જમ્મુ-કાશ્મીરમાં RTOનું એક્શન, RAPIDO પર બ્રેક, લાયસન્સ વગર ચલાવી રહ્યા હતા બાઈક-ટેક્સી
જમ્મુ અને કાશ્મીરમાં બાઇક અને કેબ સેવા પ્રદાન કરતી RAPIDO નું સંચાલન સ્થગિત કરવામાં આવ્યું છે. પ્રાદેશિક પરિવહન અધિકારી (RTO) જમ્મુ જસમીત સિંહે જણાવ્યું હતું કે, RAPIDO રાજ્યમાં જરૂરી એગ્રીગેટર પ્રમાણપત્ર વિના કાર્યરત હતું, જેના કારણે પરિવહન વિભાગે તાત્કાલિક કાર્યવાહી કરી અને તેની કામગીરી ગેરકાયદેસર જાહેર કરી છે.
RAPIDO માન્ય પરવાનગી વિના કાર્યરત
RTO જમ્મુ જસમીત સિંહે જણાવ્યું હતું કે, વિભાગને જાણવા મળ્યું છે કે RAPIDO માન્ય પરવાનગી વિના કાર્યરત છે. તેમણે જણાવ્યું હતું કે, નિયમો હેઠળ, કોઈપણ એગ્રીગેટર કંપનીએ જમ્મુ અને કાશ્મીરમાં કામ કરતા પહેલા ટ્રાન્સપોર્ટ કમિશનરની ઓફિસમાં નોંધણી કરાવવી પડશે અને જરૂરી લાઇસન્સ મેળવવું પડશે.
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
જસમીત સિંહે સ્પષ્ટતા કરી હતી કે RAPIDO એ રાજ્યમાં પોતાની ઓફિસ સ્થાપિત કરવી પડશે અને મુસાફરો અને વાહનોનું નિરીક્ષણ સુનિશ્ચિત કરવા માટે એક કંટ્રોલ રૂમ પણ સ્થાપિત કરવો પડશે. જસમીત સિંહે કહ્યું હતું કે સુરક્ષા એજન્સીઓ માટે એ જાણવું મહત્વપૂર્ણ છે કે બાઇક અથવા કાર દ્વારા લોકોને કોણ અને ક્યાં લઈ જઈ રહ્યું છે.
RTOએ ગંભીર સુરક્ષા ચિંતાઓનો ઉલ્લેખ કર્યો હતો, અને કહ્યું હતું કે જો આવી સેવાઓનો દુરુપયોગ સમાજ વિરોધી અથવા રાષ્ટ્ર વિરોધી તત્વો દ્વારા કરવામાં આવે છે, તો તેમને ટ્રેક કરવા એક મોટો પડકાર બની શકે છે. તેમણે જણાવ્યું હતું કે જાહેર સલામતી સુનિશ્ચિત કરવા માટે વાહનો, ડ્રાઇવરો અને દસ્તાવેજોની ચકાસણી કરવી જરૂરી છે.
સરકાર જનતાને અસુવિધા પહોંચાડવા માંગતી નથી : જસમીત સિંહે
જો કે, તેમણે એમ પણ જણાવ્યું હતું કે, સરકાર જનતાને અસુવિધા પહોંચાડવા માંગતી નથી, પરંતુ સેવાઓ એવી રીતે સંચાલિત થવી જોઈએ કે જે મુસાફરોની સલામતી અને રાષ્ટ્રીય સુરક્ષા બંને સુનિશ્ચિત કરે. RTO એ પુનરોચ્ચાર કર્યો હતો કે RAPIDOને જમ્મુ અને કાશ્મીરમાં જરૂરી લાઇસન્સ મેળવ્યા પછી અને નિયમોનું પાલન કર્યા પછી જ સંચાલન કરવાની મંજૂરી આપવામાં આવશે.
આ પણ વાંચો : સોમનાથમાં ભવ્ય રોડ શો બાદ પીએમ મોદીએ દાદાના દર્શન કર્યા
