રશિયા-ભારત સંબંધો પર પુતિનનું મોટું સ્ટેટમેન્ટ, મુખ્ય કરારો કર્યા જાહેર

HD News Desk, 04 ડિસેમ્બર 2025 : રશિયન પ્રમુખ વ્લાદિમીર પુતિન ગુરૂવારે (4 ડિસેમ્બર) બે દિવસીય ભારતીય મુલાકાતે છે. રશિયા-યુક્રેન યુદ્ધ શરૂ થયા બાદ પ્રમુખ પુતિનની આ પહેલી ભારત મુલાકાત છે, જે બંને દેશો માટે ખૂબ જ મહત્ત્વનું માનવામાં આવે છે. આ દરમિયાન પુતિને ભારતીય મીડિયા આજતકને એક ઈન્ટરવ્યુ આપ્યું હતું. જેમાં તેમણે રશિયા-ભારતના સંબંધો વિશે વાત કરી અને તેમના વચ્ચે થયેલા મુખ્ય કરારો પણ જાહેર કર્યા

મુખ્ય કરારો કર્યા જાહેર

રશિયાના રાષ્ટ્રપતિ વ્લાદિમીર પુતિને સ્પષ્ટ કર્યું છે કે ભારત અને રશિયા વચ્ચે અનેક મહત્વપૂર્ણ કરારો શક્ય છે. પુતિને જણાવ્યું હતું કે ભારત અને રશિયા ઉચ્ચ ટેકનોલોજી, અવકાશ ટેકનોલોજી, પરમાણુ ટેકનોલોજીથી લઈને જહાજ નિર્માણ, વિમાન નિર્માણ અને ભવિષ્ય માટે તૈયાર અન્ય ક્ષેત્રોમાં સહયોગ કરી રહ્યા છે. ભારતની પ્રગતિની પ્રશંસા કરતા પુતિને કહ્યું, “આખી દુનિયા જોઈ રહી છે! મને નથી લાગતું કે તેમાં કંઈ ખાસ છે. ભારત એક વિશાળ દેશ છે, જેમાં 1.5 અબજ લોકો રહે છે. તે 7.7 ટકાના વિકાસ દર સાથે વિકાસશીલ રાષ્ટ્ર છે. આ વડા પ્રધાન મોદી માટે એક મોટી સિદ્ધિ છે. ભારતના નાગરિકો માટે તે ગર્વની વાત છે. જો કે, ટીકાકારો હંમેશા કહી શકે છે કે વધુ સારી બાબતો કરી શકાઈ હોત. પરંતુ પરિણામો બધા માટે જોવા માટે છે.”

પુતિનનો ભારતમાં બે દિવસનો સંપૂર્ણ કાર્યક્રમ

રશિયાના પ્રમુખ વ્લાદિમીર પુતિન ગુરુવારે (4 ડિસેમ્બર) સાંજે નવી દિલ્હી પહોંચશે. ત્યારબાદ તેઓ લોક કલ્યાણ માર્ગ પર સ્થિત પ્રધાનમંત્રી નિવાસસ્થાને જશે, જ્યાં વડાપ્રધાન મોદી તેમના માટે એક ખાનગી ડિનરનું આયોજન કરશે. પુતિનની મુલાકાત ભારત અને રશિયા વચ્ચેની વ્યૂહાત્મક ભાગીદારીના 25 વર્ષ પૂર્ણ થવાના પ્રસંગે પણ છે, જે તેને બંને દેશો માટે એક મહત્ત્વપૂર્ણ ઘટના બનાવે છે.

પુતિનના મુખ્ય કાર્યક્રમો શુક્રવારે રાજઘાટની મુલાકાતથી શરૂ થવાના છે. ત્યારબાદ રાષ્ટ્રપતિ ભવનમાં તેમનું ઔપચારિક સ્વાગત કરવામાં આવશે. મુખ્ય શિખર સંમેલન માટે, પુતિન હૈદરાબાદ હાઉસ જશે, જ્યાં તેઓ પીએમ મોદી સાથે દ્વિપક્ષીય વાટાઘાટો કરશે.

આ પણ વાંચો:‘તમે પણ કંટાળી જાત…’ ટ્રમ્પના જમાઈ સાથેની મુલાકાત પર રશિયન પ્રમુખ પુતિનની ચોંકાવનારી ટિપ્પણી