના વકીલ મુકુલ રોહતગીને કહ્યુ કે અમારી પાસે આવેલી અમે આ અરજીઓથી ખરેખર હેરાન છીએ, એક બહુરાષ્ટ્રીય કંપની પાસેથી આવી આશા રાખી શકાય નહી તેથી અમે ફગાવી દઇએ છીએ.
વોડા-એરટેલને ઝટકો
સુપ્રીમ કોર્ટે ટેલિકોમ કંપનીઓને મદદ કરવાની સરકારની ઇચ્છાના માર્ગમાં આવવાનો ઇનકાર કર્યો હતો. વોડાફોને તેના AGR લેણાં પર વ્યાજ, દંડ અને દંડ પરના વ્યાજ પર લગભગ 30,000 કરોડ રૂપિયાની માફી માંગી છે. મુકુલ રોહતગીએ અગાઉ કહ્યું હતું કે ટેલિકોમ ક્ષેત્રમાં સ્પર્ધા જાળવી રાખવા માટે અરજદાર કંપનીનું અસ્તિત્વ જરૂરી છે. તેમણે કહ્યું કે તાજેતરમાં વ્યાજ લેણાંને ઇક્વિટીમાં રૂપાંતરિત કર્યા પછી, કેન્દ્ર હવે કંપનીમાં 49 ટકા હિસ્સો ધરાવે છે.
કંપનીએ અરજીમાં જણાવ્યું હતું કે, “હાલની અરજીમાં, નિર્ણયની સમીક્ષાની માંગ કરવામાં આવી નથી, પરંતુ નિર્ણય હેઠળ વ્યાજ, દંડ અને દંડ પર વ્યાજની ચુકવણીમાંથી મુક્તિ માંગવામાં આવી છે.” અરજદારે કેન્દ્રને ન્યાયી અને જાહેર હિતમાં કામ કરવા અને AGR લેણાં પર વ્યાજ, દંડ અને દંડ પર વ્યાજ ચૂકવવાનો આગ્રહ ન રાખવાનું કહેવામાં આવે તેવી માંગ કરી હતી.
એ નોંધવું યોગ્ય છે કે એડજસ્ટેડ ગ્રોસ રેવન્યુ (AGR) એ ટેલિકોમ કંપનીઓ પાસેથી ટેલિકોમ વિભાગ, સંચાર મંત્રાલય દ્વારા એકત્રિત કરવામાં આવતી ઉપયોગ અને લાઇસન્સિંગ ફી છે. સરકારે તેના સ્પેક્ટ્રમ અને AGR લેણાંના એક ભાગને ઇક્વિટીમાં રૂપાંતરિત કર્યા હોવા છતાં, વોડાફોન આઈડિયા પર હજુ પણ 1.95 લાખ કરોડ રૂપિયાનું દેવું છે.
આ પણ વાંચોઃ આર્થિક મોરચે ભારત માટે ખરાબ સમાચાર, ઇકરાએ ઘટાડ્યો જીડીપી વૃદ્ધિ દર
