હોર્મુઝ તણાવ પર સરકાર એક્શનમાં, PM મોદીએ મંત્રીઓ સાથે કરી મહત્વની બેઠક

Strait of Hormuz :પશ્ચિમ એશિયામાં વધતા તણાવ અને હોર્મુઝ (Hormuz Strait) સાથે જોડાયેલી પરિસ્થિતિને ધ્યાનમાં રાખીને કેન્દ્ર સરકાર પૂરેપૂરી એલર્ટ થઈ ગઈ છે. આ જ મુદ્દે પ્રધાનમંત્રી નરેન્દ્ર મોદીએ મંત્રીઓ અને અધિકારીઓ સાથે એક ઉચ્ચ સ્તરીય બેઠક યોજી હતી.

આ બેઠકમાં દેશની ઊર્જા સુરક્ષા (Energy Security), ખાતરની ઉપલબ્ધતા, ભારતીય નાવિકોની સુરક્ષા અને નિકાસ (Export) પર પડનારી અસર જેવા મહત્વના મુદ્દાઓ પર વિગતવાર ચર્ચા કરવામાં આવી હતી. પ્રધાનમંત્રીએ સ્પષ્ટ શબ્દોમાં જણાવ્યું હતું કે કોઈપણ પરિસ્થિતિમાં સામાન્ય જનતા અને ખેડૂતોને મુશ્કેલી પડવા દેવામાં આવશે નહીં.

બેઠકમાં પ્રધાનમંત્રી મોદીએ જણાવ્યું કે દુનિયાના કોઈ પણ ખૂણામાં કામ કરી રહેલા દરેક ભારતીય નાવિકની સુરક્ષા સરકારની સર્વોચ્ચ પ્રાથમિકતા છે. તેમણે ઉમેર્યું કે તેનાથી કોઈ ફરક નથી પડતો કે તેઓ ભારતીય જહાજ પર તૈનાત છે કે કોઈ વિદેશી જહાજ પર; જરૂર પડવા પર સરકાર તમામ શક્ય સહાય પૂરી પાડશે.

પેટ્રોલિયમ મંત્રાલયને આપ્યા મહત્વના નિર્દેશો

હોર્મુઝ સંકટની સૌથી વધુ અસર કાચા તેલ (ક્રૂડ ઓઈલ) અને ગેસના પુરવઠા પર પડી શકે છે. આ બાબતને ધ્યાનમાં રાખીને પ્રધાનમંત્રીએ પેટ્રોલિયમ મંત્રાલયની તૈયારીઓની સમીક્ષા કરી હતી. તેમણે દેશમાં PNG ના ઉપયોગને વધુ ઝડપથી વધારવા પર ભાર મૂક્યો, જેથી ઊર્જા પુરવઠો મજબૂત બનેલો રહે અને કોઈ પણ સંભવિત સંકટની અસરને ઓછી કરી શકાય.

અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X

ખેડૂતો માટે ખાતરની વ્યવસ્થા પર ભાર

બેઠકમાં કૃષિ ક્ષેત્રની તૈયારીઓ અંગે પણ ચર્ચા કરવામાં આવી હતી. પ્રધાનમંત્રીએ જણાવ્યું કે આગામી રવિ પાક માટે પૂરતા પ્રમાણમાં ખાતરનો જથ્થો (સ્ટોક) ઉપલબ્ધ છે. આ સાથે ૨૦૨૭ના ખરીફ પાક માટે પણ ખાતરનો રિઝર્વ સ્ટોક તૈયાર કરવાનું કામ ચાલી રહ્યું છે. સરકારનો મુખ્ય ઉદ્દેશ્ય એ છે કે ખેડૂતોને કોઈપણ પ્રકારની ખાતરની અછતનો સામનો ન કરવો પડે.

નિકાસ અને અર્થતંત્ર પર પણ થઈ ચર્ચા

હોર્મુઝ સંકટની અસર ભારતના નિકાસ (વેપાર) પર પણ થઇ શકે છે. આ બાબતને ધ્યાનમાં રાખીને બેઠકમાં નિકાસકારોને રાહત આપવાના સંભવિત ઉપાયો વિશે ચર્ચા કરવામાં આવી હતી. સાથોસાથ દેશના અર્થતંત્ર પર આ સંકટની થનારી અસરનું પણ મૂલ્યાંકન કરવામાં આવ્યું હતું.

સરકારે સંકેત આપ્યા છે કે જરૂર પડવા પર સમયસર જરૂરી પગલાં લેવામાં આવશે. સરકારનું કહેવું છે કે તે વૈશ્વિક પરિસ્થિતિઓ પર સતત નજર રાખી રહી છે. ઊર્જા, કૃષિ, વેપાર અને નાગરિકોની સુરક્ષા સાથે જોડાયેલા દરેક પાસાની નિયમિત સમીક્ષા કરવામાં આવી રહી છે, જેથી કોઈપણ પડકારનો સમયસર અને અસરકારક રીતે સામનો કરી શકાય.

આ પણ વાંચો:વંદે માતરમ બિલને સંસદમાં મળી મંજૂરી, રાજ્યસભા બાદ લોકસભામાં થયું પસાર

આ પણ વાંચો:આ ગૂગલ એપ્સ ગુપ્ત રીતે ખતમ કરે છે તમારા ફોનની બેટરી, તુરંત ચેક કરો લીસ્ટ