Gujarat : રાજ્યમાં ડિજિટલ સેવાઓને વધુ પારદર્શક અને નાગરિકલક્ષી બનાવવા તરફ ગુજરાત સરકારે એક સીમાચિહ્નરૂપ પગલું ભર્યું છે. રાજ્ય સરકારના ‘ડિજિટલ ગુજરાત 2.0’ પ્રોજેક્ટ હેઠળ હવે વિવિધ સરકારી ઈ-પ્રમાણપત્રો અને દાખલાઓ પર સક્ષમ અધિકારીની કચેરીના અધિકૃત ગોળ સિક્કા (Round Seal) સાથે જ દસ્તાવેજ જનરેટ થાય તેવી ટેક્નિકલ વ્યવસ્થા શરૂ કરવામાં આવશે. મુખ્યમંત્રી ભૂપેન્દ્ર પટેલના નેતૃત્વ હેઠળ સામાન્ય વહીવટ વિભાગ (GAD) દ્વારા આ સંદર્ભે મહત્વપૂર્ણ પરિપત્ર જારી કરીને તમામ વિભાગોને અમલીકરણ કરવા આદેશ આપ્યો છે.

અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X

ઓનલાઇન પ્રમાણપત્ર છતાં સિક્કા માટે થતા ધક્કા બંધ થશે

અત્યાર સુધી ડિજિટલ પોર્ટલ મારફતે જાતિ, આવક કે રહેઠાણ સહિતના દાખલા-પ્રમાણપત્રો ઓનલાઇન ડિજિટલ સિગ્નેચર સાથે મળી જતાં હોવા છતાં, શાળા-કોલેજોમાં એડમિશન, બેંક લોન કે અન્ય સરકારી યોજનાઓમાં વહીવટી તંત્ર દ્વારા ‘કચેરીના સત્તાવાર ગોળ સિક્કા’નો આગ્રહ રાખવામાં આવતો હતો. પરિણામે, અરજદારોને ઓનલાઇન ડાઉનલોડ કરેલા પ્રમાણપત્ર પર મેન્યુઅલ સિક્કો મરાવવા માટે મામલતદાર કચેરી, તાલુકા પંચાયત કે જનસેવા કેન્દ્રોના ધક્કા ખાવા પડતા હતા. સરકારના આ નવા નિર્ણયથી નાગરિકોના કિંમતી સમય, શ્રમ અને મુસાફરી ખર્ચની મોટી બચત થશે.

‘Digital-by-Default’ અભિગમ: પોર્ટલમાં થશે ટેક્નિકલ અપગ્રેડેશન

રાજ્ય સરકારે ગવર્નમેન્ટ પ્રોસેસ રી-એન્જિનિયરિંગ (GPR) અને બિઝનેસ પ્રોસેસ રી-એન્જિનિયરિંગ (BPR) થકી વહીવટી પ્રક્રિયાઓ કાગળવિહોણી (Paperless) બનાવવા ‘ડિજિટલ-બાય-ડિફોલ્ટ’ મોડેલ અપનાવ્યું છે. સામાન્ય વહીવટ વિભાગના પરિપત્ર અનુસાર, સાયન્સ એન્ડ ટેક્નોલોજી (DST) વિભાગ સાથે પરામર્શ કરીને સોફ્ટવેર અને ડિજિટલ ગુજરાત પોર્ટલમાં જરૂરી ફેરફારો કરવામાં આવી રહ્યા છે. પ્રમાણપત્ર જારી કરનાર સક્ષમ અધિકારીની કચેરીના નામ સાથેનો માન્ય ડિજિટલ રાઉન્ડ સીલ હવે સિસ્ટમમાંથી સીધો જ પ્રિન્ટ થશે, જે કાયદાકીય રીતે માન્ય ગણાશે.

આ પણ વાંચો:IIMની ડિગ્રી છોડી ₹5,000થી શરૂ કરી બેકરી, શાર્ક ટેન્કમાં મળી ₹1 કરોડની ડીલ!

‘ડિજિટલ ગુજરાત 2.0’ અને સરકારી સુધારણા પહેલ

• આ નિર્ણય પાછળનું મુખ્ય કારણ:

  • સામાન્ય વહીવટ વિભાગને વારંવાર ફરિયાદો મળતી હતી કે વિદેશ અભ્યાસ માટે જતાં વિદ્યાર્થીઓ કે સરકારી ભરતીના દસ્તાવેજ ચકાસણી (Document Verification) સમયે દસ્તાવેજ ચકાસણી અધિકારીઓ માત્ર ડિજિટલ હસ્તાક્ષરને બદલે ફિઝિકલ રાઉન્ડ સીલની માગણી કરતા હતા.

  • આ વિસંગતતા દૂર કરવા માટે સોફ્ટવેર-જનરેટેડ અધિકૃત સિક્કો અને કચેરી કોડ ફરજિયાત બનાવવાનું નક્કી કરાયું છે.

• કયા કયા પ્રમાણપત્રોને સીધો ફાયદો થશે?

  • આવકનો દાખલો (Income Certificate)

  • જાતિ અને નોન-ક્રીમીલેયર પ્રમાણપત્ર (Caste / Non-Creamy Layer Certificate)

  • ડોમિસાઇલ / કાયમી રહેઠાણનું પ્રમાણપત્ર (Domicile Certificate)

  • સિનિયર સિટિઝન સર્ટિફિકેટ તેમજ વિધવા સહાય યોજના સંબંધિત દાખલાઓ

  • વિવિધ શૈક્ષણિક અને મહેસૂલી પ્રમાણપત્રો

• ડિજિટલ સુરક્ષા અને વેરિફિકેશન મિકેનિઝમ:-

  • ગોળ સિક્કાની સાથે સાથે પ્રમાણપત્ર પર ડાયનેમિક QR કોડ પણ યથાવત્ રહેશે.

  • કોઈપણ સંસ્થા કે અધિકારી આ QR કોડ સ્કેન કરીને પોર્ટલ પરથી સીધું જ અસલ પ્રમાણપત્ર ક્રોસ-વેરિફાય કરી શકશે, જેનાથી બોગસ કે બનાવટી સિક્કા-સહી વાળા દસ્તાવેજો બનાવવાનું કૌભાંડ અટકશે.

આ પણ વાંચો:ગુજરાત યુનિવર્સિટીમાં વાયરલ ચેટ્સનો મામલો ગરમાયો, હવે જગદીશ જોશીનું નામ