કિશ્તવાડમાં ઓપરેશન ત્રાશી-1: જમ્મુ-કાશ્મીરમાં આતંકીઓ સાથે અથડામણ, રાજૌરીમાં સર્ચ જારી
- સર્ચ ઓપરેશન દરમિયાન જ્યારે સૈનિકોએ બે કે ત્રણ આતંકવાદીઓને લગભગ ઘેરી લીધા હતા, ત્યારે આતંકવાદીઓએ પોતાને ફસાયેલા જોઈને સૈનિકો પર ગ્રેનેડ ફેંક્યા
કિશ્તવાડ, 19 જાન્યુઆરી, 2026: જમ્મુ અને કાશ્મીરના કિશ્તવાડ જિલ્લામાં રવિવારે સુરક્ષા દળો અને આતંકવાદીઓ વચ્ચે ભીષણ અથડામણ થઈ હતી, જેમાં 8 જવાનો ઘાયલ થયા છે. આ એન્કાઉન્ટર ઓપરેશન ત્રાશી-1ના Operation Trashi-1 ભાગ રૂપે થયું હતું, જ્યારે સૈનિકોએ જૈશ-એ-મોહમ્મદના આતંકવાદીઓને ઘેરી લીધા હતા. દરમિયાન LoC નજીક શંકાસ્પદ ગતિવિધિ જોવા મળ્યા બાદ રાજૌરી જિલ્લામાં સુરક્ષા દળો એલર્ટ પર છે.
ઓપરેશન ત્રાશી-1 અને આતંકવાદીઓ પર હુમલો
કિશ્તવાડના ઉપરના જંગલ વિસ્તારમાં આતંકવાદીઓની હાજરીની માહિતીના આધારે સેનાના વ્હાઇટ નાઈટ કોરે રવિવારે બપોરે 12 વાગ્યે ઓપરેશન ત્રાશી-1 શરૂ કર્યું. સર્ચ ઓપરેશન દરમિયાન જ્યારે સૈનિકોએ બે કે ત્રણ આતંકવાદીઓને લગભગ ઘેરી લીધા હતા, ત્યારે આતંકવાદીઓએ પોતાને ફસાયેલા જોઈને સૈનિકો પર ગ્રેનેડ ફેંક્યા અને અંધાધૂંધ ગોળીબાર શરૂ કરી દીધો હતો.
આ હુમલામાં આઠ સૈન્ય જવાનો ઘાયલ થયા હતા, જેમાંથી ત્રણની હાલત ગંભીર હતી અને તેમને ઉધમપુર આર્મી બેઝ હોસ્પિટલમાં એરલિફ્ટ કરવામાં આવ્યા હતા.
જૈશ-એ-મોહમ્મદના આતંકવાદીઓની ઘેરાબંધી અને સર્ચ ઓપરેશન
સુરક્ષા અધિકારીઓના જણાવ્યા અનુસાર ઘેરાયેલા આતંકવાદીઓ પાકિસ્તાની સંગઠન જૈશ-એ-મોહમ્મદ સાથે જોડાયેલા હોઈ શકે છે. આતંકવાદીઓના ભાગી જવાના તમામ રસ્તાઓ સીલ કરી દેવામાં આવ્યા છે અને સમગ્ર વિસ્તાર કડક સુરક્ષા હેઠળ છે. હાલમાં જમ્મુ અને કાશ્મીર પોલીસ, સેના અને CRPF સંયુક્ત રીતે આ કામગીરીમાં રોકાયેલા છે. સેના ગાઢ જંગલોમાં છુપાયેલા આતંકવાદીઓને શોધવા માટે ડ્રોન ટેકનોલોજી અને સ્નિફર ડોગ્સનો પણ ઉપયોગ કરી રહી છે.
રાજૌરીમાં શંકાસ્પદ હિલચાલ અને VGC ફાયરિંગ
કિશ્તવાડમાં ગોળીબાર ચાલુ રહેતાં, રાજૌરી જિલ્લાના નૌશેરા વિસ્તારમાં પણ તણાવ ફેલાઈ ગયો છે. નિયંત્રણ રેખા નજીક આવેલા કલાલ ગામમાં એક વિલેજ ડિફેન્સ કમિટીના સભ્યએ પોતાના ઘરની આસપાસ થોડી શંકાસ્પદ હિલચાલ જોઈ હતી.
VGC સભ્યએ તરત જ હવામાં થોડા ગોળીબાર કર્યા હતા, જેના કારણે શંકાસ્પદો ભાગી ગયા. ઘટના બાદ તરત જ, સેના અને પોલીસે સમગ્ર નૌશેરા વિસ્તારને ઘેરી લીધો અને ઘૂસણખોરીની કોઈપણ શક્યતાને દૂર કરવા માટે કોર્ડન અને સર્ચ ઓપરેશન શરૂ કર્યું હતું.
આ પણ વાંચોઃ ‘પાકિસ્તાન આતંકવાદનું ઇન્ફ્રાસ્ટ્રક્ચર, તેને મદદ ન કરો’, એસ જયશંકરનો પોલેન્ડને કડક સંદેશ
