સિદ્ધુ મૂસેવાલાના નાના ભાઈનો વીડિયો થયો વાયરલ: લાખો ચાહકોએ આપ્યા આશીર્વાદ
મુંબઈ, 8 માર્ચ : 2025: ગાયક સિદ્ધુ મૂસેવાલાની 2022 માં ગોળી મારીને હત્યા કરવામાં આવી હતી, પરંતુ તે હજુ પણ તેના લાખો ચાહકોના હૃદયમાં જીવંત છે. હવે સ્વર્ગસ્થ ગાયકના કાકા સાહિબ પ્રતાપ સિંહ સિદ્ધુએ ઇન્સ્ટાગ્રામ પર એક વીડિયો પોસ્ટ કર્યો છે, જેમાં ચાહકોને સિદ્ધુના નાના ભાઈ શુભદીપની ઝલક જોવા મળી છે. આ સુંદર વિડિઓ હવે ઇન્ટરનેટ પર વાયરલ થઈ ગયો છે, ચાહકોએ બાળક તેમજ તેના પરિવારને શુભેચ્છા પાઠવી છે.
View this post on Instagram
છોટે મૂસેવાલા તરીકે ઓળખાતો નાનો, ક્યૂટ શુભદીપ હવે મોટો થઈ ગયો છે. નવા વીડિયોમાં તે તેના પિતા બલકૌર સિદ્ધુ સાથે જોઈ શકાય છે. આ વીડિયોમાં, શુભદીપ ટ્રેક્ટર પર બેઠો છે અને તેના પિતાએ તેને પકડી રાખ્યો છે. શુભદીપ હસતો અને રમવામાં વ્યસ્ત છે. તેણે માથા પર એક સુંદર નાની ચોટલી પણ બાંધેલી છે, જે ખૂબ જ સુંદર લાગે છે.
શુભદીપ સિંહ સિદ્ધૂના વીડિયો પર યુઝર્સ ખૂબ જ પ્રતિક્રિયા આપી રહ્યા છે. આગામી 10 દિવસમાં તે 1 વર્ષનો થવાનો છે. આ સુંદર વિડિઓને ૧૩ લાખથી વધુ વ્યૂઝ અને ૧.૫ લાખથી વધુ લાઈક્સ મળી ચૂક્યા છે. સિદ્ધૂ મૂસેવાલાના માતા-પિતાએ વર્ષ 2024 માં તેમના બીજા બાળક શુભદીપ સિંહ સિદ્ધૂનો પહેલો ફોટો ઇન્સ્ટાગ્રામ પર શેર કર્યો હતો.ફોટાના કેપ્શનમાં તેમણે લખ્યું હતું કે શુભદીપને પ્રેમ કરતા લાખો ચાહકોના આશીર્વાદથી, ભગવાને અમને શુભના નાના ભાઈને અમારી ઝોળીમાં આપ્યો છે.
આ પણ વાંચો..Happy Women’s Day: કોણ હતી ભારતની પહેલી મહિલા કલાકાર? કેવા હતા પડકારો?
