ગુજરાત સ્થાપના દિવસ પર PM મોદી સહિત મુખ્યમંત્રી ભૂપેન્દ્ર પટેલ અને હર્ષ સંઘવીએ શુભેચ્છા આપી

Gujarat Day: સમગ્ર ગુજરાત આજે ‘ગુજરાત સ્થાપના દિવસ’ની ભવ્ય ઉજવણી કરી રહ્યું છે. વર્ષ 1960માં આજના દિવસે બૃહદ મુંબઈ રાજ્યમાંથી અલગ થઈને ગુજરાતની સ્થાપના થઈ હતી. આ અવસરે વડાપ્રધાન નરેન્દ્ર મોદીએ ખાસ પોસ્ટ કરીને ગુજરાતના વિકાસ અને ગૌરવની પ્રશંસા કરી છે.

વડાપ્રધાન મોદીએ સોશિયલ મીડિયા પર પોસ્ટ કરી

વડાપ્રધાન મોદીએ તેમની પોસ્ટમાં લખ્યું કે, “ગુજરાતના સ્થાપના દિવસ પર રાજ્યના તમામ લોકોને મારી હાર્દિક શુભકામનાઓ. ગુજરાત આગામી સમયમાં પ્રગતિના નવા શિખરો સર કરે અને સતત વિકાસના માર્ગે અગ્રેસર રહે તેવી હું પ્રાર્થના કરું છું.”

ગુજરાત સ્થાપના દિવસ નિમિત્તે રાજ્યના તમામ નાગરિકોને હાર્દિક શુભેચ્છાઓ…!!

આ દિવસ એ ગુજરાતના સમૃદ્ધ ઇતિહાસ, જીવંત સંસ્કૃતિ અને અદમ્ય જિજ્ઞાસા-ઉમંગના ઉત્સવનું પ્રતિક છે. ગુજરાતની ધરતી પર વસતા લોકો તેમની ગતિશીલતા, મહેનત અને ઉદ્યોગસાહસિકતા માટે વિશ્વભરમાં ઓળખાતા રહ્યા છે. રાજ્યએ…

— Narendra Modi (@narendramodi) May 1, 2026

પીએમ મોદીએ ગુજરાતીઓના સ્વભાવ અને આવડતની પ્રશંસા કરતા જણાવ્યું હતું કે, “ગુજરાતના નાગરિકો તેમની ગતિશીલતા, અથાગ મહેનત અને ઉદ્યોગ સાહસિકતાને કારણે આજે વિશ્વભરમાં પોતાની આગવી ઓળખ ધરાવે છે. ગુજરાતીઓની સાહસિક વૃત્તિએ રાજ્યને દરેક ક્ષેત્રે અવ્વલ બનાવ્યું છે.”

Warm greetings to the people of Gujarat on the special occasion of Gujarat Day. This day is a celebration of the rich history, vibrant culture and remarkable spirit of Gujarat. The state has made an outstanding contribution to India’s progress. The dynamic and enterprising nature…

— Narendra Modi (@narendramodi) May 1, 2026

વડાપ્રધાન મોદીએ ગુજરાતને ભારતની વિકાસયાત્રાનું મહત્વનું એન્જિન ગણાવ્યું હતું. તેમણે આશા વ્યક્ત કરી હતી કે ગુજરાત તેના ભવ્ય વારસાને સાચવીને આધુનિક ભારતની પ્રગતિમાં પોતાનું બહુમૂલ્ય યોગદાન આપતું રહેશે.

ગુજરાતના મુખ્યમંત્રી ભૂપેન્દ્ર પટેલે ટ્વિટ કરી શુભકામનાઓ આપી

દેશ અને દુનિયામાં વસતા સૌ વ્હાલા ગુજરાતી ભાઈ-બહેનોને ‘ગુજરાત સ્થાપના દિવસ’ની હાર્દિક શુભેચ્છાઓ.

પૂજ્ય ગાંધી બાપુ, સરદાર સાહેબ, સ્વામી દયાનંદ સરસ્વતી, શ્યામજી કૃષ્ણ વર્માના આશીર્વાદ, પૂજ્ય રવિશંકર મહારાજ, ઈન્દુચાચા જેવા અનેક મહાપુરુષોની પ્રેરણા અને માર્ગદર્શન, લોકોનો અવિરત કઠોર… pic.twitter.com/3eD7Rmd7hU

— Bhupendra Patel (@Bhupendrapbjp) May 1, 2026

રાજ્યના ગૃહમંત્રી હર્ષ સંઘવીએ પણ ટ્વિટ કર્યું

ગુજરાત મારી જન્મભૂમિ, ગુજરાત મારી અસ્મિતા,
ગુજરાત મારું ગૌરવ, ગુજરાત મારું સર્વસ્વ !🌻

ધન્ય ધરા ગુજરાત મારી માતૃભૂમિ છે, તેનું ફાટફાટ ગૌરવ છે. વિશ્વભરમાં વસતા અને માતૃભૂમિને શ્વસતા સૌ ગુજરાતીઓને ગુજરાત સ્થાપના દિવસની શુભકામનાઓ પાઠવું છું.

મારી આ ગુર્જરી ભૂમિને શત શત વંદન.🙏🏻… pic.twitter.com/fZlxQ9qplm

— Harsh Sanghavi (@sanghaviharsh) May 1, 2026