મંદીનો તબક્કો પૂર્ણ, વધુ એક રેટિંગ એજન્સીએ કરી આગાહી

નવી દિલ્હી, 13 નવેમ્બર, 2025: વૈશ્વિક આર્થિક અનિશ્ચિતતાઓ, અમેરિકાના ઊંચા ટેરિફ અને આંતરરાષ્ટ્રીય બજારની ઉતલપાથલ હોવા છતાં પણ ભારતીય અર્થવ્યવસ્થા ઝડપથી આગળ વધી રહી છે. રેટિંગ એજન્સી ઇન્ડિયા રેટિંગ્સ એન્ડ રિસર્ચ (Ind-Ra)એ પોતાની તાજી આગાહીમાં કહ્યુ છે કે નાણાંકીય વર્ષ 2025-26ના બીજી ત્રિમાસિક ગાળામાં ભારતની જીડીપી 7.2 ટકાના દરે વધી શકે છે.

બીજા ત્રિમાસિક ગાળામાં દેખાશે સૌથી વધુ વૃદ્ધિ

રેટિંગ એજન્સીનો અંદાજ છે કે ભારતનું વાસ્તવિક કુલ ઘરેલુ ઉત્પાદન (GDP), જે 2011-12 ના આધાર વર્ષ સામે માપવામાં આવ્યું હતું, તે પાંચ ક્વાર્ટરમાં સૌથી ઝડપી ગતિએ વૃદ્ધિ પામશે. રાષ્ટ્રીય આંકડાકીય કાર્યાલય (NSO) 28 નવેમ્બરના રોજ સત્તાવાર GDP આંકડા જાહેર કરશે.

વૃદ્ધિનો મુખ્ય ચાલક – ખાનગી વપરાશ

ઈન્ડિયા રેટિંગ્સ એન્ડ રિસર્ચના મુખ્ય અર્થશાસ્ત્રી અને મેનેજિંગ ડિરેક્ટર પારસ જસરાયએ જણાવ્યું હતું કે ખાનગી વપરાશમાં વધારો એ GDP વૃદ્ધિનું મુખ્ય ચાલક છે. “ઉચ્ચ અને નીચલા આવક જૂથો બંનેની વાસ્તવિક આવકમાં સુધારો થયો છે, જેનાથી માંગમાં વધારો થયો છે,” તેમણે કહ્યું.

માળખાગત સુવિધાઓ અને સેવા ક્ષેત્રોનું યોગદાન

એજન્સીના જણાવ્યા અનુસાર, માળખાગત સુવિધાઓ ક્ષેત્રની મજબૂત સ્થિતિ, માલ અને સેવાઓની નિકાસમાં વધારો અને સેવા ક્ષેત્રની મજબૂતાઈએ પણ બીજા ક્વાર્ટરના વિકાસને વેગ આપ્યો છે. નાણાકીય વર્ષ 2025-26 ના બીજા ક્વાર્ટરમાં ખાનગી વપરાશ 8% વધવાનો અંદાજ છે, જે પહેલા ક્વાર્ટરમાં 7% અને પાછલા વર્ષના બીજા ક્વાર્ટરમાં 6.4% હતો.

એજન્સી જણાવે છે કે સરકારના આવકવેરામાં ઘટાડાએ વપરાશ માંગને વધારવામાં મહત્વપૂર્ણ ભૂમિકા ભજવી છે. જોકે, જો GST દરોના તર્કસંગતતાને કારણે ખરીદીના નિર્ણયો મુલતવી રાખવામાં ન આવ્યા હોત, તો વપરાશમાં વધુ મજબૂત વધારો જોવા મળ્યો હોત.

રોકાણ માંગમાં 7.5%નો વધારો

નિવેદન અનુસાર, રોકાણ માંગ પણ વાર્ષિક ધોરણે 7.5% ના દરે વધી છે. સરકારનો સ્થિર મૂડી ખર્ચ આ વૃદ્ધિને જાળવી રાખવામાં મુખ્ય ભૂમિકા ભજવી રહ્યો છે.

આ પણ વાંચોઃ સેબી ચેરમેન અને ટોચના અધિકારીઓએ પોતાની સંપત્તિ અને દેવાનો ખુલાસો કરવો પડશે