Rashmi Desai : ટીવીની લોકપ્રિય અભિનેત્રી રશ્મિ દેસાઈ લાંબા સમય સુધી નાના પડદાથી દૂર રહ્યા બાદ હવે સ્ટાર પ્લસના શો ‘સાયોની’ દ્વારા કમબેક કરી રહી છે. તાજેતરમાં એક ઇન્ટરવ્યૂમાં તેમણે ટીવીથી દૂર રહેવાના સમયગાળા વિશે ખુલીને વાત કરી હતી. આ દરમિયાન રશ્મિએ પોતાની કારકિર્દીમાં આવેલા પડકારો અને તેમના વિશે ઇન્ડસ્ટ્રીમાં બનેલી માન્યતાઓ અંગે પણ ખુલાસો કર્યો હતો. (Rashami Desai)

અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X

રશ્મિ દેસાઈએ ટીવીથી બ્રેક કેમ લીધો?

રશ્મિ દેસાઈએ જણાવ્યું હતું કે તેમણે લગભગ 3થી 4 વર્ષ સુધી કામ કરવાનું બંધ કરી દીધું હતું. આ દરમિયાન તેમણે એક ગુજરાતી ફિલ્મ અને  ‘હિસાબ બરાબર’ નામની ફિલ્મમાં કામ કર્યું હતું. જોકે, તેમણે વધુ પ્રોજેક્ટ્સ સ્વીકાર્યા નહોતા, કારણ કે તે સમયે તેમનું કામ કરવાનો મન નહોતો. રશ્મિએ કહ્યું કે તેમને ટીવી શોના ઑફર્સ પણ મળ્યા હતા, પરંતુ તેઓ તે પ્રોજેક્ટ્સ સાથે જોડાઈ શક્યાં નહોતાં અથવા કદાચ તે સમયે તેઓ તેના માટે તૈયાર નહોતાં. તેમણે ઉમેર્યું કે ઘણી વાર કોઈ શો કર્યા પછી તેઓ 3થી 4 વર્ષ માટે ગાયબ થઈ જાય છે. અભિનેત્રીએ જણાવ્યું કે તેઓ ભૂતકાળની ઘણી બાબતો ભૂલીને આગળ વધવા માગતાં હતાં. આ સમય દરમિયાન તેમણે અનેક વર્કશોપમાં ભાગ લીધો હતો અને પોતાની જાત પર કામ કર્યું હતું.

ટીવીમાં લાંબા સમય સુધી એક જ પાત્રમાં રહેવું પડે છે

રશ્મિ દેસાઈના મતે, એક અભિનેતા તરીકે સતત મહેનત કરવી પડે છે. ફિલ્મમાં કામ કરતી વખતે પોતાની જાત પર કામ કરવા માટે સમય મળી શકે છે, પરંતુ ટીવી શો લાંબા સમયની પ્રતિબદ્ધતા માગે છે. તેમાં કલાકાર અજાણતાં પણ લાંબા સમય સુધી પોતાના પાત્રને જીવવા લાગે છે. તેમણે કહ્યું કે પોતાના વ્યક્તિત્વમાંથી કેટલીક બાબતો દૂર કરીને આગળ વધવાની જરૂર હતી. આ તેમની અંગત સફર હતી. જ્યારે કોઈ બાબત સાથે તેઓ પોતે સંપૂર્ણ રીતે સહમત ન હોય, ત્યારે દર્શકોને પણ તે પાત્ર પર વિશ્વાસ કરાવવા મુશ્કેલ બને છે.

આ પણ વાંચો: ગાંધીનગરના છત્રાલ GIDCમાં બોઈલર બ્લાસ્ટથી હાહાકાર, 4નાં મોત

“લોકોએ કહ્યું કે મારું કરિયર પૂરું થઈ ગયું છે”

રશ્મિ દેસાઈએ ઇન્ડસ્ટ્રીમાં મહિલા કલાકારોને લઈને બનતી કેટલીક માન્યતાઓ અંગે પણ વાત કરી હતી. તેમના કહેવા મુજબ, કેટલાક પ્રોજેક્ટ્સમાં મહિલાઓને માત્ર સુંદર કે આકર્ષક દેખાતી વ્યક્તિ તરીકે રજૂ કરવામાં આવે છે, જ્યારે તેમના વ્યક્તિત્વ અને અભિનયમાં તેનાથી ઘણું વધારે હોય છે. તેમણે કહ્યું કે ટીવી કોઈ મહિલાને માત્ર એક ‘ઑબ્જેક્ટ’ બનાવતું નથી, પરંતુ તેને પોતાની પ્રતિભા દર્શાવવા માટે એક મંચ આપે છે. જોકે, આ મંચને ઘણી વાર તે યોગ્ય મહત્ત્વ મળતું નથી, જે તેને મળવું જોઈએ.

રશ્મિએ વધુમાં જણાવ્યું કે કેટલાક લોકોએ તેમને એવું પણ કહ્યું હતું કે તેઓ દરેક જગ્યાએ વધારે દેખાય છે અને હવે તેમની કારકિર્દી પૂરી થઈ ગઈ છે. આ સમયગાળા દરમિયાન તેમણે પોતાના માટે સમય કાઢ્યો અને ફરીથી કામ કરવા માટે માનસિક રીતે તૈયાર થવાનો પ્રયાસ કર્યો.

રશ્મિ દેસાઈના નવા શો ‘સાયોની’ વિશે જાણો

રશ્મિ દેસાઈ હવે રોમેન્ટિક ફેમિલી ડ્રામા ‘સાયોની’ દ્વારા ટીવી પર પાછાં ફરી રહ્યાં છે. આ શોનું નિર્માણ રવિ દુબે અને સરગુન મહેતાએ પોતાના પ્રોડક્શન હાઉસ ડ્રીમિયાટા એન્ટરટેઇનમેન્ટ હેઠળ કર્યું છે. આ શોમાં રશ્મિ દેસાઈ ઉપરાંત અજય ચૌધરી, જાહ્નવી સોની અને ગૌતમ વિગ પણ મહત્ત્વની ભૂમિકાઓમાં જોવા મળી રહ્યા છે. લાંબા વિરામ બાદ રશ્મિની વાપસી તેમના ચાહકો માટે ખાસ બની શકે છે.

આ પણ વાંચો: પતિની હત્યા કરાવી સાપ કરડાવ્યો, પત્ની અને પ્રેમીને ફાંસીની સજા!